ಮೆಲ್ಬೋರ್ನ್: ಆಸ್ಟ್ರೇಲಿಯಾದಲ್ಲಿ ಅಕ್ಟೋಬರ್ನಲ್ಲಿ ನಡೆಯಲಿರುವ ಟಿ-20 ವಿಶ್ವಕಪ್ನ ಲೀಗ್ ಹಂತ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದ ಟಿಕೆಟ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಮಾರಾಟಗೊಂಡಿವೆ. ಸಂಪ್ರಾದಾಯ ಎದುರಾಳಿಗಳ ನಡುವಿನ ಪಂದ್ಯ ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ ಅಕ್ಟೋಬರ್ 23ರಂದು ನಡೆಯಲಿದೆ.
ಎಂಸಿಜಿ ವಿಶ್ವದ ಅತ್ಯಂತ ದೊಡ್ಡ ಮೈದಾನದಲ್ಲಿ ಒಂದಾಗಿದ್ದು, ಇಲ್ಲಿ ಒಂದು ಲಕ್ಷ ಮಂದಿ ಕುಳಿತು ಪಂದ್ಯ ವೀಕ್ಷಿಸಬಹುದಾಗಿದೆ. ಹಾಗಾಗಿ ಟಿಕೆಟ್ಗಳೆಲ್ಲಾ ಈಗಲೇ ಮಾರಾಟವಾಗಿರುವುದರಿಂದ ಪಂದ್ಯ ಸಾಕಷ್ಟು ರೋಚಕತೆಯನ್ನುಂಟು ಮಾಡಲಿದೆ.
ಐಸಿಸಿ ಸೋಮವಾರ 6:30ರಿಂದ ರಾತ್ರಿ 11:30ರವರೆಗೆ ಟಿಕೆಟ್ ಮಾರಾಟಕ್ಕೆ ಅವಕಾಶ ಕಲ್ಪಿಸಿತ್ತು. ಆದರೆ, ಟಿಕೆಟ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಪೂರ್ಣ ಟಿಕೆಟ್ ಬಿಕರಿಯಾಗಿದೆ. ಇಂಡೋ - ಪಾಕ್ ಪಂದ್ಯಕ್ಕೆ ಸುಮಾರು 60 ಸಾವಿರ ಟಿಕೆಟ್ಗಳ ಬುಕ್ಕಿಂಗ್ಗೆ ಐಸಿಸಿ ಅವಕಾಶ ಕಲ್ಪಿಸಿತ್ತು ಎಂದು ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ ವರದಿ ಮಾಡಿದೆ.
ವಿಶ್ವಕಪ್ ಮೊದಲ ಸುತ್ತು ಮತ್ತು ಸೂಪರ್ 12 ಪಂದ್ಯಗಳಿಗೆ ಮಕ್ಕಳಿಗೆ 5 ಡಾಲರ್, ವಯಸ್ಕರಿಗೆ 20 ಡಾಲರ್ಗಳನ್ನು ನಿಗಧಿ ಮಾಡಲಾಗಿದೆ. ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯಾ ಪುರುಷರ ಟಿ-20 ವಿಶ್ವಕಪ್ಗೆ ಆತಿಥ್ಯವಹಿಸುತ್ತಿದ್ದು, ಪಂದ್ಯಗಳು ಅಡಿಲೇಡ್, ಬ್ರಿಸ್ಬೇನ್, ಗ್ಲೀಲಾಂಗ್,ಹೋಬರ್ಟ್, ಮೆಲ್ಬೋರ್ನ್, ಪರ್ತ್ ಮತ್ತು ಸಿಡ್ನಿಯಲ್ಲಿ ನಡೆಯಲಿವೆ.
ಇದನ್ನೂ ಓದಿ:ವಿಂಡೀಸ್ ವಿರುದ್ಧ ಭಾರತಕ್ಕೆ 6 ವಿಕೆಟ್ಗಳ ಜಯ : ಗೆಲುವಿನೊಂದಿಗೆ ರೋಹಿತ್ ಯುಗ ಆರಂಭ
