ಶಿವಮೊಗ್ಗ: ಹಣಕಾಸು ವ್ಯವಹಾರದ ವಿಚಾರವಾಗಿ ಕಟ್ಟಡ ಗುತ್ತಿಗೆದಾರನೊಬ್ಬ ತಂದೆ ಹಾಗೂ ಮಗನಿಗೆ ಚಾಕುವಿನಿಂದ ಇರಿದು ಬಳಿಕ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿರುವ ಪ್ರಕರಣ ಶಿರಾಳಕೊಪ್ಪ ಪಟ್ಟಣದಲ್ಲಿ ನಡೆದಿದೆ.
ಘಟನೆಯಲ್ಲಿ ಶಿರಾಳಕೊಪ್ಪದ ದಯಾನಂದ(60) ಸಾವನ್ನಪ್ಪಿದ್ದು, ಅವರ ಮಗ ರಾಘವೇಂದ್ರ(35) ಗಂಭೀರವಾಗಿ ಗಾಯಗೊಂಡಿದ್ದು, ನಗರದ ಮ್ಯಾಕ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸೊರಬ ತಾಲೂಕು ಚೆನ್ನಾಪುರದ ನಿವಾಸಿ ಕೋಟೇಶ್ ಚಾಕು ಇರಿದು ಪೊಲೀಸರಿಗೆ ಶರಣಾಗಿದ್ದಾರೆ.
ಕೋಟೇಶ್ ಕಟ್ಟಡ ಗುತ್ತಿಗೆದಾರರಾಗಿದ್ದು, ದಯಾನಂದ‌ರವರ ಕಟ್ಟಡವನ್ನು ನಿರ್ಮಿಸುರುತ್ತಾರೆ. ಇನ್ನು, ಕೋಟೇಶ್ಗೆ, ದಯಾನಂದ್ ಕಟ್ಟಡ ನಿರ್ಮಾಣದ ಹಣ ನೀಡಲು ಬಾಕಿ ಇರುತ್ತದೆ. ದಯಾನಂದ್ ಹಣ ಕೊಡಲು 2ವರ್ಷಗಳಿಂದ ನಿರಾಕರಿಸುತ್ತಾರೆ. ಕೊಪಗೊಂಡ ಕೋಟೇಶ್ ದಯಾನಂದ್ ಹಾಗೂ ಮಗ ರಾಘವೇಂದ್ರರನ್ನು ಚಾಕುವಿನಿಂದ ಇರಿದು, ಬಳಿಕ ರಾಳಕೊಪ್ಪ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾರೆ. ಘಟನೆಯಲ್ಲಿ ದಯಾನಂದ್ ಸಾವನ್ನಪ್ಪಿದರೆ ಮಗ ಗಂಭೀರಾವಾಗಿ ಗಾಯಗೊಂಡು ಸಾವು ಬದುಕಿನ ನಡುವೆ ಹೋರಾಟ ನಡೆಸಿದ್ದಾರೆ. ಈ ಕುರಿತು ಶಿರಾಳಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ:ಹುಬ್ಬಳ್ಳಿಯಲ್ಲಿ ಪುಡಿರೌಡಿಗಳ ಹಾವಳಿ: ವ್ಯಕ್ತಿ ಮೇಲೆ ಮಾರಣಾಂತಿಕ ಹಲ್ಲೆ
