ಕೋವಿಡ್​​ ನಿವಾರಣೆಗೆ ಮಾರಮ್ಮನ ಮೊರೆ ಹೋದ ಚಾಮರಾಜನಗರ ಜನತೆ!

ರೂಪಾಂತರಗೊಂಡಿರುವ ಕೊರೊನಾ ಅಬ್ಬರಕ್ಕೆ ಜನರು ಭಯಭೀತರಾಗಿದ್ದಾರೆ. ಆದಷ್ಟು ಬೇಗ ಈ ಮಹಾಮಾರಿ ತೊಲಗಲಿ ಎಂದು ಗಂಗಾಮತಸ್ಥರ ಬೀದಿಯಲ್ಲಿ ಜನರೆಲ್ಲ ಸೇರಿ ಮಾರಮ್ಮನಿಗೆ ವಿಶೇಷ ಪೂಜೆ ಸಲ್ಲಿದ್ದಾರೆ..

ಚಾಮರಾಜನಗರ : ಕೊರೊನಾ ಮಹಾಮಾರಿ ತೊಲಗಿ ಜನ ಜೀವನ ಮೊದಲಿನಂತಾಗಲೆಂದು ನಗರದ ಗಂಗಾಮತಸ್ಥರ ಬೀದಿಯಲ್ಲಿ ಮಾರಮ್ಮನಿಗೆ ವಿಶೇಷ ಪೂಜೆ ಸಲ್ಲಿಸಿರುವ ಘಟನೆ ನಡೆದಿದೆ.

ನಗರದ ಗಂಗಾಮತಸ್ಥರ ಬೀದಿಯಲ್ಲಿ ಜನರೆಲ್ಲ ಸೇರಿ ನಡು ರಸ್ತೆಯಲ್ಲಿ ಕಬ್ಬಿಣ ಹೂತು ಅದಕ್ಕೆ ಬೇವಿನ ಸೊಪ್ಪಿನಿಂದ ಪೂಜೆ ಸಲ್ಲಿಸಿ ಕೊರೊನಾ ತೊಲಗಲೆಂದು ಬೇಡಿಕೊಂಡಿದ್ದಾರೆ. ಆದಷ್ಟು ಬೇಗ ರೋಗ ಮಾಯವಾಗಲೆಂದು ಪ್ರಾರ್ಥಿಸಿದ್ದಾರೆ.

ಇದನ್ನೂ ಓದಿ: ಮುಖ್ಯಮಂತ್ರಿಯವರೇ ನನ್ನ ತಂದೆಯನ್ನು ಉಳಿಸಿಕೊಡಿ: ಕಣ್ಣೀರಿಡುತ್ತಾ ಸಿಎಂಗೆ ಯುವಕನ ಮನವಿ

ಕೊರೊನಾ ದೂರವಾಗಲಿದೆ ಎಂಬ ನಂಬಿಕೆಯಿಂದ 9 ಮುತ್ತೈದೆಯರು ಗಂಗೆ ತಂದು ಪೂಜೆ ಸಲ್ಲಿಸಿ ಬಳಿಕ ಬೀದಿಗೆಲ್ಲ ತೀರ್ಥ ಪ್ರೋಕ್ಷಣೆ ಮಾಡಿದ್ದಾರೆ. ಲೋಕ ಕಲ್ಯಾಣಕ್ಕಾಗಿ ಈ ವಿಶೇಷ ಪೂಜೆ ಸಂದಿದೆ ಎಂದು ಸಮುದಾಯದ ಮುಖಂಡರು ತಿಳಿಸಿದ್ದಾರೆ..