ಬೆಂಗಳೂರು: ಕಳೆದೆರಡು ದಿನದ ಹಿಂದೆ ಸುಬ್ರಮಣ್ಯಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬರುವ ಇಟ್ಟಮಡು ಬಳಿಯ ಎಸ್ಎಲ್ವಿ ಬಾರ್ಗೆ ನುಗ್ಗಿದ ಕಿಡಿಗೇಡಿಗಳಿಬ್ಬರು ಲಾಂಗ್ ಹಿಡಿದು ಗಲಾಟೆ ಮಾಡಿದ್ದರು. ಇದೀಗ ಆ ಇಬ್ಬರು ಆರೋಪಿಗಳನ್ನ ಪೊಲೀಸರು ಬಂಧಿಸಿದ್ದಾರೆ.
ತೇಜಸ್ ಹಾಗೂ ತೇಜಸ್ ಬಂಧಿತ ಆರೋಪಿಗಳು. ಇಟ್ಟಮಡುಗು ಬಳಿಯ ಎಸ್ಎಲ್ವಿ ಬಾರ್ನಲ್ಲಿ ಮಚ್ಚು ಲಾಂಗು ಹಿಡಿದು ಈ ಪುಂಡರು ಆರ್ಭಟ ನಡೆಸಿದ್ದರು, ಈ ದೃಶ್ಯ ಅಲ್ಲಿನ ಸಿಸಿ ಟಿವಿಯಲ್ಲಿ ಸೆರೆಯಾಗಿತ್ತು.
ಜೊತೆಗೆ ಪಕ್ಕದ ಬಾರ್ನಲ್ಲಿಯೂ ಗ್ಲಾಸ್‌ಗಳನ್ನ ಒಡೆದು ಹಾಕಿ ಪರಾರಿಯಾಗಿದ್ದರು. ಪುಡಿರೌಡಿಗಳ ಹೆಡೆಮುರಿಕಟ್ಟಲು ಪಣ ತೊಟ್ಟ ಪೊಲೀಸರು ಕೊನೆಗೂ ಸಿಸಿಟಿವಿ ದೃಶ್ಯಗಳ ಆಧಾರದ ಮೇಲೆ ಇಬ್ಬರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಇದನ್ನೂ ಓದಿ: ಬಾರ್ಗೆ ನುಗ್ಗಿ ಪುಡಿರೌಡಿಗಳ ದಾಂಧಲೆ: ಪುಂಡರ ಕೃತ್ಯ ಸಿಸಿಟಿವಿಯಲ್ಲಿ ಸೆರೆ
