ಮಂಗಳೂರು : ನಗರ ಸೆಂಟ್ರಲ್ ರೈಲ್ವೆ ಹಾಗೂ ನೇತ್ರಾವತಿ ಕ್ಯಾಬಿನ್ಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನ ವ್ಯವಸ್ಥೆ ಹೊಂದಿರುವ ಇಲೆಕ್ಟ್ರಾನಿಕ್ ಇಂಟರ್ಲಾಕ್ ಸಿಗ್ನಲ್ ಕಾರ್ಯಾರಂಭಗೊಂಡಿದೆ. ಈ ಮೂಲಕ ರೈಲುಗಳ ಸುಗಮ ಹಾಗೂ ಸುರಕ್ಷತಾ ನಿರ್ವಹಣೆಯ ಮಟ್ಟದಲ್ಲಿ ಮಹತ್ವದ ವ್ಯವಸ್ಥೆಯಾಗಿದೆ.
ಸಾಂಪ್ರದಾಯಿಕ ಪ್ಯಾನೆಲ್ ನಿರ್ವಹಣೆಯ ರೂಟ್ ರಿಲೇ ಇಂಟರ್ ಲಾಕಿಂಗ್ ವ್ಯವಸ್ಥೆಯಡಿ ಈ ಹಿಂದೆ ಇಲ್ಲಿ ಕಾರ್ಯಾಚರಣೆ ನಡೆಯುತ್ತಿತ್ತು. ಇದೀಗ ದಕ್ಷಿಣ ರೈಲ್ವೆ ನಿರ್ಮಾಣ ವಿಭಾಗ ಪಾಲಕ್ಕಾಡ್ ವಿಭಾಗದ ನೆರವಿನೊಂದಿಗೆ ಅತ್ಯಾಧುನಿಕ ತಂತ್ರಜ್ಞಾನ ವ್ಯವಸ್ಥೆ ಹೊಂದಿರುವ ಇಲೆಕ್ಟ್ರಾನಿಕ್ ಇಂಟರ್ಲಾಕ್ ಸಿಗ್ನಲ್ ಮೂಲಕ ಕಾರ್ಯಾಚರಣೆ ಮಾಡಲಾಗುತ್ತಿದೆ.
ಈ ನೂತನ ಇಲೆಕ್ಟ್ರಾನಿಕ್ ಇಂಟರ್ಲಾಕ್ ಸಿಗ್ನಲ್ ವ್ಯವಸ್ಥೆಯನ್ನು 10 ಕೋಟಿ ರೂ. ವೆಚ್ಚದಲ್ಲಿ ಅನುಷ್ಠಾನ ಮಾಡಲಾಗಿದೆ.
