ಪ್ರಸ್ತುತ ಲಸಿಕೆಗಿಂತ ಟಿ-ಸೆಲ್​ ಕೋವಿಡ್​ ಲಸಿಕೆ ಹೆಚ್ಚು ಪರಿಣಾಮಕಾರಿ; ಭಾರತೀಯ ಅಮೆರಿಕನ್​ ಸಂಶೋಧನೆ

ಕೋವಿಡ್​ ವಿರುದ್ಧದ ದೀರ್ಘಕಾಲಿಕ ಪರಿಣಾಮಕ್ಕೆ ಟಿ ಸೆಲ್​​ ಆಧಾರಿತ ಲಸಿಕೆ ಹೆಚ್ಚು ಸೂಕ್ತ ಎಂದು ಹೊಸ ಅಧ್ಯಯನ ತಿಳಿಸಿದೆ.

ನ್ಯೂಯಾರ್ಕ್( ಅಮೆರಿಕ)​: ಕೋವಿಡ್​ ಲಸಿಕೆ ಪಡೆದಿದ್ದರೂ ಹಲವು ಬಾರಿ ರೂಪಾಂತರ ಸೋಂಕಿಗೆ ತುತ್ತಾಗುವ ಸಾಧ್ಯತೆ ಇರುತ್ತದೆ. ಈ ಹಿನ್ನೆಲೆ ಈ ವೈರಸ್​ಗಳ ಎದುರಿಸುವಲ್ಲಿ ರೋಗ ನಿರೋಧಕ ಶಕ್ತಿ ಜೊತೆಗೆ ಪ್ರತಿಕಾಯದ ಅವಶ್ಯಕತೆ ಇದೆ. ಈ ಕಾರಣದಿಂದ ಕೋವಿಡ್​ಗೆ ಟಿ ಸೆಲ್​ ಆಧಾರಿತ ಲಸಿಕೆ ಉತ್ತಮ ಪರಿಹಾರವಾಗಲಿದೆ ಎಂದು ಹೊಸ ಅಧ್ಯಯನ ತಿಳಿಸಿದೆ. ಟಿ ಸೆಲ್​ ಆಧಾರಿತ ಕೋವಿಡ್​ ಲಸಿಕೆಗಳು ಪ್ರಸ್ತುತ ಲಸಿಕೆಗಳಿಂದ ಹೆಚ್ಚು ಕಾಲ ಉಳಿಯುವ ಸಾಮರ್ಥ್ಯವನ್ನು ಹೊಂದಿದೆ.

ಇದು ಋತುಮಾನದ ಜ್ವರ ಸೇರಿದಂತೆ ಇನ್ನಿತರ ಮಾದರಿಗಳಿಗೆ ದೀರ್ಘಕಾಲಿಕ ರೋಗ - ನಿರೋಧಕ ಶಕ್ತಿ ಉಂಟು ಮಾಡುತ್ತದೆ ಎಂದು ಭಾರತೀಯ ಅಮೆರಿಕನ್​ ಸಂಶೋಧಕರು ತಿಳಿಸಿದ್ದಾರೆ. ಪ್ರಸ್ತುತ ಕೋವಿಡ್​ ಲಸಿಕೆಗಳನ್ನು ಸಾರ್ಸ್​-ಕೋವ್​-2 ಸ್ಪೈಕ್​ ಪ್ರೊಟೀನ್​ ವಿರುದ್ಧದ ರೋಗ ನಿರೋಧಕ ಶಕ್ತಿಯಾಗಿ ಬಳಕೆ ಮಾಡಲಾಗುತ್ತಿದೆ. ಈ ಸಾರ್ಸ್​-ಕೋವ್​​-2 ಹೆಚ್ಚು ರೂಪಾಂತರಿಯಾಗಿದ್ದು, ಒಂದು ಅವಧಿ ಮುಗಿದ ಬಳಿಕ ಲಸಿಕೆ ಪರಿಣಾಮ ಕಡಿಮೆಯಾಗಿತ್ತದೆ.

ಇಲಿಗಳ ಮೇಲೆ ಪ್ರಯೋಗ: ಅಮೆರಿಕದ ಸಹಾಭಾಗಿತ್ವದ ಎವಕ್ಸಿನ್​ ಬಯೋಟೆಕ್​ನೊಂದಿಗೆ ಪೆನ್ಸೆಲ್ವಿನಿಯಾ ಸ್ಟೇಟ್​ ಯುನಿವರ್ಸಿಟಿ ಅಧ್ಯಯನ ನಡೆಸಿದೆ. ಇದರಲ್ಲಿ ಮೊದಲ ಬಾರಿಗೆ ಲೈವ್​ ವೈರಲ್​ ಚಾಲೆಂಜ್​ ಮಾದರಿಯಲ್ಲಿ ಎಐ (ಕೃತಕ ಬುದ್ದಿಮತ್ತೆ) ಆಧಾರಿತ ಲಸಿಕೆ ಪರಿಣಾಮಕಾರಿಯನ್ನು ಪ್ರದರ್ಶಿಸಲಾಗಿದೆ. ಈ ಅಧ್ಯಯನವನ್ನು ಇಲಿಗಳ ಮೇಲೆ ನಡೆಸಲಾಗಿದ್ದು, ಇಲಿಗಳಿಗೆ ಟಿ ಸೆಲ್​ ಲಸಿಕೆ ಪ್ರಯೋಗ ಮಾಡಿದಾಗ ಶೇ 87.5 ರಷ್ಟು ಇಲಿಗಳು ಸಾವನ್ನಪ್ಪಿದೆ. ಇನ್ನು ನಿಯಂತ್ರಣ ಗುಂಪಿನ ಇಲಿಗಳಲ್ಲಿ ಒಂದು ಮಾತ್ರ ಬದುಕಿದೆ.

ಹೆಚ್ಚುವರಿಯಾಗಿ, ಉಳಿದಿರುವ ಎಲ್ಲಾ ಲಸಿಕೆ ಹಾಕಿದ ಬಳಿಕ ಇಲಿಗಳು 14 ದಿನಗಳಲ್ಲಿ ಸೋಂಕು ಮುಕ್ತವಾಗಿದೆ ಎಂದು ಅಧ್ಯಯನ ತಿಳಿಸಿದೆ. ಈ ಅಧ್ಯಯನವನ್ನು ಜರ್ನಲ್​ ಫ್ರಂಟಿಯರ್ಸ್​ ಇಮ್ಯೂನೊಲೊಜಿಯಲ್ಲಿ ಪ್ರಕಟಿಸಲಾಗಿದೆ. ನಮ್ಮ ಜ್ಞಾನಕ್ಕೆ ಈ ಅಧ್ಯಯನವನ್ನು ಮೊದಲ ಬಾರಿಗೆ ಎಐ-ವಿನ್ಯಾಸಗೊಳಿಸಿದ ಟಿ-ಸೆಲ್ ಲಸಿಕೆಯಿಂದ ತೀವ್ರವಾದ ಕೋವಿಡ್ -19 ವಿರುದ್ಧ ವಿವೋ ರಕ್ಷಣೆಯನ್ನು ತೋರಿಸಲಾಯಿತು ಎಂದು ಅಸೋಸಿಯೇಟ್​ ಪ್ರೊಫೆಸರ್​​ ಗಿರೀಶ್​ ಕಿರಿಮಂಜೇಶ್ವರ್​​ ತಿಳಿಸಿದ್ದಾರೆ.

ಲಸಿಕೆ ಪರಿಣಾಮಕಾರಿ: ಇಲಿಗಳ ಮೇಲೆ ಕೋವಿಡ್​ 19 ಸೋಂಕು ತಡೆಯುವಲ್ಲಿ ನಮ್ಮ ಲಸಿಕೆ ಪರಿಣಾಮಕಾರಿಯಾಗಿದೆ. ಇದನ್ನು ಸುಲಭವಾಗಿ ಮಾನವರ ಬಳಕೆ ಮೇಲಿನ ಪರೀಕ್ಷೆಗೆ ಶಿಫಾರಸ್ಸು ಮಾಡಬಹುದು ಎಂದಿದ್ದಾರೆ. ಇನ್​​ಫ್ಲುಯೆಂಜಾ ಸೇರಿದಂತೆ ಇನ್ನಿತರ ಋತುಮಾನದ ಸೋಂಕು ಅನ್ನು ತಡೆಗಟ್ಟುವಲ್ಲಿ ಟಿ ಸೆಲ್​ ಲಸಿಕೆ ಪರಿಣಾಮಕಾರಿಯಾಗಿ ವಿನ್ಯಾಸ ಮಾಡಲಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಸಾರ್ಸ್​-ಕೋವ್​-2ನ ಸ್ಪೈಕ್​​ ಪ್ರೊಟೀನ್​ ವೈರಸ್​ ಹೆಚ್ಚಿನ ಒತ್ತಡ ವಲಯ ಹೊಂದಿರುತ್ತದೆ. ಇದರ ಪರಿಣಾಮವಾಗಿ ಹೊಸ ರೂಪಾಂತರಗಳು ಹೊಂದಿ ಹೊಸ ತಳಿಗೆ ಹೊರಬರುತ್ತದೆ. ಈ ಲಸಿಕೆ ಇಂತಹ ಹೊಸ ತಳಿಗಳನ್ನು ಗುರಿಯಾಗಿಸಿ ಮಾಡಲಾಗಿದೆ. ಜನರು ಈ ಹೊಸ ಲಸಿಕೆಯನ್ನು ಪಡೆಯುತ್ತಲೇ ಇರಬೇಕಾಗುತ್ತದೆ.

ಟಿ ಸೆಲ್​ ಮಧ್ಯವರ್ತಿ ರೋಗನಿರೋಧಕ ಶಕ್ತಿಯು ಸಾಮಾನ್ಯವಾಗಿ ದೀರ್ಘಕಾಲ ಇರುತ್ತದೆ, ಆದ್ದರಿಂದ ನಿಮಗೆ ಪುನರಾವರ್ತಿತ ಬೂಸ್ಟರ್ ಡೋಸ್‌ಗಳ ಅಗತ್ಯವಿಲ್ಲ ಎಂದು ಕಿರಿಮಂಜೇಶ್ವರ ವಿವರಿಸಿದ್ದಾರೆ.

ಇದನ್ನೂ ಓದಿ: ಒಂದೇ ಹನಿ ರಕ್ತದಲ್ಲಿ ಎಚ್​ಐವಿ, ಹೆಪಟೈಟಸ್​ ಬಿ ಮತ್ತು ಸಿ ಪತ್ತೆ