ವಿಶ್ವ ಟೆಸ್ಟ್​​ ಚಾಂಪಿಯನ್​ ಶಿಪ್​: ಐಪಿಎಲ್​ ಫಾರ್ಮ್​ನಿಂದಾಗಿ ಮತ್ತೆ ಟೆಸ್ಟ್​ನಲ್ಲಿ ಸ್ಥಾನ ಪಡೆದ ಸೂರ್ಯ ಕುಮಾರ್​ ಯಾದವ್​

ಐಪಿಎಲ್​ನಲ್ಲಿ ಫಾರ್ಮ್​ಗೆ ಮರಳಿರುವ ಸೂರ್ಯ ಕುಮಾರ್​ ಯಾದವ್​ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ನಂತರ ಮತ್ತೆ ಟೆಸ್ಟ್​ ತಂಡಕ್ಕೆ ಆಯ್ಕೆಯಾಗಿದ್ದಾರೆ.

ಲಂಡನ್‌ನ ಓವಲ್‌ನಲ್ಲಿ ಜೂನ್ 7 ರಿಂದ ಜೂನ್ 11 ರವರೆಗೆ (ಜೂನ್ 12 ಮೀಸಲು ದಿನ) ನಡೆಯಲಿರುವ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ಗಾಗಿ ಬಿಸಿಸಿಐ ನವೀಕರಿಸಿದ ತಂಡವನ್ನು ಪ್ರಕಟಿಸಿದೆ. ಕೆಎಲ್ ರಾಹುಲ್ ಅವರ ತೊಡೆಯ ಗಾಯದ ಕಾರಣ, ಅವರ ಸ್ಥಾನಕ್ಕೆ ಇಶಾನ್ ಕಿಶನ್ ಅವರನ್ನು ತಂಡದಲ್ಲಿ ನೇಮಿಸಲಾಗಿದೆ. ಕೆಎಸ್ ಭರತ್ ನಂತರದ ಎರಡನೇ ವಿಕೆಟ್ ಕೀಪರ್ ಆಗಿ ಕಿಶನ್ ಕಾರ್ಯನಿರ್ವಹಿಸಲಿದ್ದಾರೆ.

ಹೆಚ್ಚುವರಿಯಾಗಿ, ಬಿಸಿಸಿಐ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​​ ಫೈನಲ್‌ಗೆ ಮೂವರು ಸ್ಟ್ಯಾಂಡ್‌ಬೈ ಆಟಗಾರರನ್ನು ಹೆಸರಿಸಿದೆ, ಅವರೆಂದರೆ ಸೂರ್ಯಕುಮಾರ್ ಯಾದವ್, ಮುಖೇಶ್ ಕುಮಾರ್ ಮತ್ತು ರುತುರಾಜ್ ಗಾಯಕ್ವಾಡ್. ಗಾಯಗಳು ಅಥವಾ ಅಲಭ್ಯತೆಯ ಸಂದರ್ಭದಲ್ಲಿ ಈ ಆಟಗಾರರು ತಂಡವನ್ನು ಸೇರುತ್ತಾರೆ.

• NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023 " class="align-text-top noRightClick twitterSection" data="

  NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023

  ">

  NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023

ಸೂರ್ಯ ಕುಮಾರ್​ ಯಾದವ್: ಇದುವರೆಗಿನ ಅವರ ಟೆಸ್ಟ್ ವೃತ್ತಿಜೀವನದಲ್ಲಿ, ಸೂರ್ಯಕುಮಾರ್ ಯಾದವ್ ಕೇವಲ ಒಂದು ಟೆಸ್ಟ್ ಪಂದ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ, ಇದು ನಾಗ್ಪುರದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಬಾರ್ಡರ್ ಗವಾಸ್ಕರ್ ಟ್ರೋಫಿಯ ಸಂದರ್ಭದಲ್ಲಿ ಅವರ ಚೊಚ್ಚಲ ಪಂದ್ಯವಾಗಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ 8 ರನ್ ಗಳಿಸಿ ಯಾದವ್​ ವಿಕೆಟ್​ ಕೊಟ್ಟಿದ್ದರು. ನಂತರ ಆಸಿಸ್​ ವಿರುದ್ಧದ ಏಕದಿನ ಪಂದ್ಯದಲ್ಲಿ ಮೂರು ಬಾರಿ ಡಕ್​ ಆಗಿ ಟೀಕೆಗೆ ಗುರಿಯಾಗಿದ್ದರು. ಅವರು ಐಪಿಎಲ್​ 2023 ರಲ್ಲಿ ತಮ್ಮ ಫಾರ್ಮ್​ನ್ನು ಕಂಡುಕೊಂಡಿದ್ದಾರೆ. ಎರಡು 200+ ರನ್ ಚೇಸ್‌ಗಳಲ್ಲಿ ಸತತ ಎರಡು ಅರ್ಧಶತಕಗಳನ್ನು ಗಳಿಸಿ ಮತ್ತೆ ತಮ್ಮ ಆಕ್ರಮನಕಾರಿ ಬ್ಯಾಟಿಂಗ್​ ಮಾಡುತ್ತಿದ್ದಾರೆ.

ಮುಖೇಶ್ ಕುಮಾರ್: ಬಂಗಾಳದ ರಣಜಿ ಟ್ರೋಫಿ ಅಭಿಯಾನದ ಸಮಯದಲ್ಲಿ, ಮುಖೇಶ್ ಕುಮಾರ್ ಫೈನಲ್‌ಗೆ ಅವರ ಪ್ರಯಾಣದಲ್ಲಿ ಪ್ರಮುಖ ಪಾತ್ರ ವಹಿಸಿದರು. 29 ವರ್ಷ ವಯಸ್ಸಿನ ವೇಗಿ ಐದು ಪಂದ್ಯಗಳಲ್ಲಿ 22 ವಿಕೆಟ್‌ಗಳನ್ನು ಪಡೆದರು. ಇದರಲ್ಲಿ ವೈಯಕ್ತಿಕ ಅತ್ಯುತ್ತಮ 4/43 ಆಗಿತ್ತು. ಶೇಷ ಭಾರತಕ್ಕಾಗಿ ಇರಾನಿ ಕಪ್‌ನಲ್ಲಿ 2 ಇನ್ನಿಂಗ್ಸ್‌ಗಳಲ್ಲಿ 4 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಐಪಿಎಲ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ಗಾಗಿ ಆಡುತ್ತಿರುವ ಮುಕೇಶ್ 8 ಪಂದ್ಯಗಳಲ್ಲಿ ಯಾವುದೇ ಬೌಲಿಂಗ್​ ಮಾಡಿಲ್ಲವಾದರೂ, ದೇಶೀಯ ಕ್ರಿಕೆಟ್​ನ ಅಂಕಿಅಂಶ ಅವರನ್ನು ಡಬ್ಲ್ಯುಟಿಸಿ ಫೈನಲ್‌ಗೆ ಸೇರಿಸಿದೆ. ಘೋಷಿತ ತಂಡದ ಉನದ್ಕತ್ ಮತ್ತು ಉಮೇಶ್ ಯಾದವ್‌ ಗಾಯಕ್ಕೆ ತುತ್ತಾಗಿರುವುದರಿಂದ ಬ್ಯಾಕಪ್ ಆಗಿ ಮುಖೇಶ್​ ಸ್ಥಾನ ಪಡೆದುಕೊಂಡಿದ್ದಾರೆ.

ರುತುರಾಜ್ ಗಾಯಕ್ವಾಡ್​: ರುತುರಾಜ್ ಗಾಯಕ್ವಾಡ್ ಸ್ಟ್ಯಾಂಡ್‌ಬೈ ಪಟ್ಟಿಯಲ್ಲಿ ಸ್ಥಾನ ಪಡೆದ ಮತ್ತೊಬ್ಬ ಆಟಗಾರ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಅವರು 5 ಪಂದ್ಯಗಳಲ್ಲಿ 4 ಶತಕ ಸೇರಿದಂತೆ 660 ರನ್ ಗಳಿಸಿ ದಾಖಲೆ ಹೊಂದಿದ್ದಾರೆ. ಸಿಎಸ್‌ಕೆ ಪರ ಐಪಿಎಲ್‌ನಲ್ಲೂ ಉತ್ತಮ ಪ್ರದರ್ಶನ ನೀಡುತ್ತಿದ್ದು, 10 ಪಂದ್ಯಗಳಲ್ಲಿ 384 ರನ್ ಗಳಿಸಿದ್ದಾರೆ. 28 ಪ್ರಥಮ ದರ್ಜೆ ಪಂದ್ಯಗಳಲ್ಲಿ ಒಟ್ಟು 1941 ರನ್ ಮತ್ತು 72 ಪಂದ್ಯಗಳಲ್ಲಿ 4034 ರನ್ ಗಳಿಸಿದ್ದಾರೆ.

ಸ್ಟ್ಯಾಂಡ್‌ಬೈ ಆಟಗಾರರು: ರುತುರಾಜ್ ಗಾಯಕ್ವಾಡ್​, ಮುಖೇಶ್ ಕುಮಾರ್, ಸೂರ್ಯಕುಮಾರ್ ಯಾದವ್.

ಡಬ್ಲ್ಯೂಟಿಸಿ ಫೈನಲ್‌ಗೆ ಭಾರತ ತಂಡ: ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ್ ಪೂಜಾರ, ವಿರಾಟ್ ಕೊಹ್ಲಿ, ಅಜಿಂಕ್ಯ ರಹಾನೆ, ಕೆಎಸ್ ಭರತ್ (ವಿಕೆಟ್​ ಕೀಪರ್​), ರವಿಚಂದ್ರನ್ ಅಶ್ವಿನ್, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಶಾರ್ದೂಲ್ ಠಾಕೂರ್, ಮೊಹಮ್ಮದ್. ಶಮಿ, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್, ಜಯದೇವ್ ಉನದ್ಕತ್, ಇಶಾನ್ ಕಿಶನ್ (ವಿಕೆಟ್​ ಕೀಪರ್​).

ಇದನ್ನೂ ಓದಿ:ಎರಡೇ ದಿನ ಏಕದಿನ ರ್‍ಯಾಂಕಿಂಗ್​ನ ಅಗ್ರಸ್ಥಾನದಲ್ಲಿ ಉಳಿದ ಪಾಕ್​: ಕೊನೆ ಪಂದ್ಯದಲ್ಲಿ ಕಿವೀಸ್​ ಎದುರು ಸೋತ ಬಾಬರ್ ಪಡೆ