ಲಂಡನ್: ಎಟಿಪಿ ಟೆನಿಸ್ ಚಾಂಪಿಯನ್ಶಿಪ್ನ ಸೆಮಿ ಫೈನಲ್ ಪಂದ್ಯದಲ್ಲಿ ವಿಶ್ವದ 2ನೇ ಶ್ರೇಯಾಂಕಿತ ಆಟಗಾರ ರಾಫೆಲ್ ನಡಾಲ್ ಸುಲಭವಾಗಿ ಜಯಗಳಿಸಿ ಫೈನಲ್ ಪ್ರವೇಶಿಸಿದ್ದಾರೆ.
ರಷ್ಯಾದ ಆ್ಯಂಡ್ರೆ ರುಬ್ಲೆವ್ ವಿರುದ್ಧ 6-3, 6-4 ನೇರ ಸೆಟ್ಗಳ ಮೂಲಕ 18ನೇ ನಿಮಿಷದಲ್ಲಿಯೇ ಜಯ ದಾಖಲಿಸಿದ್ದಾರೆ. ಈ ಮೂಲಕ ಎಟಿಪಿ ಟೂರ್ನಿಯಲ್ಲಿ ಫೈನಲ್ಗೆ ಲಗ್ಗೆ ಇಟ್ಟಿದ್ದಾರೆ.
ಗೆಲುವಿನ ಬಳಿಕ ಮಾತನಾಡಿರುವ ನಡಾಲ್ ‘ಉತ್ತಮ ಆರಂಭ ಸಿಗುವುದು ಒಳ್ಳೆಯದೆ ಹಾಗೂ ನೇರ ಸೆಟ್ಗಳಿಂದ ಜಯ ದಾಖಲಿಸುವುದು ಆತ್ಮವಿಶ್ವಾಸವನ್ನು ಹೆಚ್ಚಿಸಲಿದೆ. ನನ್ನ ಸರ್ವ್ಗಳ ಮೂಲಕ ಉತ್ತಮ ಪ್ರದರ್ಶನ ಬಂದಿದೆ. ನಾನೇನು ಅಷ್ಟೊಂದು ಕಷ್ಟ ಪಡಲಿಲ್ಲ. ಇದು ನನ್ನ ವಾಪಸಾತಿಗೆ ಹೆಚ್ಚು ಸಹಕಾರಿಯಾಗಲಿದೆ’ ಎಂದಿದ್ದಾರೆ.
ಈ ಬಾರಿಯ ಮೊದಲ ಗ್ರೂಪ್ ಹಂತದ ಪಂದ್ಯವು ಕಳೆದ ಬಾರಿಯ ರನ್ನರ್ ಅಪ್ ಆಗಿದ್ದ ಡೊನಮಿಕ್ ಥೀಮ್ ಮತ್ತು ವಿಜೇತ ಸ್ಟೆಫಾನೊಸ್ ಸಿಟ್ಸಿಪಾಸ್ ನಡುವೆ ನಡೆದಿತ್ತು. ಈ ಪಂದ್ಯದಲ್ಲಿ ಥೀಮ್ 7-6, 4-6, ಮತ್ತು 6-3ರ ಸೆಟ್ನಲ್ಲಿ ಗ್ರೀಕ್ ಆಟಗಾರನ ಸೋಲಿಸಿ ಕಳೆದ ಬಾರಿಯ ಸೋಲಿನ ಪ್ರತೀಕಾರ ತೀರಿಸಿಕೊಂಡರು.
ಈ ಹಿನ್ನೆಲೆ ನಡಾಲ್ ನಾಳೆ ನಡೆಯಲಿರುವ ಎರಡನೇ ಗುಂಪಿನ ಫೈನಲ್ ಪಂದ್ಯದಲ್ಲಿ ಡೊನಮಿಕ್ ಥೀಮ್ ಅವರನ್ನು ಎದುರಿಸಲಿದ್ದಾರೆ.
