ಬೆಂಗಳೂರು: ಉದ್ಘಾಟನಾ ಪಂದ್ಯದಲ್ಲಿ ಯು ಮುಂಬಾ ವಿರುದ್ಧ 46-30ರ ಹೀನಾಯ ಸೋಲಿನೊಂದಿಗೆ ಅಭಿಯಾನ ಆರಂಭಿಸಿದ್ದ ಬೆಂಗಳೂರು ಬುಲ್ಸ್ ಇಂದು ನಡೆಯುವ ಪಂದ್ಯದಲ್ಲಿ ಮತ್ತೆ ಯು ಮುಂಬಾ ವಿರುದ್ಧ ಕಣಕ್ಕಿಳಿಯುತ್ತಿದೆ.
ತನ್ನ ಕೊನೆ ಪಂದ್ಯದಲ್ಲಿ ಎರಡೂ ತಂಡಗಳು ದುರ್ಬಲ ತೆಲುಗು ಟೈಟನ್ಸ್ ವಿರುದ್ಧ ಗೆಲುವು ಸಾಧಿಸಿವೆ. ಆದರೆ ಬೆಂಗಳೂರು ಬುಲ್ಸ್ ಆಡಿರುವ 14 ಪಂದ್ಯಗಳಲ್ಲಿ 8 ಗೆಲುವು ಮತ್ತು 5 ಸೋಲು ಕಂಡು 46 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದರೆ, ಯು ಮುಂಬಾ 12 ಪಂದ್ಯಗಳಲ್ಲಿ 4 ಗೆಲುವು 3 ಸೋಲು ಮತ್ತು 5 ಟೈ ಸಾಧಿಸಿ 36 ಅಂಕ ಪಡೆದು 7ನೇ ಸ್ಥಾನದಲ್ಲಿದೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಟೂರ್ನಿಯಲ್ಲಿ ಗರಿಷ್ಠ ಅಂಕ ಪಡೆದು ಅದ್ಭುತ ಪ್ರದರ್ಶನ ತೋರುತ್ತಿರುವ ಹೈ ಫ್ಲೈಯರ್ ಪವನ್ ಶೆರಾವತ್ ಬೆಂಗಳೂರು ತಂಡದ ಪ್ರಮುಖ ಅಸ್ತ್ರವಾಗಿದ್ದಾರೆ. ಇವರಿಗೆ ಯುವ ರೈಡರ್ ಭರತ್ ಸಾಥ್ ನೀಡಲಿದ್ದಾರೆ. ಡಿಫೆಂಡಿಗ್ನಲ್ಲಿ ಸೌರಭ್ ನಂಡಲ್, ಮಹೇಂದ್ರ ಸಿಂಗ್, ಅಮನ್ ಉತ್ತಮ ಫಾರ್ಮ್ನಲ್ಲಿರುವುದರಿಂದ ಬುಲ್ಸ್ ಯು ಮುಂಬಾ ವಿರುದ್ಧ ಗೆಲ್ಲಬಹುದಾದ ಸಾಧ್ಯತೆ ಹೆಚ್ಚಿದೆ.
ಇತ್ತ ಸುಲ್ತಾನ್ ಫಜಲ್ ಅಟ್ರಾಚಲಿ ನೇತೃತ್ವದ ಮುಂಬೈ ತಂಡ ಡಿಫೆಂಡಿಂಗ್ನಲ್ಲಿ ಬಲಿಷ್ಠವಾಗಿದೆ. ಆದರೆ ರೈಡಿಂಗ್ನಲ್ಲಿ ಅಭಿಷೇಕ್ ಸಿಂಗ್ ಅವರನ್ನೇ ಹೆಚ್ಚು ಅವಲಂಭಿಸಿದೆ. ಒಂದು ವೇಳೆ ಅಭಿಷೇಕ್ರನ್ನು ನಿಯಂತ್ರಿಸುವಲ್ಲಿ ಬುಲ್ಸ್ ಯಶಸ್ವಿಯಾದರೆ ಖಂಡಿತ ಸೇಡು ತೀರಿಸಿಕೊಳ್ಳುವುದಲ್ಲದೆ ಅಗ್ರಸ್ಥಾನವನ್ನು ಮತ್ತಷ್ಟು ಗಟ್ಟಿ ಮಾಡಿಕೊಳ್ಳಬಹುದಾಗಿದೆ.
ಇದನ್ನೂ ಓದಿ:ನಾನು ಕಂಡಂತಹ ತೀಕ್ಷ್ಣಕ್ರಿಕೆಟ್ ಮೈಂಡ್ ಹೊಂದಿದವರಲ್ಲಿ ಎಂಎಸ್ ಧೋನಿ ಕೂಡ ಒಬ್ಬರು : ಗ್ರೇಗ್ ಚಾಪೆಲ್
