ಸೈಕಲ್​ಗೆ​ ಲಾರಿ ಡಿಕ್ಕಿ..15 ವರ್ಷದ ಬಾಲಕ ಸಾವು

ಲಾರಿ ಡಿಕ್ಕಿ ಹೊಡೆದ ಪರಿಣಾಮ 10ನೇ ತರಗತಿ ಅಭ್ಯಾಸ ಮಾಡುತ್ತಿದ್ದ ಬಾಲಕ ಸಾವನ್ನಪ್ಪಿರುವ ಘಟನೆ ಬೀದರ್​ ಜಿಲ್ಲೆಯ ನಿರ್ಣಾ ಗ್ರಾಮದಲ್ಲಿ ಸಂಭವಿಸಿದೆ.

ಬೀದರ್: ಸರ್ಕಾರಿ ಬಾಲಕರ ಪ್ರೌಢ ಶಾಲೆಯಲ್ಲಿ 10ನೇ ತರಗತಿಯಲ್ಲಿ ಅಭ್ಯಸಿಸುತ್ತಿದ್ದ ವಿನೋದ ಸುಭಾಷ್​ (15) ಎಂಬ ಬಾಲಕ ಲಾರಿ ಡಿಕ್ಕಿ ಹೊಡೆದು ಸ್ಥಳದಲ್ಲೆ ಮೃತಪಟ್ಟಿದ್ದಾನೆ.

ಶಾಲೆಯಲ್ಲಿ ಅಲ್ಪಾವಧಿ ವಿಶ್ರಾಂತಿ ಗಂಟೆ ಬಾರಿಸಿದ್ದಕ್ಕೆ ಮುಖ್ಯಗುರುಗಳಿಗೆ ಮನೆಗೆ ಹೋಗಿ ಬರುವುದಾಗಿ ಅನುಮತಿ ಪಡೆದು ತನ್ನ ಸೈಕಲ್​ ಏರಿ ಶಾಲೆಯಿಂದ ಮನೆಗೆ ಹೋಗುವಾಗ ಎದುರು ರಸ್ತೆಯಲ್ಲಿ ಬಂದ ಲಾರಿ ಸೈಕಲ್​ಗೆ ಡಿಕ್ಕಿ ಹೊಡೆದಿದೆ. ಲಾರಿ ಹಿಂಬದಿಯ ಚಕ್ರಕ್ಕೆ ಬಾಲಕ ಸಿಲುಕಿ ಸಾವನ್ನಪ್ಪಿದ್ದಾನೆ.

ಸುದ್ದಿ ತಿಳಿದು ಘಟನಾ ಸ್ಥಳಕ್ಕೆ ಆಗಮಿಸಿದ ಕುಟುಂಬದ ಸದಸ್ಯರ ಆಕ್ರಂದನ ಮುಗಿಲು ಮುಟ್ಟಿತ್ತು. ಮನ್ನಾಎಖ್ಖೆಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಹಾವೇರಿಯಲ್ಲಿ ಹೋರಿ ಬೆದರಿಸುವ ಸ್ಫರ್ಧೆ.. ಯುವಕನ ಸಾವು