ಬೆಂಗಳೂರು: ಕಳೆದ ರಾತ್ರಿಯಿಂದ ಯಶವಂತಪುರದ ತಾಜ್ ವಿವಾಂತ ಪಂಚತಾರಾ ಹೋಟೆಲ್ನಲ್ಲಿ ವಾಸ್ತವ್ಯ ಹೂಡಿರುವ ಕಾಂಗ್ರೆಸ್ ಶಾಸಕರ ವಾಸ್ತವ್ಯಕ್ಕೆ ಪಕ್ಷ ಲಕ್ಷ ಲಕ್ಷ ರೂಪಾಯಿ ದುಡ್ಡು ವ್ಯಯಿಸುತ್ತಿದೆ.
ಈ ತಾರಾ ಹೋಟೆಲಿನಲ್ಲಿ ಒಂದು ದಿನಕ್ಕೆ ಒಬ್ಬರಿಗೆ ₹ 7,500+ ತೆರಿಗೆ ₹2,100 ಸೇರಿ ಒಟ್ಟು ₹ 9,600 ವೆಚ್ಚವಾಗುತ್ತದೆ. ಜೊತೆಗೆ, ಬೆಳಗ್ಗಿನ ಕಾಫಿಗೆ ₹160, ತಿಂಡಿಯ ಬೆಲೆ ₹ 450, ಮಧ್ಯಾಹ್ನ ಊಟದ ಮೊತ್ತ ₹ 1,350, ರಾತ್ರಿ ಡಿನ್ನರ್ಗೂ ಅಷ್ಟೇ ವೆಚ್ಚವಾಗುತ್ತದೆ. ಇದರ ಹೊರತು ಇತರೆ ಬೇಡಿಕೆಗಳಿದ್ದೇ ಇರುತ್ತದೆ, ಅದಕ್ಕೆ ಪ್ರತ್ಯೇಕವಾಗಿ ದರ ವಿಧಿಸವಾಗುತ್ತದೆ.
ಈ ರೀತಿ ಮೂರು ಹೊತ್ತು ಆಹಾರದ ಲೆಕ್ಕ ಹಾಕಿದ್ರೂ, ಒಬ್ಬರ ಹೋಟೆಲ್ ರೂಂ ಖರ್ಚು- 28,800 ರೂ. ಆಗಲಿದೆ. ಒಟ್ಟು 30 ಶಾಸಕರು ಹೋಟೆಲೊಳಗೆ ತಂಗಿದ್ದು, ಮೂರು ದಿನಕ್ಕೆ ₹ 8 ಲಕ್ಷ 64 ಸಾವಿರ ಖರ್ಚಾಗಲಿದೆ. ಒಬ್ಬರ ಕಾಫಿ ತಿಂಡಿ, ಊಟದ ಖರ್ಚು ಕಡಿಮೆ ಏನಿಲ್ಲವೆಂದ್ರೂ 11,700 ರೂ. ಆಗುತ್ತದೆ.
ಶಾಸಕರ ವಾಸ್ತವ್ಯದ ವೆಚ್ಚ ಇಷ್ಟಕ್ಕೆ ನಿಲ್ಲುವುದಿಲ್ಲ. ಹೋಟೆಲ್ನಲ್ಲಿ ತಂಗಿರುವ ಶಾಸಕರ ಬೇಡಿಕೆ ಹಾಗೂ ಆಶಯಗಳು ಹೆಚ್ಚಿರಲಿದ್ದು, ಇದರಿಂದಾಗಿ ಖರ್ಚಿನ ಬಾಬ್ತು ಕೋಟಿ ಮೀರಿದರೂ ಅಚ್ಚರಿಯಿಲ್ಲ.