ಬೆಂಗಳೂರು: ನಿಸ್ಸಾನ್ ಇಂಡಿಯಾ ತನ್ನ ಇಂಟಲಿಜೆಂಟ್ ಎಸ್ಯುವಿ ಶ್ರೇಣಿಯ ಕಿಕ್ಸ್ ಎಕ್ಸ್ಎಲ್ ಡೀಸೆಲ್ ಶ್ರೇಣಿಯ ವಾಹನವನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ದೇಶಾದ್ಯಂತ ಇದರ ಬೆಲೆ 9.89 ಲಕ್ಷ ರೂಪಾಯಿಗಳಾಗಿದೆ. ಸಾಕಷ್ಟು ಸ್ಥಳಾವಕಾಶ ಹೊಂದಿದ ಇಂಟೀರಿಯರ್ಸ್ ಮತ್ತು ಸ್ಟೈಲಿಶ್ ಹೊರಾಂಗಣವನ್ನು ಬಯಸುವ ಗ್ರಾಹಕರಿಗೆ ಈ ಕಿಕ್ಸ್ ಹೇಳಿ ಮಾಡಿಸಿದಂತಹ ವಾಹನವಾಗಿದೆ. ಹಿಂಭಾಗದ ಎಸಿ ವೆಂಟ್ ಆಟೋ ಎಸಿ, ಡ್ಯುಯೆಲ್ ಏರ್ಬ್ಯಾಗ್, ಎಬಿಎಸ್+ಇಬಿಡಿ+ಬ್ರೇಕ್ ಅಸಿಸ್ಟ್, ನಿಸ್ಸಾನ್ ಕನೆಕ್ಟ್, ಯುಎಸ್ಬಿ & ಬ್ಲೂಟೂತ್ ಕನೆಕ್ಟಿವಿಟಿ, ಕೂಲ್ಡ್ ಗ್ಲೋವ್ ಬಾಕ್ಸ್, ಶಾರ್ಕ್ ಫಿನ್ ಆಂಟೆನಾ, ಚೈಲ್ಡ್ ಲಾಕ್ ಜತೆಗೆ ಸೆಂಟ್ರಲ್ ಡೋರ್ ಲಾಕ್, ಸ್ಪೀಡ್, ಸೆನ್ಸಿಂಗ್ ಆಟೋ ಡೋರ್ ಲಾಕ್ & ಇಂಪ್ಯಾಕ್ಟ್ ಸೆನ್ಸಿಂಗ್ ಆಟೋ ಡೋರ್ ಅನ್ಲಾಕ್, ರಿಯರ್ ಪಾರ್ಕಿಂಗ್ ಸೆನ್ಸಾರ್ಗಳು, 2 ಡಿಐಎನ್ ಎಸ್ಟಿಡಿ ಆಡಿಯೋ ಸೇರಿದಂತೆ 50 ಕ್ಕೂ ಹೆಚ್ಚು ವೈಶಿಷ್ಟ್ಯತೆಗಳನ್ನು ಈ ಕಿಕ್ಸ್ ಹೊಂದಿದೆ. ಈ ಎಲ್ಲಾ ವಿಶೇಷತೆಗಳು ಕಿಕ್ಸ್ ಎಕ್ಸ್ಎಲ್ ಡೀಸೆಲ್ ಮತ್ತು ಇತರೆ ಶ್ರೇಣಿಗಳಲ್ಲಿಯೂ (ಕಿಕ್ಸ್ ಎಕ್ಸ್ಎಲ್ ಡೀಸೆಲ್, ಕಿಕ್ಸ್ ಎಕ್ಸ್ ವಿ ಡೀಸೆಲ್, ಕಿಕ್ಸ್ ಎಕ್ಸ್ವಿ ಪ್ರೀಮಿಯಂ ಡೀಸೆಲ್) ಲಭ್ಯವಿವೆ.
•ಕಿಕ್ಸ್ ಎಕ್ಸ್ಇ ಡೀಸೆಲ್ 50+ ವೈಶಿಷ್ಟ್ಯತೆಗಳನ್ನು ಹೊಂದಿದೆ
•ಕಿಕ್ಸ್ ಎಕ್ಸ್ಎಲ್, ಕಿಕ್ಸ್ ಎಕ್ಸ್ವಿ ಮತ್ತು ಕಿಕ್ಸ್ ಎಕ್ಸ್ವಿ ಪ್ರೀಮಿಯಂ ಲಭ್ಯ
•24 x7 ರೋಡ್ಸೈಡ್ ನೆರವಿನೊಂದಿಗೆ 5 ವರ್ಷಗಳ ತಡೆರಹಿತ ವಾರಂಟಿ
ಈ ಹೊಸ ಶ್ರೇಣಿಯ ವಾಹನದ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ನಿಸ್ಸಾನ್ ಮೋಟರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ನ ಮಾರುಕಟ್ಟೆ ವಿಭಾಗದ ಉಪಾಧ್ಯಕ್ಷ ಶ್ರೀರಾಂ ಪದ್ಮನಾಭನ್, ದೇಶಾದ್ಯಂತ ಎಸ್ಯುವಿ ಉತ್ಸಾಹಿಗಳಿಂದ ಈ ನಮ್ಮ ಹೊಸ ನಿಸ್ಸಾನ್ ಕಿಕ್ಸ್ಗೆ ಸಾಕಷ್ಟು ಧನಾತ್ಮಕ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಈ ಪ್ರತಿಕ್ರಿಯೆಯನ್ನು ಗಮನಿಸಿರುವ ನಾವು ಆರಂಭಿಕ ಹಂತದ ಡೀಸೆಲ್ ಶ್ರೇಣಿಯಲ್ಲಿ ಹೊಸ ಎಕ್ಸ್ಇ ಡೀಸೆಲ್ನನ್ನು ಬಿಡುಗಡೆ ಮಾಡಿದ್ದೇವೆ ಎಂದು ತಿಳಿಸಿದರು.