ಚಾಮರಾಜನಗರ: ದರ್ಶನ್ ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ನಟ. ಅಭಿಮಾನಿಗಳು ತಪ್ಪೆಸಗಿದಾಗ ಅವರನ್ನು ತಿದ್ದುವ ಕೆಲಸವನ್ನೂ ಅವರು ಮಾಡುತ್ತಿರುತ್ತಾರೆ. ಇದಕ್ಕೊಂದು ಉದಾಹರಣೆ ಭಾನುವಾರ ನಡೆದ ಘಟನೆ.
ಮೂವರು ಬೈಕ್ ಸವಾರರು ಒಡೆಯರಪಾಳ್ಯ ರಸ್ತೆಯಲ್ಲಿ ತೆರಳುವಾಗ ಅಚಾನಕ್ಕಾಗಿ ದರ್ಶನ್ ಕೂಡ ಅದೇ ರಸ್ತೆಯಲ್ಲಿ ಬಂದಿದ್ದಾರೆ. ಈ ವೇಳೆ ಬೈಕ್ನಲ್ಲಿ ನಟನನ್ನು ಹಿಂಬಾಲಿಸಿಕೊಂಡು ಬಂದಿರುವ ಅಭಿಮಾನಿಗಳು ವೇಗದಲ್ಲಿ ಬೈಕ್ ಸವಾರಿ ಮಾಡಿಕೊಂಡು ಬರುತ್ತಿದ್ದರು. ಅಷ್ಟೇ ಅಲ್ಲದೇ, ವಾಹನ ಚಲಿಸುತ್ತಿರುವಾಗಲೇ ನೆಚ್ಚಿನ ನಟನ ವಿಡಿಯೋ ಮಾಡಲು ಮುಂದಾಗಿದ್ದಾರೆ.
ವಾಹನ ಚೇಸ್ ಮಾಡುತ್ತಿದ್ದ ಫ್ಯಾನ್ಸ್ಗೆ ನಟ ದರ್ಶನ ಕ್ಲಾಸ್
ಇದನ್ನು ಗಮನಿಸಿದ ದರ್ಶನ್, "ಏ.. ರೋಡಲ್ಲಿ ಏನ್ ಆಟ ಆಡ್ತಾ ಇದೀರಾ, ಮೈಮೇಲೆ ಪ್ರಜ್ಞೆ ಬೇಡವಾ, ಮತ್ತೆ ಮತ್ತೆ ಬರ್ತಾ ಇದೀರಲ್ಲಾ, ಹೇಳಿದ್ರೂ ಕೇಳಲ್ವಾ?" ಎಂದು ಕ್ಲಾಸ್ ತೆಗೆದುಕೊಂಡರು. ಇವೆಲ್ಲವೂ ಬೈಕ್ ಹಿಂಬದಿ ಸವಾರ ಮಾಡಿರುವ ವಿಡಿಯೋದಲ್ಲಿ ರೆಕಾರ್ಡ್ ಆಗಿದೆ. ಈ ವೇಳೆ ದರ್ಶನ್ ಪತ್ನಿ ಕೂಡ ವಾಹನದಲ್ಲಿ ಇದ್ದರು.
