ನೋಡಿ: ಕಬ್ಬಿನ ಲಾರಿ ಅಡ್ಡಹಾಕಿ, ಮರಿಗೂ ಜಲ್ಲೆ ಕೀಳುವ ಕಲೆ ಕಲಿಸಿದ ಗಜರಾಜ

ಬೆಂಗಳೂರು- ದಿಂಡಿಗಲ್ ರಾಷ್ಟ್ರೀಯ ಹೆದ್ದಾರಿಯ ಆಸನೂರು ಸಮೀಪ ಭಾನುವಾರ ಸಂಜೆ ಆನೆಯೊಂದು ತನ್ನ ಮರಿಯೊಟ್ಟಿಗೆ ಆಹಾರಕ್ಕಾಗಿ ಎಲ್ಲಾ ವಾಹನಗಳನ್ನು ತಪಾಸಣೆ ನಡೆಸಿ, ಕಬ್ಬಿನ ಲಾರಿ ಸಿಕ್ಕ ಕೂಡಲೇ ಅಡ್ಡಹಾಕಿ ಕಬ್ಬು ಸವಿದ ಘಟನೆ ನಡೆಯಿತು.

ಚಾಮರಾಜನಗರ: ಆನೆಯೊಂದು ತನ್ನ ಮರಿಯೊಂದಿಗೆ ರಸ್ತೆಯುದ್ದಕ್ಕೂ ಕಬ್ಬಿನ ಲಾರಿಗಾಗಿ ಹುಡುಕಾಡಿತು. ಈ ವೇಳೆ ಪ್ರತಿ ವಾಹನವನ್ನೂ ತಪಾಸಣೆ ನಡೆಸಿತು. ನಂತರ ಕಬ್ಬಿನ ಲಾರಿ ಸಿಕ್ಕ ಕೂಡಲೇ ಕಬ್ಬು ಸವಿದ ಘಟನೆ ಭಾನುವಾರ ಸಂಜೆ ಕರ್ನಾಟಕ-ತಮಿಳುನಾಡು ಗಡಿ ಸಮೀಪವಿರುವ ಆಸನೂರಲ್ಲಿ ನಡೆದಿದೆ.

ಜಿಟಿಜಿಟಿ ಮಳೆಯಲ್ಲಿ ರಸ್ತೆ ಮಧ್ಯೆ ಲಾರಿ ನಿಂತಿದ್ದರಿಂದ 15-20 ನಿಮಿಷಗಳ ಕಾಲ ವಾಹನ ಸವಾರರು ಪ್ರಯಾಣಿಸಲು ಹರಸಾಹಸಪಟ್ಟರು. ಎಷ್ಟೇ ಹಾರ್ನ್ ಮಾಡಿದರೂ ಕೂಡ ಚಲಿಸದ ಗಜರಾಜ ಕಬ್ಬು ತಿಂದ ಬಳಿಕವೇ ಸವಾರರಿಗೆ ದಾರಿಬಿಟ್ಟು ಕೊಟ್ಟಿತು.

ಲಾರಿ ಚಾಲಕರೊಬ್ಬರು ಈ ವಿಡಿಯೋವನ್ನು ಸೆರೆಹಿಡಿದಿದ್ದು, 'ಈಟಿವಿ ಭಾರತ'ಕ್ಕೆ ನೀಡಿದ್ದಾರೆ.