ಹೈದರಾಬಾದ್: ಇಂಗ್ಲೆಂಡ್ ಪ್ರವಾಸದಲ್ಲಿರುವ ಭಾರತ ಇದೀಗ ಆಂಗ್ಲರ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಭಾಗಿಯಾಗಲಿದ್ದು, ಈ ಮೂಲಕ ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ 2021 - 23ಕ್ಕೆ ಚಾಲನೆ ಸಿಗಲಿದೆ. ಮುಂದಿನ ತಿಂಗಳಿಂದ ಐದು ಪಂದ್ಯಗಳ ಟೆಸ್ಟ್ ಸರಣಿ ಆರಂಭಗೊಳ್ಳುತ್ತಿದ್ದು, ಈ ಮೂಲಕ ಕೊಹ್ಲಿ ಪಡೆ ಮತ್ತೊಮ್ಮೆ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ಗೆ ಅಣಿಯಾಗಲಿದೆ.
ಟೆಸ್ಟ್ ಪಂದ್ಯದಲ್ಲಿ ಗೆಲ್ಲುವ ತಂಡ 12 ಪಾಯಿಂಟ್ ಗಳಿಕೆ ಮಾಡಲಿದ್ದು, ಟೈ ಆದರೆ, 6 ಅಂಕ ಹಾಗೂ ಡ್ರಾಗೊಂಡರೆ 4 ಅಂಕ ಪಡೆದುಕೊಳ್ಳಲಿವೆ. ಮುಂದಿನ ದಿನಗಳಲ್ಲಿ ಇಂಗ್ಲೆಂಡ್ 21 ಟೆಸ್ಟ್, ಭಾರತ 19, ಆಸ್ಟ್ರೇಲಿಯಾ 18, ದಕ್ಷಿಣ ಆಪ್ರಿಕಾ 15 ಟೆಸ್ಟ್ ಪಂದ್ಯಗಳನ್ನಾಡಲಿದ್ದು, ನ್ಯೂಜಿಲ್ಯಾಂಡ್ ಕೇವಲ 13 ಟೆಸ್ಟ್ ಪಂದ್ಯಗಳಲ್ಲಿ ಭಾಗಿಯಾಗಲಿದೆ. ಉಳಿದಂತೆ ವೆಸ್ಟ್ ಇಂಡೀಸ್, ಶ್ರೀಲಂಕಾ ಹಾಗೂ ಪಾಕಿಸ್ತಾನ 14 ಪಂದ್ಯಗಳನ್ನಾಡಲಿದೆ. ಈ ಹಿಂದಿನ ಟೆಸ್ಟ್ ಚಾಂಪಿಯನ್ಶಿಪ್ಗೋಸ್ಕರ ನಡೆಯುವ ಟೆಸ್ಟ್ ಸರಣಿಗೋಸ್ಕರ ಐಸಿಸಿ 120 ಅಂಕ ನಿಗದಿಪಡಿಸಿತ್ತು. ಆದರೆ, ಇದೀಗ ಅದರಲ್ಲಿ ಬದಲಾವಣೆ ಮಾಡಿದೆ.
ಮುಂದಿನ ವರ್ಷ ಆಸ್ಟ್ರೇಲಿಯಾ ಪ್ರವಾಸ ಕೈಗೊಳ್ಳಲಿರುವ ಟೀಂ ಇಂಡಿಯಾ ನಾಲ್ಕು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ಭಾಗಿಯಾಗಲಿದೆ. 9 ತಂಡಗಳು ಒಟ್ಟು ಆರು ಟೆಸ್ಟ್ ಸರಣಿ ಆಡಲಿದ್ದು, ಮೂರು ತವರಿನಲ್ಲಿ ಹಾಗೂ ಇತರ ಮೂರು ಸರಣಿ ವಿದೇಶದಲ್ಲಿ ನಡೆಯಲಿವೆ.
ಇದನ್ನೂ ಓದಿರಿ: ಲವರ್ ಮೇಲಿನ ಸಿಟ್ಟು: ಕುಟುಂಬದ ಐವರ ಕೊಲೆ ಮಾಡಿ ಹೂತು ಹಾಕಿದ್ದ ವ್ಯಕ್ತಿ!
ಕಳೆದ ಕೆಲ ದಿನಗಳ ಹಿಂದೆ ನಡೆದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಭಾರತ, ನ್ಯೂಜಿಲ್ಯಾಂಡ್ ವಿರುದ್ಧ 8 ವಿಕೆಟ್ಗಳ ಸೋಲು ಕಂಡಿದೆ. ಇದರ ಜೊತೆಗೆ ಕಿವೀಸ್ ಪಡೆ ಚೊಚ್ಚಲ ಚಾಂಪಿಯನ್ಪಟ್ಟ ಅಲಂಕಾರ ಮಾಡಿದೆ.
