ಬೆಂಗಳೂರು : ಈ ವರ್ಷದ ಜುಲೈನಲ್ಲಿ ಪ್ರಾರಂಭವಾಗಲಿರುವ ಟೋಕಿಯೊ ಒಲಿಂಪಿಕ್ಸ್‌ಗೆ ತಂಡವು ಉತ್ತಮವಾಗಿ ಸಜ್ಜಾಗಿದೆ ಎಂದು ಭಾರತೀಯ ಪುರುಷರ ಹಾಕಿ ತಂಡದ ಆಟಗಾರ ಮನ್ದೀಪ್ ಸಿಂಗ್ ತಿಳಿಸಿದ್ದಾರೆ.
ಕಳೆದ ವರ್ಷ ಜುಲೈ - ಆಗಸ್ಟ್‌ನಲ್ಲಿ ನಡೆಯಬೇಕಿದ್ದ ಟೋಕಿಯೊ ಒಲಿಂಪಿಕ್ಸ್ ಅನ್ನು ಕೋವಿಡ್ -19 ಕಾರಣದಿಂದಾಗಿ 2021 ರ ಬೇಸಿಗೆಗೆ ಮುಂದೂಡಲಾಗಿದೆ. ಕಳೆದ ಮೂರು ವಾರಗಳಿಂದ ಬೆಂಗಳೂರಿನ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ (ಎಸ್‌ಎಐ) ಸಹಭಾಗಿತ್ವದಲ್ಲಿ ತರಬೇತಿ ಪಡೆಯುತ್ತಿರುವ ಸಂಭಾವ್ಯ ತಂಡದ ಆಟಗಾರರು, ಒಲಿಂಪಿಕ್ಸ್ನಲ್ಲಿ ಗೆಲ್ಲುವ ಏಕೈಕ ಗುರಿಯೊಂದಿಗೆ ಅಭ್ಯಾಸದಲ್ಲಿ ತೊಡಗಿದ್ದಾರೆ.
ಓದಿ : ಪಾಕ್ ವಿರುದ್ಧ ಟಿ-20 ಸರಣಿ: ಲಾಹೋರ್ಗೆ ಬಂದಿಳಿದ ದಕ್ಷಿಣ ಆಫ್ರಿಕಾ ತಂಡ!
"ರಾಷ್ಟ್ರೀಯ ಕೋಚಿಂಗ್ ಕ್ಯಾಂಪ್‌ನಲ್ಲಿನ ತರಬೇತಿ ಅವಧಿಯಲ್ಲಿ ನಾವು ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದೇವೆ. ಗುರಿಯಿಡಲು ನಮಗೆ ಸದ್ಯ ಪಂದ್ಯಾವಳಿ ಇಲ್ಲವಾದರೂ, ನಾವು ನಮ್ಮ ಉತ್ಸಾಹವನ್ನು ಕಡಿಮೆಗೊಳಿಸಿಲ್ಲ. ಪ್ರತಿ ತರಬೇತಿ ಅವಧಿಯಲ್ಲಿ ಶೇ. 100 ಶ್ರಮ ಹಾಕುತ್ತಿದ್ದೇವೆ" ಎಂದು ಭಾರತದ ಪರ 157 ಪಂದ್ಯಗಳನ್ನು ಆಡಿರುವ ಮನ್ದೀಪ್ ಹೇಳಿದ್ದಾರೆ.
