ತುಮಕೂರು: ಮಧುಗಿರಿ ತಾಲೂಕಿನ ಮಿಡಿಗೇಶಿ ಹೋಬಳಿಯ ದಾಸೇನಹಳ್ಳಿಯಲ್ಲಿ ಕಂಡುಬಂದ ಬೃಹತ್ ಹೆಬ್ಬಾವೊಂದು ಮೊಲ ನುಂಗಲಾಗದೆ ಪ್ರಾಣ ಸಂಕಟ ಅನುಭವಿಸಿತು.
ಮೊಲ ನುಂಗಿ ಹೆಬ್ಬಾವು ಹೈರಾಣ
ರೈತ ರಂಗನಾಥ್ ಎಂಬುವರ ಜಮೀನಿನಲ್ಲಿ ಹೆಬ್ಬಾವು ಪ್ರತ್ಯಕ್ಷವಾಗಿದೆ. ಈ ವೇಳೆ ಹಾವು ಮೊಲವನ್ನು ಹೊರ ಉಗುಳುತ್ತಿರುವ ದೃಶ್ಯವನ್ನು ವ್ಯಕ್ತಿಯೊಬ್ಬರು ತಮ್ಮ ಮೊಬೈಲ್ನಲ್ಲಿ ಸೆರೆ ಹಿಡಿದಿದ್ದಾರೆ. ಸುಮಾರು 8 ಅಡಿ ಉದ್ದವಿದ್ದ ಹೆಬ್ಬಾವು ತನ್ನ ದೇಹಕ್ಕಿಂತಲೂ ದೊಡ್ಡದಾದ ಮೊಲವನ್ನು ಹಿಡಿದು ನುಂಗಿತ್ತು. ಆ ಬಳಿಕ ಮುಂದೆ ಚಲಿಸಲಾಗದೆ ಉಗುಳಿತು.
ಈ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಲಾಗಿದ್ದು, ಸ್ಥಳಕ್ಕಾಗಮಿಸಿದ ಸಿಬ್ಬಂದಿ ಹಾವು ಹಿಡಿದು ಕಾಡಿಗೆ ಬಿಟ್ಟರು.
ಇದನ್ನೂ ಓದಿ: ಪತ್ನಿ ಫೋಟೋಗೆ ಹೂ ತರಲೆಂದು ನಡೆದು ಬರುತ್ತಿದ್ದ ವ್ಯಕ್ತಿಯ ಮೇಲೆ ಹರಿದ ಲಾರಿ
