ಇದು ದಾಖಲೆ: 2024 -28ರ ಐಪಿಎಲ್ ಶೀರ್ಷಿಕೆ​​​ ಪ್ರಾಯೋಜಕತ್ವದ ಹಕ್ಕು ಪಡೆದುಕೊಂಡ ಟಾಟಾ ಗ್ರೂಪ್​

author img

By ETV Bharat Karnataka Desk

Published : Jan 20, 2024, 3:46 PM IST

IPL breaks sponsorship records, TATA group secures sponsorship rights for 2024-28

ಈ ಬಾರಿ IPL ಪ್ರಾಯೋಜಕತ್ವದ ಬಿಡ್​ ಹಳೆಯ ಎಲ್ಲ ದಾಖಲೆಗಳನ್ನು ಮುರಿದಿದೆ. TATA ಗ್ರೂಪ್​ 2024-28 ರ ಪ್ರಾಯೋಜಕತ್ವದ ಹಕ್ಕುಗಳನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ನವದೆಹಲಿ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಶನಿವಾರ ಐದು ವರ್ಷಗಳ ಅವಧಿಗೆ ಟಾಟಾ ಗ್ರೂಪ್‌ಗೆ ಇಂಡಿಯನ್ ಪ್ರೀಮಿಯರ್ ಲೀಗ್ ಶೀರ್ಷಿಕೆ ಪ್ರಾಯೋಜಕತ್ವದ ಹಕ್ಕುಗಳನ್ನು ನೀಡಿದೆ.

ವೈವಿಧ್ಯಮಯ ಆಯಾಮಗಳೊಂದಿಗೆ ಭಾರತೀಯ ಸಂಘಟಿತ ಸಂಸ್ಥೆಯು BCCI ಜೊತೆಗಿನ ತನ್ನ ವ್ಯಾವಹಾರಿಕ ಸಂಬಂಧವನ್ನು ಮುಂದುವರಿಸಿದೆ. ಈ ಬಾರಿ ಟಾಟಾ ಗ್ರೂಪ್​ ಬರೋಬ್ಬರಿ 2500 ಕೋಟಿ ರೂ.ಗಳ ಬೆಲೆ ನೀಡಿ ಐಪಿಎಲ್​ ಶೀರ್ಷಿಕೆ ಪ್ರಾಯೋಜಕತ್ವದ ಹಕ್ಕು ಪಡೆದುಕೊಂಡಿದೆ. ಇದು ದಾಖಲೆಯ ಮೌಲ್ಯ ಎಂದು ಬಿಸಿಸಿಐ ಹೇಳಿದೆ. ಇದು ಲೀಗ್‌ನ ಇತಿಹಾಸದಲ್ಲಿ ಅತ್ಯಧಿಕ ಪ್ರಾಯೋಜಕತ್ವದ ಮೊತ್ತವಾಗಿದೆ.

TATA ಗ್ರೂಪ್ ಈ ಹಿಂದೆ 2022 ಮತ್ತು 2023 ರಲ್ಲಿ IPL ಗಾಗಿ ಶೀರ್ಷಿಕೆ ಪ್ರಾಯೋಜಕತ್ವದ ಹಕ್ಕುಗಳನ್ನು ಹೊಂದಿತ್ತು. ಮಹಿಳೆಯರ ಪ್ರೀಮಿಯರ್ ಲೀಗ್‌ನ ಶೀರ್ಷಿಕೆ ಪ್ರಾಯೋಜಕರಾಗಿದ್ದಾರೆ, ಇದು ವಿಶ್ವದ ಅತಿದೊಡ್ಡ ಮಹಿಳಾ T20 ಲೀಗ್ ಆಗಿದೆ.

‘‘ಐಪಿಎಲ್‌ನ ಶೀರ್ಷಿಕೆ ಪ್ರಾಯೋಜಕರಾಗಿ ಟಾಟಾ ಗ್ರೂಪ್‌ನೊಂದಿಗೆ ಪಾಲುದಾರಿಕೆಯನ್ನು ಘೋಷಿಸಲು ನಾವು ಹರ್ಷಿಸುತ್ತೇವೆ ಎಂದು BCCI ಯ ಕಾರ್ಯದರ್ಶಿ ಜಯ್ ಶಾ ಹೇಳಿದ್ದಾರೆ. ’’ಲೀಗ್ ಎಲ್ಲ ಗಡಿಗಳನ್ನು ಮೀರಿದೆ, ಕೌಶಲ್ಯ, ಉತ್ಸಾಹ ಮತ್ತು ಮನರಂಜನೆಗೆ ಸಾಟಿಯಿಲ್ಲದ ಮಿಶ್ರಣದಿಂದ ವಿಶ್ವದಾದ್ಯಂತ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಅದೇ ರೀತಿ, ಭಾರತದಲ್ಲಿ ಬೇರೂರಿರುವ ಟಾಟಾ ಗ್ರೂಪ್, ಶ್ರೇಷ್ಠತೆಯ ಸಂಕೇತವಾಗಿ ಹೊರಹೊಮ್ಮಿದೆ, ವಿವಿಧ ಜಾಗತಿಕ ವಲಯಗಳಲ್ಲಿ ತನ್ನ ಛಾಪನ್ನು ಮೂಡಿಸಿದೆ. ಈ ಸಹಯೋಗವು ಬೆಳವಣಿಗೆ, ನಾವೀನ್ಯತೆ ಮತ್ತು ಉತ್ಕೃಷ್ಟತೆಗೆ ಪರಸ್ಪರ ಸಮರ್ಪಣಾ ಮನೋಭಾವವನ್ನು ಒಳಗೊಂಡಿರುತ್ತದೆ. ಅಭೂತಪೂರ್ವ ಆರ್ಥಿಕ ಬದ್ಧತೆಯನ್ನೂ ಪ್ರತಿಬಿಂಬಿಸುತ್ತದೆ. ಅಂತಾರಾಷ್ಟ್ರೀಯ ಕ್ರೀಡಾ ವೇದಿಕೆಯ ಮೇಲೆ IPLನ ಅಪಾರ ಪ್ರಮಾಣದ ಮತ್ತು ಜಾಗತಿಕ ಪ್ರಭಾವ." ತೋರಿಸುತ್ತದೆ ಎಂದು ಜಯ ಶಾ ಇದೇ ವೇಳೆ ಬಣ್ಣಿಸಿದ್ದಾರೆ.

ಐಪಿಎಲ್‌ನ ಅಧ್ಯಕ್ಷ ಅರುಣ್ ಸಿಂಗ್ ಧುಮಾಲ್ ಮಾತನಾಡಿ, "ಐಪಿಎಲ್ 2024-28 ರ ಶೀರ್ಷಿಕೆ ಪ್ರಾಯೋಜಕತ್ವಕ್ಕಾಗಿ ಟಾಟಾ ಗ್ರೂಪ್‌ನ ಸಹಯೋಗವು ಐಪಿಎಲ್‌ನ ಪ್ರಯಾಣದಲ್ಲಿ ಮಹತ್ವದ ಮೈಲಿಗಲ್ಲಾಗಿದೆ. ಟಾಟಾ ಗ್ರೂಪ್ 2500 ಕೋಟಿ ರೂ. ದಾಖಲೆ ಬೆಲೆಗೆ ಶೀರ್ಷಿಕೆ ಪ್ರಾಯೋಜಕತ್ವ ಪಡೆದುಕೊಂಡಿದೆ. ಕ್ರೀಡಾ ಜಗತ್ತಿನಲ್ಲಿ ಐಪಿಎಲ್ ಹೊಂದಿರುವ ಅಪಾರ ಮೌಲ್ಯ ಮತ್ತು ಆಕರ್ಷಣೆ. ಈ ಅಭೂತಪೂರ್ವ ಮೊತ್ತದ ಬಿಡ್​ಗೆ ಸಾಕ್ಷಿಯಾಗಿದೆ. ಲೀಗ್‌ನ ಇತಿಹಾಸದಲ್ಲಿ ಇದು ಹೊಸ ಮಾನದಂಡವನ್ನು ಸೃಷ್ಟಿಸಿದೆ ಮಾತ್ರವಲ್ಲದೇ, ಜಾಗತಿಕ ಪ್ರಭಾವದೊಂದಿಗೆ ಐಪಿಎಲ್‌ನ ಸ್ಥಾನವನ್ನು ಪ್ರಮುಖ ಕ್ರೀಡಾಕೂಟವಾಗಿ ಪುನರುಚ್ಚರಿಸುತ್ತದೆ. ನಾವು ಒಟ್ಟಾಗಿ ಹೊಸ ಎತ್ತರವನ್ನು ಏರಲು ಮತ್ತು ಅಭಿಮಾನಿಗಳಿಗೆ ಸಾಟಿಯಿಲ್ಲದ ಕ್ರಿಕೆಟ್ ಮನರಂಜನೆ ಒದಗಿಸಲು ಎದುರು ನೋಡುತ್ತಿದ್ದೇವೆ." ಎಂದು ಹೇಳಿದ್ದಾರೆ (ANI)

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.