ಮಹಿಳೆಯ ಸಾವು ತಪ್ಪಿಸಲು ಹೋಗಿ ತಾನೇ ಸಾವಿಗೀಡಾದ ವ್ಯಕ್ತಿ!

ಭೀಮಳ್ಳಿ ಕ್ರಾಸ್ ಬಳಿ ಬೈಕ್​ಗೆ ಅಡ್ಡ ಬಂದ ಮಹಿಳೆಗೆ ಅಪಘಾತವಾಗುವುದನ್ನ ತಪ್ಪಿಸಲು ಹೋಗಿ ಬೈಕ್​ ಸ್ಕಿಡ್ ಆಗಿ ಬಿದ್ದು ಸವಾರ ಸಾವಿಗೀಡಾಗಿರುವ ಘಟನೆ ನಡೆದಿದೆ.

ಕಲಬುರಗಿ: ರಸ್ತೆ ಮಧ್ಯೆ ಬಂದ ಮಹಿಳೆಯ ರಕ್ಷಣೆ ಮಾಡಲು ಹೋಗಿ ಬೈಕ್ ಮೇಲಿಂದ ಬಿದ್ದು ವ್ಯಕ್ತಿ ಸಾವನ್ನಪ್ಪಿರುವ ಘಟನೆ ಭೀಮಳ್ಳಿ ಕ್ರಾಸ್ ಬಳಿ ನಡೆದಿದೆ.

ಆಳಂದ ತಾಲೂಕಿನ ಆಲೂರು(ಬಿ) ನಿವಾಸಿ ದೀಪಕ್ ಪಾಟೀಲ್ (43) ಮೃತ ದುರ್ದೈವಿ. ದೀಪಕ್ ಪಾಟೀಲ್​​ ಕಲಬುರಗಿಯಿಂದ ಮರಳಿ ತಮ್ಮೂರಿಗೆ ಬೈಕ್ ಮೇಲೆ ಹೋಗುವಾಗ ಭೀಮಳ್ಳಿ ಬಳಿ ದಾರಿಯಲ್ಲಿ ಅಡ್ಡ ಬಂದ ಮಹಿಳೆಗೆ ಅಪಘಾತವಾಗುವುದನ್ನ ತಪ್ಪಿಸಲು ಹೋಗಿ ಬೈಕ್​ ಸ್ಕಿಡ್ ಆಗಿ ನೆಲಕ್ಕೆ ಉರುಳಿದ ಪರಿಣಾಮ ಸ್ಥಳದಲ್ಲೇ ಸಾವನ್ನಪ್ಪಿರುವ ದುರ್ಘಟನೆ ನಡೆದಿದೆ.

ಮೃತನ ಸಂಬಂಧಿಕರ ಅಂಕ್ರಂದನ ಮುಗಿಲು ಮುಟ್ಟಿದ್ದು, ಇನ್ನು ಈ ಘಟನೆಯಲ್ಲಿ ಮಹಿಳೆಗೂ ಗಾಯವಾಗಿದ್ದು, ಸ್ಥಳಿಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಸಂಚಾರಿ ಪೋಲಿಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.