ಚಂದ್ರಯಾನ-3 ರಾಕೆಟ್‌ ಭಾಗಗಳು ಭೂಮಿಯ ವಾತಾವರಣಕ್ಕೆ ಮರುಪ್ರವೇಶ: ಇಸ್ರೋ

author img

By PTI

Published : Nov 16, 2023, 10:28 AM IST

Chandrayaan-3 spacecraft

Chandrayaan-3 parts re-entry in to earths atmosphere: ಕಳೆದ ಜುಲೈನಲ್ಲಿ ಚಂದ್ರಯಾನ-3 ನೌಕೆಯನ್ನು ಯಶಸ್ವಿಯಾಗಿ ಬಾಹ್ಯಾಕಾಶಕ್ಕೆ ತಲುಪಿಸಿದ್ದ LVM3 M4 ಉಡ್ಡಯನ ವಾಹನದ ಬಿಡಿಭಾಗಗಳು ಭೂಮಿಯ ವಾತಾವರಣಕ್ಕೆ ಅನಿಯಂತ್ರಿತವಾಗಿ ವಾಪಸಾಗುತ್ತಿವೆ ಎಂದು ಇಸ್ರೋ ಮಾಹಿತಿ ನೀಡಿದೆ.

ಬೆಂಗಳೂರು: 2023ರ ಜುಲೈ 14ರಂದು ಚಂದ್ರಯಾನ-3 ಬಾಹ್ಯಾಕಾಶ ನೌಕೆಯನ್ನು ಕಕ್ಷೆಗೆ ತಲುಪಿಸಿದ್ದ ಎಲ್​ವಿಎಂ3 ಎಂ4 ಉಡ್ಡಯನ ವಾಹನದ ಕ್ರಯೋಜೆನಿಕ್ ಮೇಲಿನ ಹಂತದ ಬಿಡಿ ಭಾಗಗಳು ಬುಧವಾರ ಭೂಮಿಯ ವಾತಾವರಣಕ್ಕೆ ಅನಿಯಂತ್ರಿತ ಮರುಪ್ರವೇಶಿಸಿವೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ.

ಈ ಭಾಗಗಳು ಅಂತಿಮವಾಗಿ ಇಳಿಯುವ ಸ್ಥಳದ ನಿಖರ ಹಾದಿ ಭಾರತದ ಮೇಲಿಲ್ಲ. ಉತ್ತರ ಪೆಸಿಫಿಕ್ ಮಹಾಸಾಗರದ ಮೇಲೆ ಬೀಳುವ ಸಾಧ್ಯತೆ ಇದೆ ಎಂದು ಊಹಿಸಲಾಗಿದೆ. ಈಗ ಮರುಪ್ರವೇಶ ಮಾಡುವ ರಾಕೆಟ್‌ನ ಭಾಗವು ಎಲ್​ವಿಎಂ3 ಎಂ4ನ ಉಡ್ಡಯನ ವಾಹನದ ಭಾಗವಾಗಿದೆ. ಚಂದ್ರಯಾನ-3 ಬಾಹ್ಯಾಕಾಶ ನೌಕೆ ಉಡಾವಣೆಯಾದ 124 ದಿನಗಳಲ್ಲಿ ರಾಕೆಟ್​ನ ದೇಹದ ಭಾಗ ಮರುಪ್ರವೇಶ ಮಾಡಿದೆ ಎಂದು ಇಸ್ರೋ ಹೇಳಿದೆ.

ಅಂತರರಾಷ್ಟ್ರೀಯವಾಗಿ ಅಂಗೀಕರಿಸಲ್ಪಟ್ಟ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಈ ರಾಕೆಟ್‌ನ ಬಿಡಿ ಭಾಗಗಳ ನಿಷ್ಕ್ರಿಯಗೊಳಿಸುವಿಕೆ ಮತ್ತು ನಂತರದ ವಿಲೇವಾರಿಯು ಬಾಹ್ಯಾಕಾಶ ಚಟುವಟಿಕೆಗಳ ದೀರ್ಘಾವಧಿಯ ಸುಸ್ಥಿರತೆಯನ್ನು ಸಂರಕ್ಷಿಸುವ ಭಾರತದ ಬದ್ಧತೆಯನ್ನು ಮತ್ತೊಮ್ಮೆ ದೃಢೀಕರಿಸುತ್ತದೆ ಎಂದು ಇಸ್ರೋ ತಿಳಿಸಿದೆ.(ಪಿಟಿಐ)

ಇದನ್ನೂ ಓದಿ: ಆದಿತ್ಯ L1 ಮಿಷನ್​ ಮಹತ್ವದ ಹೆಜ್ಜೆ: ಸೂರ್ಯನ ಬಾಹ್ಯ ಪ್ರಖರ ವಿಕಿರಣ ದಾಖಲಿಸಿದ ಪೆಲೋಡ್​

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.