ಡಬ್ಲಿನ್ (ಐರ್ಲೆಂಡ್): ಡಬ್ಲಿನ್‌ನಲ್ಲಿ ಭಾನುವಾರ ನಡೆದ ಐರ್ಲೆಂಡ್ ವಿರುದ್ಧದ ಎರಡನೇ ಟಿ-20ಐ ಪಂದ್ಯದಲ್ಲಿ ಭಾರತೀಯ ಬೌಲರ್‌ಗಳು ಪ್ರಾಬಲ್ಯ ಸಾಧಿಸಿದ್ದು, 33 ರನ್‌ಗಳಿಂದ ಗೆದ್ದು ಮೂರು ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ತನ್ನದಾಗಿಸಿಕೊಂಡಿದ್ದಾರೆ. ಬುಮ್ರಾ ಕೇವಲ 15 ರನ್ ನೀಡಿ ಇಬ್ಬರು ಬ್ಯಾಟ್ಸ್‌ಮನ್‌ಗಳನ್ನು ಔಟ್ ಮಾಡಿದರು. ಪ್ರಸಿದ್ಧ್ ಕೃಷ್ಣ ಮತ್ತು ರವಿ ಬಿಷ್ಣೋಯ್ ಎರಡು ವಿಕೆಟ್ ಪಡೆದರೆ, ಅರ್ಷದೀಪ್ ಸಿಂಗ್ ಒಂದು ವಿಕೆಟ್ ಪಡೆದರು.
186 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಐರ್ಲೆಂಡ್ ಆರಂಭಿಕ ಹೊಡೆತಗಳನ್ನು ಅನುಭವಿಸಿತು. ಪ್ರಸಿದ್ಧ್ ಕೃಷ್ಣ ತಮ್ಮ ಹಿಂದಿನ ಫಾರ್ಮ್ ಅನ್ನು ಮುಂದುವರೆಸಿದರು. ಮತ್ತು 3ನೇ ಓವರ್ನಲ್ಲಿ ಎರಡು ವಿಕೆಟ್ಗಳನ್ನು ಪಡೆದರು. ಅವರು ಕ್ಯಾಪ್ಟನ್ ಪೌಲ್ ಸ್ಟಿರ್ಲಿಂಗ್ ಮತ್ತು ಲೋರ್ಕನ್ ಟಕರ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದರು. ಜಸ್ಪ್ರೀತ್ ಬುಮ್ರಾ ಅವರು 6ನೇ ಓವರ್ನಲ್ಲಿ ಸ್ಪಿನ್ನರ್ ರವಿ ಬಿಷ್ಣೋಯ್ ಅವರನ್ನು ಪರಿಚಯಿಸಿದರು. ಮತ್ತು ಅವರು 7ನೇ ಓವರ್ನಲ್ಲಿ ಹ್ಯಾರಿ ಟೆಕ್ಟರ್ ಅವರನ್ನು ಔಟ್ ಮಾಡಲು ಅದ್ಭುತವಾದ ಗೂಗ್ಲಿ ಬೌಲ್ ಮಾಡಿದರು.
ಭಾರತದ ಬೌಲಿಂಗ್ ದಾಳಿಗೆ ನಲುಗಿದ ಐರ್ಲೆಂಡ್: ಐರ್ಲೆಂಡ್ ಬ್ಯಾಟ್ಸಮೆನ್ಗಳಾದ ಕರ್ಟಿಸ್ ಕ್ಯಾಂಫರ್ ಮತ್ತು ಆಂಡಿ ಬಾಲ್ಬಿರ್ನಿ ನಂತರ, ಇನ್ನಿಂಗ್ಸ್ ಅನ್ನು ಮುನ್ನಡೆಸಲು ಪ್ರಯತ್ನಿಸಿದರು. 8ನೇ ಓವರ್ನಲ್ಲಿ ಐರ್ಲೆಂಡ್ ಅನ್ನು 50 ರನ್‌ಗಳ ಗಡಿಗೆ ತಂದರು. ಆದಾಗ್ಯೂ, 10ನೇ ಓವರ್ನಲ್ಲಿ ಕರ್ಟಿಸ್‌ನನ್ನು 18ರನ್‌ಗೆ ಔಟ್ ಮಾಡಿದ ಬಿಷ್ಣೋಯ್ ಮತ್ತೊಮ್ಮೆ ವಿಕೆಟ್‌ಗೆ ಹೊಡೆದರು.
ಭಾರತದ ಬೌಲಿಂಗ್ ದಾಳಿಯನ್ನು ಐರ್ಲೆಂಡ್ ತಂಡದ ಏಕೈಕ ಬ್ಯಾಟ್ಸ್ಮೆನ್ ಬಾಲ್ಬಿರ್ನಿ ಎದುರಿಸಿದರು. ಅವರು 13ನೇ ಓವರ್ನಲ್ಲಿ, 40 ಎಸೆತಗಳಲ್ಲಿ ತಮ್ಮ ಅರ್ಧಶತಕವನ್ನು ಬಾರಿಸಿದರು. ಹೆಚ್ಚುತ್ತಿರುವ ಅಗತ್ಯ ರನ್ ದರದ ಒತ್ತಡದಲ್ಲಿ ಐರ್ಲೆಂಡ್ ಉಸಿರುಗಟ್ಟಿಸಿತು. ಜಾರ್ಜ್ ಡಾಕ್ರೆಲ್ ರನೌಟ್ ಆದ ನಂತರ ಪೆವಿಲಿಯನ್‌ಗೆ ಮರಳಿದರು.
ಅರ್ಶ್ದೀಪ್ ಸಿಂಗ್ ಮಾಡಿದ ಬೌಲ್ಗೆ ಸ್ಟಂಪ್ ಹಿಂದೆ ಸ್ಯಾಮ್ಸನ್ ಕ್ಯಾಚ್ ಮಾಡಿದ್ದರಿಂದ, ಬಲ್ಬಿರ್ನಿಯ ಅದ್ಭುತ ಇನ್ನಿಂಗ್ಸ್ ಕೂಡ ಕೊನೆಗೊಂಡಿತು. ಬಲ್ಬಿರ್ನಿ ಅವರು 51 ಎಸೆತಗಳಲ್ಲಿ 72 ರನ್ ಗಳಿಸಿದರು. ಬುಮ್ರಾ ಕೂಡ 17ನೇ ಓವರ್ನಲ್ಲಿ ಬ್ಯಾರಿ ಮೆಕಾರ್ಥಿಯನ್ನು ಔಟ್ ಮಾಡಿದರು. ಮಾರ್ಕ್ ಆಡೈರ್ ಕೆಲವು ಬೌಂಡರಿಗಳೊಂದಿಗೆ ತಮ್ಮ ಕೌಶಲ್ಯಗಳನ್ನು ಪ್ರದರ್ಶಿಸಿದರು. ಆದಾಗ್ಯೂ, ಅವರನ್ನು 19.4 ಓವರ್ನಲ್ಲಿ ಬುಮ್ರಾ ತೆರವುಗೊಳಿಸಿದರು. ಭಾರತ 33 ರನ್‌ಗಳಿಂದ ಆರಾಮವಾಗಿ ಜಯಗಳಿಸಿತು. ರುತುರಾಜ್ 43 ಎಸೆತಗಳಲ್ಲಿ 58 ರನ್ ಗಳಿಸಿದರು. ಸಂಜು ಸ್ಯಾಮ್ಸನ್ ಅವರ 40 ರನ್‌ಗಳ ಹೊಡೆದು ಔಟಾದರು. ರಿಂಕು ಮತ್ತು ಶಿವಂ ಕ್ರಮವಾಗಿ 38 ಮತ್ತು 22 ರನ್ ಗಳಿಸಿ ಭಾರತದ ಪರ ತ್ವರಿತ ರನ್ ಕಲೆಹಾಕಿದರು.
ಇದಕ್ಕೂ ಮೊದಲು, ಬ್ಯಾಟ್ ಮಾಡಲು ಭಾರತದ ಆರಂಭಿಕರಾದ ಯಶಸ್ವಿ ಜೈಸ್ವಾಲ್ ಮತ್ತು ರುತುರಾಜ್ ಗಾಯಕ್ವಾಡ್ ಅವರು ಎರಡನೇ ಓವರ್ನಲ್ಲಿ ಉತ್ತಮವಾಗಿ ಆಟ ಪ್ರಾರಂಭಿಸಿದರು. ಮತ್ತು ಜೋಶ್ ಲಿಟಲ್ ಅವರ ಬೌಲಿಂಗ್‌ನಲ್ಲಿ 16 ರನ್ ಗಳಿಸಿದರು.
ನಂತರ ಭಾರತ ಎರಡು ವಿಕೆಟ್ಗಳನ್ನು ತ್ವರಿತವಾಗಿ ಕಳೆದುಕೊಂಡಿತು. ಯಂಗ್ ಜೈಸ್ವಾಲ್ ಅವರನ್ನು 11 ಎಸೆತಗಳಲ್ಲಿ 18 ರನ್ ಗಳಿಸಿದಾಗ ಕರ್ಟಿಸ್ ಕ್ಯಾಂಫರ್ ವಿಫಲವಾದ ಪುಲ್ ಶಾಟ್‌ನಲ್ಲಿ ಕ್ಯಾಚ್ ನೀಡಿದರು. ಮುಂದಿನ ಓವರ್ನಲ್ಲಿ ಕರ್ಟಿಸ್ ಕ್ಯಾಂಫರ್ ಕೇವಲ ಒಂದು ರನ್ ಗಳಿಸಿದ ತಿಲಕ್ ವರ್ಮಾ ಅವರ ಔಟ್ ಮಾಡಿದರು.
ಗಾಯಕ್ವಾಡ್ ಉತ್ತಮ ಪ್ರದರ್ಶನ: ಪವರ್‌ಪ್ಲೇ ನಂತರ, ಭಾರತವು 47/2 ಆಗಿತ್ತು. ಅಲ್ಲಿ ಗಾಯಕ್ವಾಡ್ ಮತ್ತು ಸಂಜು ಸ್ಯಾಮ್ಸನ್ ಸ್ಕೋರ್‌ಬೋರ್ಡ್ ಚಲಿಸುವ ಜವಾಬ್ದಾರಿಯನ್ನು ವಹಿಸಿಕೊಂಡರು. ಭಾರತ 6.4 ಓವರ್‌ಗಳಲ್ಲಿ 50 ರನ್‌ಗಳ ಗಡಿಗೆ ತಲುಪಿತು. ಗಾಯಕ್ವಾಡ್ ಮತ್ತು ಸ್ಯಾಮ್ಸನ್ 3ನೇ ವಿಕೆಟ್‌ಗೆ 36 ಎಸೆತಗಳಲ್ಲಿ 50 ರನ್ ಜೊತೆಯಾಟ ಆಡಿದರು.
ಲಿಟಲ್ ಅವರ 11ನೇ ಓವರ್ನಲ್ಲಿ ದಾಳಿ ಮಾಡಿದ ಸ್ಯಾಮ್ಸನ್ ಮೂರು ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿ 18 ರನ್ ಗಳಿಸಿದರು. ಭಾರತ 11.1 ಓವರ್ನಲ್ಲಿ 100 ರನ್ ಗಡಿ ತಲುಪಿತು. 13ನೇ ಓವರ್ನಲ್ಲಿ ಗಾಯಕ್ವಾಡ್ ಮತ್ತು ಸ್ಯಾಮ್ಸನ್ ಅವರ ಜೊತೆಯಾಟವನ್ನು ಮುರಿಯುವಲ್ಲಿ ಐರ್ಲೆಂಡ್ ಯಶಸ್ವಿಯಾಯಿತು. ವೈಟ್ ಬೌಲ್ ಮಾಡಿದ ವೈಡ್ ಎಸೆತವನ್ನು ಸ್ಯಾಮ್ಸನ್ ಡ್ರ್ಯಾಗ್ ಮಾಡಲು ಪ್ರಯತ್ನಿಸಿದರು. ಆದರೆ, ಚೆಂಡು ಸ್ಟಂಪ್‌ಗೆ ಬಡಿಯಿತು. ಗಾಯಕ್ವಾಡ್ 15ನೇ ಓವರ್ನಲ್ಲಿ ವೈಟ್‌ನ ಬಾಲ್‌ನಲ್ಲಿ ಬೌಂಡರಿ ಹೊಡೆಯುವ ಮೂಲಕ ತಮ್ಮ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಆದರೆ, ಗಾಯಕ್ವಾಡ್ ಅರ್ಧಶತಕದ ನಂತರ 15.1 ಓವರ್‌ಗಳಲ್ಲಿ ಪೆವಿಲಿಯನ್‌ಗೆ ಮರಳಿದ್ದರಿಂದ ಲಾಭ ಗಳಿಸಲಿಲ್ಲ. ಅವರು 43 ಎಸೆತಗಳಲ್ಲಿ 58 ರನ್ ಗಳಿಸಿದರು.
ರಿಂಕು ಸಿಂಗ್ ಎರಡು ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸುವ ಮೂಲಕ ಅಂತಿಮ ಓವರ್ ಅನ್ನು ಸರಿಯಾಗಿ ಬಳಸಿಕೊಂಡರು. ಭಾರತ ಕೊನೆಯ ಎಸೆತದಲ್ಲಿ 19 ರನ್ ಕಲೆಹಾಕಿತು. ರಿಂಕು ಅವರ ಹಾದಿಯನ್ನು ಅನುಸರಿಸಿ, ಶಿವಂ ದುಬೆ ಕೂಡ ಕೊನೆಯ ಓವರ್ನಲ್ಲಿ ರಿಂಕುಗೆ ಸ್ಟ್ರೈಕ್ ನೀಡುವ ಮೊದಲು ಸತತ ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು. ಆದರೆ, ನೆಸ್ಟ್ ಬಾಲ್ಗೆ ರಿಂಕು 38 ರನ್‌ಗೆ ಔಟಾದರು. ಭಾರತ 20 ಓವರ್‌ಗಳಲ್ಲಿ 186/5 ಐರ್ಲೆಂಡ್‌ಗೆ ಗುರಿ ನೀಡಿತ್ತು.
ಸಂಕ್ಷಿಪ್ತ ಸ್ಕೋರ್: ಭಾರತ 185/5 (ರುತುರಾಜ್ ಗಾಯಕ್ವಾಡ್ 58, ಸಂಜು ಸ್ಯಾಮ್ಸನ್ 40, ಬ್ಯಾರಿ ಮೆಕಾರ್ಥಿ 2-36) ವಿರುದ್ಧ ಐರ್ಲೆಂಡ್ 152/8 (ಆಂಡಿ ಬಲ್ಬಿರ್ನಿ 72, ಮಾರ್ಕ್ ಅಡೈರ್ 23, ಜಸ್ಪ್ರೀತ್ ಬುಮ್ರಾ 2-15).
ಇದನ್ನೂ ಓದಿ: ಮಹಾರಾಜ ಟ್ರೋಫಿ: ಹ್ಯಾಟ್ರಿಕ್ ಸೋಲಿನ ಬಳಿಕ ಮಂಗಳೂರು ವಿರುದ್ಧ ಜಯ ಕಂಡ ಗುಲ್ಬರ್ಗಾ
