ನಿಮ್ಮ ನವಜಾತ ಶಿಶು ಜಿಗುಟಾದ ಕಣ್ಣುಗಳಿಂದ ಬಳಲುತ್ತಿದೆಯಾ? ನೀವೇನು ಮಾಡಬೇಕೆಂಬುದು ಇಲ್ಲಿದೆ..

ಸಾಮಾನ್ಯವಾಗಿ ನಿರ್ಬಂಧಿಸಲಾದ ಕಣ್ಣೀರಿನ ನಾಳದಿಂದ ಜಿಗುಟಾದ ಕಣ್ಣುಗಳು ಉಂಟಾಗುತ್ತದೆ. ಇದು ಈಗತಾನೆ ಹುಟ್ಟಿದ ಮಗುವಿನಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಈ ಸಮಸ್ಯೆಗೆ ಇಲ್ಲಿವೆ ಪರಿಹಾರಗಳು..

ಜನನದ ನಂತರದ ಆರಂಭಿಕ ವರ್ಷಗಳು ಮಗುವಿಗೆ ಬಹಳ ಮಹತ್ವದ್ದಾಗಿದೆ ಮತ್ತು ಸಣ್ಣ ಅಜಾಗರೂಕತೆಯೂ ವಿವಿಧ ರೋಗಗಳು ಮತ್ತು ಸೋಂಕುಗಳಿಗೆ ಕಾರಣವಾಗಬಹುದು. ಮತ್ತು ಈ ಪರಿಸ್ಥಿತಿಗಳನ್ನು ಸಮಯಕ್ಕೆ ಗಮನಿಸದಿದ್ದರೆ, ಅವು ಪ್ರತಿಕೂಲವಾಗಬಹುದು.

ಶಿಶುಗಳಲ್ಲಿ ಅಂತಹ ಒಂದು ಸಾಮಾನ್ಯ ಸಮಸ್ಯೆ ಎಂದರೆ ಜಿಗುಟಾದ ಕಣ್ಣುಗಳು. ಸಾಮಾನ್ಯವಾಗಿ ನಿರ್ಬಂಧಿಸಲಾದ ಕಣ್ಣೀರಿನ ನಾಳದಿಂದ ಜಿಗುಟಾದ ಕಣ್ಣುಗಳು ಉಂಟಾಗುತ್ತದೆ. ಇದರಿಂದ ಶಿಶುಗಳ ಕಣ್ಣುಗಳಲ್ಲಿ ಹಳದಿ ವಿಸರ್ಜನೆಯಾಗುತ್ತದೆ. ಹೀಗಾಗಿ ಅದರ ಬಗ್ಗೆ ಒಂದಿಷ್ಟು ಮಾಹಿತಿ ನೀವಿಲ್ಲಿ ತಿಳಿದುಕೊಳ್ಳಬೇಕಿದೆ.

ಜಿಗುಟು ಸಮಸ್ಯೆಯನ್ನು ನಿರ್ಲಕ್ಷಿಸಬೇಡಿ: ಜಿಗುಟಾದ ಕಣ್ಣುಗಳು ಒಂದು ಚಿಂತಾಜನಕ ಸ್ಥಿತಿಯಲ್ಲ ಮತ್ತು ಕೆಂಪು ಅಥವಾ ಊತದಂತಹ ಇತರ ರೋಗಲಕ್ಷಣಗಳು ಬೆಳವಣಿಗೆಯಾಗಲು ಪ್ರಾರಂಭಿಸದ ಹೊರತು ಮನೆಯಲ್ಲಿಯೇ ಚಿಕಿತ್ಸೆ ನೀಡಬಹುದು, ಇದು ಇತರ ಕಾಯಿಲೆಗಳು ಅಥವಾ ಸೋಂಕುಗಳ ಲಕ್ಷಣಗಳಾಗಿರಬಹುದು.

ನವಜಾತ ಶಿಶುಗಳಲ್ಲಿ ಒಂದು ವರ್ಷದವರೆಗೆ ಜಿಗುಟಾದ ಕಣ್ಣುಗಳ ಸಮಸ್ಯೆ ಸಾಮಾನ್ಯವಾಗಿದೆ ಎಂದು ಮಕ್ಕಳ ತಜ್ಞೆ ಡಾ.ಕೃತಿಕಾ ಕಾಲಿಯಾ ಹೇಳುತ್ತಾರೆ. ಮತ್ತು ಇದನ್ನು ಸ್ವಚ್ಛತೆ ಮತ್ತು ಕೆಲವು ಮುನ್ನೆಚ್ಚರಿಕೆಗಳೊಂದಿಗೆ ಸರಿಪಡಿಸಬಹುದು. ಆದಾಗ್ಯೂ, ಅತಿಯಾದ ಜಿಗುಟುತನ, ಅತಿಯಾದ ಹಳದಿ ಅಥವಾ ಬಿಳಿ ಸ್ರವಿಸುವಿಕೆ, ಕಣ್ಣು ತೆರೆಯುವಲ್ಲಿ ತೊಂದರೆ, ಕಣ್ಣುಗಳ ಸುತ್ತಲೂ ಕೆಂಪು ಅಥವಾ ಊತದಂತಹ ಇತರ ಲಕ್ಷಣಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸಿದರೆ, ಅದು ಸೋಂಕು ಅಥವಾ ಕಾಯಿಲೆಯ ಸಂಕೇತವಾಗಿರಬಹುದು.

ಜಿಗುಟು ಕಣ್ಣುಗಳ ಸ್ಥಿತಿಗೆ ಹಲವು ಕಾರಣಗಳನ್ನು ಪರಿಗಣಿಸಬಹುದು ಎಂದು ಡಾ. ಕೃತಿಕಾ ವಿವರಿಸುತ್ತಾರೆ, ಅವುಗಳಲ್ಲಿ ಕೆಲವು ಇಲ್ಲಿವೆ..

ನಿಯೋನೇಟೋರಮ್

ನಮ್ಮ ತಜ್ಞರ ಪ್ರಕಾರ, ಈ ಸ್ಥಿತಿಯು ನವಜಾತ ಶಿಶುಗಳಲ್ಲಿ ಸಾಕಷ್ಟು ಸಾಮಾನ್ಯವಾಗಿದೆ. ಹುಟ್ಟಿದ 3-4 ತಿಂಗಳೊಳಗೆ ಮಕ್ಕಳಲ್ಲಿ ಇದರ ಪರಿಣಾಮವನ್ನು ಕಾಣಬಹುದು. ಸಾಮಾನ್ಯವಾಗಿ ಜನನದ ಸಮಯದಲ್ಲಿ ಅಥವಾ ನಂತರ ಶುಚಿತ್ವವನ್ನು ಕಾಪಾಡಿಕೊಳ್ಳುವಲ್ಲಿ ಅಸಡ್ಡೆ ತೋರುವುದು ಈ ಸ್ಥಿತಿಗೆ ಕಾರಣವಾಗಿದೆ. ಕಣ್ಣುಗಳಲ್ಲಿ ನೀರು ಬರುವುದು, ಜಿಗುಟು, ಕಣ್ಣು ಕೆಂಪಾಗುವುದು ಮತ್ತು ಕಣ್ಣುರೆಪ್ಪೆಗಳು ಊದಿಕೊಂಡಂತೆ ಕಾಣಿಸುವುದುದು ಇದರ ಲಕ್ಷಣಗಳಾಗಿವೆ.

ನಿರ್ಬಂಧಿತ ಕಣ್ಣೀರಿನ ನಾಳ

ಕಣ್ಣೀರಿನ ನಾಳದ ತಡೆಗಟ್ಟುವಿಕೆ ಕೂಡ ಜಿಗುಟಾದ ಕಣ್ಣುಗಳಿಗೆ ಕಾರಣವಾಗಬಹುದು. ಬ್ಲಾಕಡ್​ ಟಿಯರ್ ಡಕ್ಟ್ ಇದು ಒಂದು ಸಣ್ಣ ಟ್ಯೂಬ್ ತರಹದ ರಚನೆಯಾಗಿದ್ದು, ಇದು ಮೂಗಿನ ಕೆಳಗಿನ ಭಾಗದಲ್ಲಿ ತೆರೆಯುತ್ತದೆ. ಆದರೆ, ಈ ನಾಳವನ್ನು ನಿರ್ಬಂಧಿಸಿದರೆ, ಕಣ್ಣಿನಿಂದ ಕಣ್ಣೀರು ಹರಿಯಲು ಪ್ರಾರಂಭಿಸುತ್ತದೆ ಮತ್ತು ಇದು ಕಣ್ಣಿನ ಸೋಂಕಿಗೆ ಕಾರಣವಾಗಬಹುದು. ಅಲ್ಲದೆ, ಕಾಂಜಂಕ್ಟಿವಿಟಿಸ್​​ ಅಪಾಯವು ಹೆಚ್ಚಾಗುತ್ತದೆ. ಇದು ಕಣ್ಣುಗಳಲ್ಲಿ ಜಿಗುಟುತನವನ್ನು ಉಂಟುಮಾಡುತ್ತದೆ.

ಈ ಸ್ಥಿತಿಯು ತುಂಬಾ ಸಾಮಾನ್ಯವಾಗಿದೆ ಮತ್ತು ಸಾಮಾನ್ಯವಾಗಿ 20 ಪ್ರತಿಶತದಷ್ಟು ಮಕ್ಕಳು ಜನನದ ಸಮಯದಲ್ಲಿ ಈ ಸಮಸ್ಯೆಯನ್ನು ಎದುರಿಸುತ್ತಾರೆ. ಸಮಸ್ಯೆಯು ಗಂಭೀರವಾಗಿ ಕಂಡುಬಂದರೂ, ಕಣ್ಣೀರಿನ ನಾಳದ ಮೇಲ್ಭಾಗವನ್ನು ಬಹಳ ಮೃದುವಾಗಿ ದಿನಕ್ಕೆ 3-4 ಬಾರಿ ಮಸಾಜ್ ಮಾಡುವ ಮೂಲಕ ಮತ್ತು ವೈದ್ಯರ ಸಲಹೆಯ ಮೇರೆಗೆ ಆಂಟಿಬಯೋಟಿಕ್ ಕಣ್ಣಿನ ಹನಿಗಳನ್ನು ಬಳಸುವುದರ ಮೂಲಕ ಅದನ್ನು ನಿವಾರಿಸಬಹುದು. ಸಮಸ್ಯೆ ತೀವ್ರವಾಗಿ ಕಂಡುಬಂದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಇದನ್ನೂ ಓದಿ: ಲೈಂಗಿಕ ಸುಖ ಅನುಭವಿಸಲು ಸಾಧ್ಯವಾಗುತ್ತಿಲ್ಲವೇ?.. ಅದಕ್ಕೆ ಇದೇ ಕಾರಣ..

ಇದರ ಹೊರತಾಗಿ, ಕಾರ್ನಿಯಲ್ ಸೋಂಕು, ಅಕಾಲಿಕ ರೆಟಿನೋಪತಿ, ಕಣ್ಣಿನ ರೆಪ್ಪೆಯ ಮೇಲೆ ಸ್ಟೈ ಅಥವಾ ಕೆಂಪು ಉಬ್ಬು ಅಥವಾ ಜನ್ಮಜಾತ ಕಣ್ಣಿನ ಪೊರೆ ಮುಂತಾದ ಇತರ ಪರಿಸ್ಥಿತಿಗಳಿಂದ ಜಿಗುಟಾದ ಕಣ್ಣುಗಳ ಸಮಸ್ಯೆ ಉಂಟಾಗುತ್ತದೆ ಎಂದು ಡಾ.ಕೃತಿಕಾ ಹೇಳುತ್ತಾರೆ. ಎಲ್ಲಾ ಮುನ್ನೆಚ್ಚರಿಕೆಗಳ ಹೊರತಾಗಿಯೂ, ಕಣ್ಣಿನ ಸೋಂಕಿಗೆ ಸಂಬಂಧಿಸಿದ ಯಾವುದೇ ಲಕ್ಷಣಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸಿದರೆ, ತಕ್ಷಣ ನಿಮ್ಮ ವೈದ್ಯರನ್ನು ಸಂಪರ್ಕಿಸಲು ವಿಳಂಬ ಮಾಡಬೇಡಿ ಎಂದು ಇವರು ಹೇಳುತ್ತಾರೆ.

ನಿಮ್ಮ ಮಗುವಿನ ಕಣ್ಣುಗಳನ್ನು ಸ್ವಚ್ಛಗೊಳಿಸುವುದು ಹೇಗೆ? ನಿಮ್ಮ ಮಗುವಿನ ಕಣ್ಣುಗಳನ್ನು ಸ್ವಚ್ಛಗೊಳಿಸಲು, ಕೆಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳುವುದು ಬಹಳ ಮುಖ್ಯ, ಅವುಗಳೆಂದರೆ:

• ನಿಮ್ಮ ಮಗುವಿನ ಕಣ್ಣುಗಳನ್ನು ಮುಟ್ಟುವ ಮೊದಲು ಯಾವಾಗಲೂ ನಿಮ್ಮ ಕೈಗಳನ್ನು ಚೆನ್ನಾಗಿ ತೊಳೆಯಿರಿ.
• ಕಣ್ಣುಗಳನ್ನು ಸ್ವಚ್ಛಗೊಳಿಸಲು ಯಾವಾಗಲೂ ಶುದ್ಧ ಮತ್ತು ಉಗುರು ಬೆಚ್ಚಗಿನ ನೀರು ಮತ್ತು ಕ್ರಿಮಿನಾಶಕ ಹತ್ತಿಯ ತುಂಡನ್ನು ಬಳಸಿ. ಹತ್ತಿ ಉಣ್ಣೆಯನ್ನು ನೀರಿನಲ್ಲಿ ನೆನೆಸಿ, ಅದನ್ನು ಹಿಂಡಿ ಮತ್ತು ಒಳಗಿನ ಮೂಲೆಯಿಂದ ಹೊರಭಾಗದವರೆಗೆ ಕಣ್ಣುಗಳನ್ನು ಬಹಳ ನಿಧಾನವಾಗಿ ಒರೆಸಿ.
• ಒಂದೇ ಹತ್ತಿಯನ್ನು ಒಂದಕ್ಕಿಂತ ಹೆಚ್ಚು ಬಾರಿ ಬಳಸಬೇಡಿ.
• ಕಣ್ಣುಗಳನ್ನು ಸ್ವಚ್ಛಗೊಳಿಸಲು ಲವಣಯುಕ್ತ ನೀರನ್ನು ಸಹ ಬಳಸಬಹುದು. ಆದಾಗ್ಯೂ, ಅದನ್ನು ಬಳಸುವ ಮೊದಲು ನಿಮ್ಮ ವೈದ್ಯರನ್ನು ಒಮ್ಮೆ ಕೇಳಿ.
• ವೈದ್ಯರು ಸೂಚಿಸದ ಹೊರತು ಯಾವುದೇ ರೀತಿಯ ಕಣ್ಣಿನ ಹನಿಗಳನ್ನು (ಐ ಡ್ರಾಪ್​) ಬಳಸಬಾರದು.