ಗಯಾನಾ (ವೆಸ್ಟ್ ಇಂಡೀಸ್): ಭಾರತದ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಅಬ್ಬರದ ಅರ್ಧಶತಕ ಸಿಡಿಸಿ ತಂಡದ ಗೆಲುವಿನ ರೂವಾರಿಯಾದ ನಿಕೋಲಸ್ ಪೂರನ್ ಅವರಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್‌ (ಐಸಿಸಿ) ನೀತಿ ಸಂಹಿತೆ ಉಲ್ಲಂಘನೆಗಾಗಿ ದಂಡ ವಿಧಿಸಲಾಗಿದೆ. ವಿಕೆಟ್ ಕೀಪರ್ ಕೂಡಾ ಆಗಿರುವ ಪೂರನ್, ಪಂದ್ಯದಲ್ಲಿ 1ನೇ ಹಂತದ ಐಸಿಸಿ ನೀತಿ ಸಂಹಿತೆ ಉಲ್ಲಂಘಿಸಿದ್ದು, ಪಂದ್ಯದ ಸಂಭಾವನೆಯ ಶೇಕಡಾ 15ರಷ್ಟು ದಂಡ ಪಾವತಿಸಬೇಕಿದೆ.
ಅಂಪೈರ್ ನೀಡಿದ ತೀರ್ಪು ಟೀಕಿಸಿದ್ದಕ್ಕಾಗಿ ದಂಡದ ಮೂಲಕ ಬಿಸಿ ಮುಟ್ಟಿಸಲಾಗಿದೆ ಎಂದು ಐಸಿಸಿ ತಿಳಿಸಿದೆ. ಭಾರತದ ಇನ್ನಿಂಗ್ಸ್‌ನ 4ನೇ ಓವರ್‌ನಲ್ಲಿ ಎಲ್‌ಬಿಡಬ್ಲ್ಯೂ ನಿರ್ಧಾರವನ್ನು ಪರಿಶೀಲಿಸಲಾಗಿತ್ತು. ಆಗ ನಾಟೌಟ್ ನಿರ್ಧಾರ ಹೊರಬಿತ್ತು. ಇದನ್ನು ಆಟಗಾರರ ನಡುವೆ ವಿಮರ್ಶೆ ಮಾಡಿಕೊಳ್ಳುವಾಗ ಅಂಪೈರ್ ನಡೆಗೆ ಪೂರನ್ ಅಸಮಾಧಾನ ವ್ಯಕ್ತಪಡಿಸಿದ್ದರು. ಪೂರನ್ ಮತ್ತು ಆಟಗಾರರ ಬೆಂಬಲ ಸಿಬ್ಬಂದಿ ನೀತಿ ಸಂಹಿತೆಯ ಆರ್ಟಿಕಲ್ 2.7 ಅನ್ನು ಉಲ್ಲಂಘಿಸಿದೆ ಎಂದು ಐಸಿಸಿ ಹೇಳಿದೆ.
-
West Indies batter has been penalized for flouting ICC Code of Coduct during the second T20I against India 👀
— ICC (@ICC) August 7, 2023 " class="align-text-top noRightClick twitterSection" data="
Details 👇https://t.co/K2BzL2lIZA
">West Indies batter has been penalized for flouting ICC Code of Coduct during the second T20I against India 👀
— ICC (@ICC) August 7, 2023
Details 👇https://t.co/K2BzL2lIZAWest Indies batter has been penalized for flouting ICC Code of Coduct during the second T20I against India 👀
— ICC (@ICC) August 7, 2023
Details 👇https://t.co/K2BzL2lIZA
ಪೂರನ್ ಅಪರಾಧ ಒಪ್ಪಿಕೊಂಡ ನಂತರ ಆನ್‌ಫೀಲ್ಡ್ ಅಂಪೈರ್‌ಗಳಾದ ಲೆಸ್ಲಿ ರೀಫರ್ ಮತ್ತು ನಿಗೆಲ್ ಡುಗಿಡ್, ಮೂರನೇ ಅಂಪೈರ್ ಗ್ರೆಗೊರಿ ಬ್ರಾಥ್‌ವೈಟ್ ಮತ್ತು ನಾಲ್ಕನೇ ಅಧಿಕೃತ ಪ್ಯಾಟ್ರಿಕ್ ಗುಸ್ಟರ್ಡ್ ಹಾಗೂ ಮ್ಯಾಚ್ ರೆಫರಿ ರಿಚಿ ರಿಚರ್ಡ್‌ಸನ್ ಪ್ರಸ್ತಾಪಿಸಿದ ನಿರ್ಬಂಧಗಳನ್ನು ಒಪ್ಪಿಕೊಂಡು ಔಪಚಾರಿಕ ವಿಚಾರಣೆ ಇಲ್ಲದೇ ಜುಲ್ಮಾನೆ ಹೇರಲಾಗಿದೆ. ಇದು ಕಳೆದ 24 ತಿಂಗಳ ಮೊದಲ ಅಪರಾಧವಾಗಿದ್ದು, ಪೂರನ್ ಅವರ ಶಿಸ್ತಿನ ದಾಖಲೆಗೆ ಒಂದು ಡಿಮೆರಿಟ್ ಪಾಯಿಂಟ್ ಸೇರಿಕೊಂಡಿದೆ.
ಗಯಾನಾದಲ್ಲಿ ನಡೆದ ಎರಡನೇ ಟಿ20ಯಲ್ಲಿ ಭಾರತ ನೀಡಿದ್ದ 153 ರನ್ಗಳ ಗುರಿ ಚೇಸ್ ಮಾಡುವಾಗ ವೆಸ್ಟ್ ಇಂಡೀಸ್ ಆರಂಭಿಕ ಆಘಾತ ಅನುಭವಿಸಿತ್ತು. ಮೊದಲೆರಡು ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಪೂರನ್ ಬ್ಯಾಟಿಂಗ್ ಆಸರೆಯಾಯಿತು. ಉತ್ತಮ ಲಯದಲ್ಲಿರುವ ಪೂರನ್ ಕ್ರೀಸ್‌ಗೆ ಬಂದೊಡನೆ ಅಬ್ಬರಿಸಲಾರಂಭಿಸಿದರು. 40 ಎಸೆತಗಳನ್ನು ಎದುರಿಸಿದ ಅವರು 4 ಸಿಕ್ಸ್ ಮತ್ತು 6 ಬೌಂಡರಿಯಿಂದ 67 ರನ್ ಕಲೆ ಹಾಕಿದ್ದರು. ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಕೊನೆಯಲ್ಲಿ ವಿಕೆಟ್ಗಳು ಉರುಳಿದರೂ ವೆಸ್ಟ್ ಇಂಡೀಸ್‌ನ ಒಂಬತ್ತನೇ ವಿಕೆಟ್‌ಗೆ ಅಲ್ಜಾರಿ ಜೋಸೆಫ್ ಮತ್ತು ಅಕೇಲ್ ಹೊಸೈನ್ ತಂಡವನ್ನು ಗೆಲುವಿನ ದಡ ಮುಟ್ಟಿಸಿದರು.
ಇಂದು ಭಾರತಕ್ಕೆ ನಿರ್ಣಾಯಕ ಪಂದ್ಯ: ಇದೇ ಪಿಚ್ನಲ್ಲಿ ಭಾರತ ಇಂದು ವಿಂಡೀಸ್ ವಿರುದ್ಧ ಟಿ20 ಸರಣಿಯ ಮೂರನೇ ಪಂದ್ಯಾಡಲಿದೆ. ಪೂರನ್ ಒಂದು ಮತ್ತು ಎರಡನೇ ಪಂದ್ಯದಲ್ಲಿ ಕ್ರಮವಾಗಿ 41 ಮತ್ತು 67 ರನ್ ಸಂಪಾದಿಸಿದ್ದಾರೆ. ಇಂದಿನ ಪಂದ್ಯದಲ್ಲೂ ಪೂರನ್ ಅಬ್ಬರಿಸಿದಲ್ಲಿ ಭಾರತಕ್ಕೆ ಸಂಕಷ್ಟ ಎದುರಾಗಬಹುದು. ಭಾರತದ ಬೌಲರ್ಗಳು ಪೂರನ್‌ರನ್ನು ಕಟ್ಟಿಹಾಕಲು ರಣತಂತ್ರ ಹೆಣೆಯಬೇಕಿದೆ. ಸರಣಿ ಉಳಿಸಿಕೊಳ್ಳಲು ಭಾರತಕ್ಕಿದು ನಿರ್ಣಾಯಕ ಪಂದ್ಯವೂ ಹೌದು.
ಇದನ್ನೂ ಓದಿ: IND vs WI, 3rd T20: 3 ಪಂದ್ಯದಲ್ಲಿ ಹಾರ್ದಿಕ್ ಪಡೆಗೆ ಗೆಲುವು ಅನಿವಾರ್ಯ; ನಿರ್ಣಾಯಕ ಕದನದಲ್ಲಿ ಮಿಂಚುವರೇ IPL ಸ್ಟಾರ್ಸ್?
