ಮಳೆ ಅವಾಂತರ: ಕುಸಿದುಬಿದ್ದ ಸರ್ಕಾರಿ‌‌ ಶಾಲೆ, ಯುಪಿಎಸ್‌ ಕದ್ದೊಯ್ದ ಖದೀಮರು

ದಾವಣಗೆರೆ ಜಿಲ್ಲೆಯಲ್ಲಿ ಸುರಿದ ಭಾರಿ ಮಳೆಯಿಂದ ಸರ್ಕಾರಿ ಶಾಲಾ ಕಟ್ಟಡ ಕುಸಿದು ಬಿದ್ದಿದೆ. ಇದನ್ನು ಗಮನಿಸಿದ ಯಾರೋ ಖದೀಮರು ಶಾಲೆಯ ಯುಪಿಎಸ್​ ಕದ್ದೊಯ್ದಿದ್ದಾರೆ.

ದಾವಣಗೆರೆ: ಜಿಲ್ಲೆಯಲ್ಲಿ ಸುರಿದ ಮಳೆ ಸಾಕಷ್ಟು ಅವಾಂತರ ಸೃಷ್ಟಿಸಿದೆ. ಮಳೆಗೆ ಶಾಲಾ ಕಟ್ಟಡ ಕುಸಿದು ಬಿದ್ದಿದ್ದರಿಂದ ಯಾರೋ ಖದೀಮರು ಶಾಲೆಯ UPS ಹೊತ್ತೊಯ್ದಿದ್ದಾರೆ.

ನಿನ್ನೆ ಸುರಿದ ಮಳೆಯ ಹೊಡೆತಕ್ಕೆ ದಾವಣಗೆರೆ ತಾಲೂಕಿನ ಹೂವಿನ ಮಡು ಗ್ರಾಮದಲ್ಲಿರುವ ಸರ್ಕಾರಿ ಶಾಲೆಯ ಕೆಲ ಕೊಠಡಿಗಳು ನೆಲಕಚ್ಚಿವೆ. ಮಳೆಯಿಂದ ಶಾಲೆ‌ಯ ಒಂದು ಭಾಗ ಜಖಂ ಆಗಿದೆ. ಅದೃಷ್ಟವಶಾತ್ ಶಾಲೆಯಲ್ಲಿ ಯಾರೂ ಇಲ್ಲದ ವೇಳೆ ಈ ಘಟನೆ ನಡೆದಿದೆ. ತಡರಾತ್ರಿ ಸುರಿದ ಮಳೆಗೆ ಶಾಲೆಯ ಕಂಪ್ಯೂಟರ್ ಕೊಠಡಿ ಸಂಪೂರ್ಣವಾಗಿ ಕುಸಿದಿದೆ. ಶಾಲಾ ಕೊಠಡಿ ಬಿದ್ದಿದ್ದರಿಂದ ಮೂರಕ್ಕೂ ಹೆಚ್ಚು ಕಂಪ್ಯೂಟರ್​ಗಳಿಗೆ ಹಾನಿಯಾಗಿವೆ.

ಇನ್ನು ಯಾರೋ ಖದೀಮರು ಶಾಲೆಯ UPS ಹೊತ್ತೊಯ್ದಿದ್ದಾರೆ. ಭಾರಿ ಮಳೆಗೆ ನಾಲ್ಕೈದು ಕೊಠಡಿಗಳ ಮೇಲ್ಛಾವಣಿ ಹಾರಿ ಹೋಗಿ ನೀರು ಒಳ ನುಗ್ಗಿದೆ. ಸ್ಥಳಕ್ಕೆ ಬಾರದ ಶಿಕ್ಷಣ ಇಲಾಖೆ ಅಧಿಕಾರಿಗಳ ವರ್ತನೆ ಇದೀಗ ಗ್ರಾಮಸ್ಥರ ಆಕ್ರೋಶಕ್ಕೆ‌ ಕಾರಣವಾಗಿದೆ.

ಇದನ್ನೂ ಓದಿ:ಪಾಟಿ ಸವಾಲಿಗೆ ಅವಕಾಶ ನೀಡದೆ ಆರೋಪಿಯನ್ನ ಶಿಕ್ಷಿಸುವಂತಿಲ್ಲ : ಹೈಕೋರ್ಟ್​