ಒಲಿಂಪಿಕ್ಸ್​ನಲ್ಲಿ ಅದ್ಭುತ ಸಾಧನೆ ಮಾಡಿರುವ ಹಾಕಿ ತಂಡಗಳಿಗೆ ಒಡಿಶಾ ಸರ್ಕಾರದಿಂದ ಸನ್ಮಾನ

ಭುವನೇಶ್ವರ: ಒಲಿಂಪಿಕ್ಸ್​ನಲ್ಲಿ ನಾಲ್ಕು ದಶಕಗಳ ಬಳಿಕ ಪದಕ ಗೆಲ್ಲುವಲ್ಲಿ ಸಫಲರಾಗಿರುವ ಭಾರತ ಹಾಕಿ ತಂಡಕ್ಕೆ ಇಂದು ಒಡಿಶಾ ಸರ್ಕಾರ ಸನ್ಮಾನ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದು, ಪುರುಷ ಮತ್ತು ಮಹಿಳಾ ಹಾಕಿ ತಂಡ ಒಡಿಶಾಗೆ ಬಂದಿಳಿದಿದೆ. ಒಲಿಂಪಿಕ್ಸ್​ನಲ್ಲಿ ಅದ್ಭುತ ಸಾಧನೆ ಮಾಡರುವ ಎರಡೂ ತಂಡಗಳಿಗೂ ಒಡಿಶಾ ಮುಖ್ಯಮಂತ್ರಿ ಗೌರವಿಸಲಿದ್ದಾರೆ.

ಪುರುಷರ ತಂಡ 41 ವರ್ಷಗಳ ಬಳಿಕ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆದ್ದರೆ, ಮಹಿಳಾ ತಂಡ ಇದೇ ಮೊದಲ ಬಾರಿಗೆ ಸೆಮಿಫೈನಲ್​ ಪ್ರವೇಶಿಸಿ ಇತಿಹಾಸ ಬರೆದಿತ್ತು. ಕಡೆಗಣಿಸಲ್ಪಡುತ್ತಿದ್ದ ಹಾಕಿ ಕ್ರೀಡೆಗೆ ಮರುಜೀವ ನೀಡಿದ್ದ ಒಡಿಶಾ ಸರ್ಕಾರ, ಇದೀಗ ಒಲಿಂಪಿಕ್ಸ್​ನಲ್ಲಿ ಬಹುದೊಡ್ಡ ಸಾಧನೆ ಮಾಡಿರುವುದಕ್ಕೆ ಮಂಗಳವಾರ ಮಹಿಳಾ ಮತ್ತು ಪುರುಷ ತಂಡಗಳಿಗೆ ಸನ್ಮಾನ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಸ್ಥಳೀಯ ಹೋಟೆಲ್​ನಲ್ಲಿ ಇಂದು 5 ಗಂಟೆಗೆ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ. ಒಡಿಶಾ ಸರ್ಕಾರ ಐದು ವರ್ಷಗಳ ಅವಧಿಗೆ ಹಾಕಿ ಕ್ರೀಡೆಗೆ ಪ್ರಾಯೋಜಕತ್ವ ವಹಿಸಿಕೊಂಡಿದೆ. ಜೊತೆಗೆ ಇತರೆ ಕ್ರೀಡೆಯನ್ನು ಫ್ರೋತ್ಸಾಹಿಸುವ ದೃಷ್ಠಿಯಿಂದ ಈ ವರ್ಷದಿಂದ ರಾಜ್ಯದಲ್ಲಿ 89 ಒಳಾಂಗಣ ಕ್ರೀಡಾಂಗಣಗಳನ್ನು ವಿವಿದೋದ್ಧೇಶ ಯೋಜನೆಯಡಿ ಸುಮಾರು 693 ಕೋಟಿ ರೂಗಳ ವೆಚ್ಚದಲ್ಲಿ ನಿರ್ಮಿಸುತ್ತಿದೆ.

ಇದನ್ನು ಓದಿ:ಹಾಕಿಗೆ ಪುನರ್ಜನ್ಮ ಕೊಟ್ಟ ಈ ಸರ್ಕಾರದಿಂದ ಮತ್ತೊಂದು ಮಹಾತ್ಕಾರ್ಯ: 89 ಕ್ರೀಡಾಂಗಣ ನಿರ್ಮಾಣಕ್ಕೆ ನಿರ್ಧಾರ