ನೆದರ್ಲೆಂಡ್​ ವಿರುದ್ಧ ವಾರ್ನರ್​ ಶತಕ: ಸಚಿನ್​ ತೆಂಡೂಲ್ಕರ್​ ದಾಖಲೆ ಸರಿಗಟ್ಟಿದ ಡೇವಿಡ್

ದೆಹಲಿಯ ಅರುಣ್​ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ನೆದರ್ಲೆಂಡ್​ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ವಾರ್ನರ್​ ಶತಕ ಗಳಿಸಿ ಸಚಿನ್​ ದಾಖಲೆ ಸಮ ಮಾಡಿದ್ದಾರೆ.

ನವದೆಹಲಿ: ಆಸ್ಟ್ರೇಲಿಯಾದ ಅನುಭವಿ ಸ್ಟಾರ್​ ಬ್ಯಾಟರ್​​ ಡೇವಿಡ್ ವಾರ್ನರ್ ನೆದರ್ಲೆಂಡ್ಸ್ ವಿರುದ್ಧದ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ ಅವರ ಆರು ವಿಶ್ವಕಪ್ ಶತಕಗಳ ದಾಖಲೆಯನ್ನು ಸರಿಗಟ್ಟಿ ಇತಿಹಾಸ ಬರೆದಿದ್ದಾರೆ. ಅಲ್ಲದೆ, ವಿಶ್ವಕಪ್‌ನ ಇತಿಹಾಸದಲ್ಲಿ ಅತಿ ಹೆಚ್ಚು ಶತಕಗಳನ್ನು ಗಳಿಸಿದ ಬ್ಯಾಟರ್‌ಗಳ ಪಟ್ಟಿಯಲ್ಲಿ ತೆಂಡೂಲ್ಕರ್ ಜೊತೆಗೆ ಎರಡನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ.

ವಿಶ್ವಕಪ್​ನಲ್ಲಿ ಫಾರ್ಮ್​ಗೆ ಮರಳಿರುವ ವಾರ್ನರ್​ ಆಸಿಸ್​ ಪರ ಸತತ ಉತ್ತಮ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. 5 ಇನ್ನಿಂಗ್ಸ್​ನಲ್ಲಿ ಒಂದು ಅರ್ಧಶತಕ ಮತ್ತು 2 ಶತಕದ ಇನ್ನಿಂಗ್ಸ್​ ಆಡಿರುವ ಅವರು ಆಸ್ಟ್ರೇಲಿಯಾ ಪರ ನಡೆಯುತ್ತಿರುವ ವಿಶ್ವಕಪ್​​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಆಟಗಾರ ಆಗಿದ್ದಾರೆ.

• Most World Cup centuries (innings):
  
  Rohit - 7 (22).
  Warner - 6 (23)*.
  Sachin - 6 (44). pic.twitter.com/xvByQodLdx

  — Mufaddal Vohra (@mufaddal_vohra) October 25, 2023 " class="align-text-top noRightClick twitterSection" data="

  Most World Cup centuries (innings):
  
  Rohit - 7 (22).
  Warner - 6 (23)*.
  Sachin - 6 (44). pic.twitter.com/xvByQodLdx

  — Mufaddal Vohra (@mufaddal_vohra) October 25, 2023

  ">

  Most World Cup centuries (innings):
  
  Rohit - 7 (22).
  Warner - 6 (23)*.
  Sachin - 6 (44). pic.twitter.com/xvByQodLdx

  — Mufaddal Vohra (@mufaddal_vohra) October 25, 2023

ರೋಹಿತ್ ಶರ್ಮಾ 22 ಇನ್ನಿಂಗ್ಸ್‌ಗಳಲ್ಲಿ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ಶತಕಗಳೊಂದಿಗೆ (7) ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಡಚ್​​ ತಂಡದ ವಿರುದ್ಧ ಆರಂಭದಿಂದಲೇ ಪರಿಣಾಮಕಾರಿ ಬ್ಯಾಟಿಂಗ್​ ಮಾಡಿದ ವಾರ್ನರ್​ 11 ಬೌಂಡರಿಗಳು ಮತ್ತು ಮೂರು ಸಿಕ್ಸ್​ ಗಳಿಂದ 104 ರನ್ ಗಳಿಸಿದರು. ಇದರಿಂದ ವಿಶ್ವಕಪ್​ನಲ್ಲಿ 6ನೇ ಶತಕವನ್ನು ದಾಖಲಿಸಿ, ಸಚಿನ್​ ತೆಂಡೂಲ್ಕರ್​ ದಾಖಲೆಯನ್ನು ಸರಿಗಟ್ಟಿದರು. ನಂತರದ ಸ್ಥಾನದಲ್ಲಿ ರಿಕ್ಕಿ ಪಾಂಟಿಂಗ್​ ಮತ್ತು ಕುಮಾರ್​ ಸಂಗಾಕಾರ (5) ಇದ್ದಾರೆ.

ನೆದರ್ಲೆಂಡ್​ ವಿರುದ್ಧ ವಾರ್ನರ್​ ಅವರ ಏಕದಿನ ಕ್ರಿಕೆಟ್​​ನ 22ನೇ ಶತಕವಾಗಿದೆ. ಕಡಿಮೆ ಇನ್ನಿಂಗ್ಸ್​ನಿಂದ 22 ಶತಕ ಗಳಿಸಿದ ದಾಖಲೆಯನ್ನೂ ಈ ವೇಳೆ ವಾರ್ನರ್​ ಮಾಡಿದರು. 126 ಇನ್ನಿಂಗ್ಸ್​ನಿಂದ ಆಶೀಮ್​ ಹಾಮ್ಲಾ, 143 ಇನ್ನಿಂಗ್ಸ್​ನಿಂದ ವಿರಾಟ್​ ಕೊಹ್ಲಿ ಮೊದಲೆರಡು ಸ್ಥಾನದಲ್ಲಿದ್ದರೆ, ಡೇವಿಡ್​ ವಾರ್ನರ್​ 153 ಇನ್ನಿಂಗ್ಸ್​ನಿಂದ 3ನೇ ಆಟಗಾರ ಆಗಿದ್ದಾರೆ.

• The iconic David Warner jump.
  Pushpa celebration.
  
  - David Warner is a complete package!pic.twitter.com/mIA4JCMnaK

  — Mufaddal Vohra (@mufaddal_vohra) October 25, 2023 " class="align-text-top noRightClick twitterSection" data="

  The iconic David Warner jump.
  Pushpa celebration.
  
  - David Warner is a complete package!pic.twitter.com/mIA4JCMnaK

  — Mufaddal Vohra (@mufaddal_vohra) October 25, 2023

  ">

  The iconic David Warner jump.
  Pushpa celebration.
  
  - David Warner is a complete package!pic.twitter.com/mIA4JCMnaK

  — Mufaddal Vohra (@mufaddal_vohra) October 25, 2023

ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಫಾರ್ಮ್​ನಲ್ಲಿರುವ ಡೇವಿಡ್​ ಮಾರ್ನರ್​ ಸತತ ಎರಡು ಶತಕಗಳನ್ನು ಗಳಿಸಿದರು. ಕಳೆದ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ 163 ರನ್​ನ ಇನ್ನಿಂಗ್ಸ್​ ಕಟ್ಟಿದರೆ, ಇಂದು 104 ರನ್​ ಗಳಿಸಿದ್ದಾರೆ. ಈ ಮೂಲಕ ಆಸ್ಟ್ರೇಲಿಯಾದ ದಿಗ್ಗಜ ಆಟಗಾರರಾದ ಮಾರ್ಕ್ ವಾ, ರಿಕ್ಕಿ ಪಾಂಟಿಂಗ್​, ಮ್ಯಾಥ್ಯು ಹೆಡೆನ್​ ಅವರ ಪಟ್ಟಿಗೆ ಸೇರಿದರು. ಈ ಎಲ್ಲಾ ಆಟಗಾರರು ವಿಶ್ವಕಪ್​ನಲ್ಲಿ ಸತತ ಎರಡು ಶತಕ ದಾಖಲಿಸಿದ್ದರು. 2023ರಲ್ಲಿ ವಾರ್ನರ್ ಅದ್ಭುತ ಫಾರ್ಮ್​ನಲ್ಲಿದ್ದಾರೆ. ಅವರು 14 ಏಕದಿನ ಇನ್ನಿಂಗ್ಸ್‌ಗಳಲ್ಲಿ 51.57 ಸರಾಸರಿ ಮತ್ತು 114.78 ಸ್ಟ್ರೈಕ್ ರೇಟ್‌ನೊಂದಿಗೆ 722 ರನ್ ಗಳಿಸಿದ್ದಾರೆ.

ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಆಸ್ಟ್ರೇಲಿಯಾ ತಂಡ ಮೊದಲೆರಡು ಪಂದ್ಯಗಳಲ್ಲಿ ಸೋಲು ಕಂಡಿತು. ನಂತರ ಫಾರ್ಮ್​ಗೆ ಮರಳಿದ ಆಟಗಾರರು ತಂಡವನ್ನು ಗೆಲುವಿನ ಟ್ರ್ಯಾಕ್​ಗೆ​ ತಂದರು. ನಂತರದ ಶ್ರೀಲಂಕಾ ಮತ್ತು ಪಾಕಿಸ್ತಾನದ ಮೇಲೆ ಜಯ ದಾಖಲಿಸಿರುವ ಆಸ್ಟ್ರೇಲಿಯಾ ನೆದರ್ಲೆಂಡ್​ ವಿರುದ್ಧವೂ ಜಯವನ್ನು ಮುಂದುವರೆಸುವ ಚಿಂತನೆಯಲ್ಲಿದೆ.

ಇದನ್ನೂ ಓದಿ: ಶ್ರೇಷ್ಠತೆ ಎಂಬುದಿಲ್ಲ, ಉತ್ತಮವಾಗಿ ಕಾರ್ಯನಿರ್ವಹಿಸುವುದು ಗುರಿ ಆಗಿರಬೇಕು: ವಿರಾಟ್​​ ಕೊಹ್ಲಿ