ಲಂಡನ್: ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ ನಡೆಯುವ ಸೌತಾಂಪ್ಟನ್ನ ಪಿಚ್ ವೇಗ ಮತ್ತು ಸ್ವಿಂಗ್ಗೆ ನೆರವಾದರೆ ಕೊಹ್ಲಿ ಸೇರಿದಂತೆ ಭಾರತೀಯ ಬ್ಯಾಟ್ಸ್ಮನ್ಗಳು ಪರದಾಡಲಿದ್ದಾರೆ ಎಂದು ನ್ಯೂಜಿಲ್ಯಾಂಡ್ ತಂಡದ ಮಾಜಿ ನಾಯಕ ಗ್ಲೇನ್ ಟರ್ನರ್ ಅಭಿಪ್ರಾಯ ಪಟ್ಟಿದ್ದಾರೆ.
ಭಾರತ ತಂಡ ಸೌತಾಂಪ್ಟನ್ನ ಏಜಿಯಸ್ ಬೌಲ್ನಲ್ಲಿ ನಡೆಯಲಿರುವ ಫೈನಲ್ ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಕಿವೀಸ್ ತಂಡವನ್ನು ಎದರಿಸಲಿದೆ. ಇತ್ತೀಚೆಗೆ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ತಂಡದ ವಿರುದ್ಧ ಟೆಸ್ಟ್ ಸರಣಿ ಗೆದ್ದಿರುವ ಭಾರತ ತಂಡ ಚಾಂಪಿಯನ್ ಅಗುವ ನೆಚ್ಚಿನ ತಂಡ ಎನ್ನಲಾಗುತ್ತಿದೆಯಾದರೂ, ಕಳೆದ 2020ರಲ್ಲಿ ಭಾರತವನ್ನು 2-0ಯಲ್ಲಿ ಮಣಿಸಿರುವುದರಿಂದ ಇಲ್ಲೂ ಅದೇ ವಿಲಿಯಮ್ಸನ್ ಬಳಗ ಮತ್ತೊಮ್ಮೆ ಮೇಲುಗೈ ಸಾಧಿಸಬಹುದು ಎಂದು ಕಿವೀಸ್ ನಾಯಕ ಟರ್ನರ್ ಅಭಿಪ್ರಾಯಪಟ್ಟಿದ್ದಾರೆ.
"ಕೊಹ್ಲಿ ಸಾಮರ್ಥ್ಯ ಕುಸಿಯುತ್ತಿದೆ ಎಂಬದನ್ನು ನಾನು ಊಹಿಸಲೂ ಬಯಸುವುದಿಲ್ಲ, ಆದರೆ, ಪಿಚ್ ಮತ್ತು ಪರಿಸ್ಥಿತಿ ಸೀಮ್ ಮತ್ತು ಸ್ವಿಂಗ್ಗೆ ನೆರವು ನೀಡಿದರೆ, ಅವರೂ(ಕೊಹ್ಲಿ) ಕೂಡ ಇತರ ಬ್ಯಾಟ್ಸ್ಮನ್ಗಳಂತೆ ನ್ಯೂಜಿಲ್ಯಾಂಡ್ನಂತೆ ಇಲ್ಲೂ ಪರದಾಡಲಿದ್ದಾರೆ. ಏಕೆಂದರೆ ಇಂಗ್ಲೆಂಡ್ ಕಂಡೀಷನ್ ಹೆಚ್ಚು ಕಡಿಮೆ ನ್ಯೂಜಿಲ್ಯಾಂಡ್ನಂತೆಯೇ ಇದೆ " ಎಂದು ಟರ್ನರ್ ತಿಳಿಸಿದ್ದಾರೆ.
2020 ರ ಕಿವೀಸ್ ಪ್ರವಾಸದಲ್ಲಿ ವಿಶ್ವದ ನಂಬರ್ 1 ತಂಡವಾಗಿದ್ದ ಭಾರತ ತಂಡ ಕೇವಲ ಒಮ್ಮೆ ಮಾತ್ರ 200ರ ಗಡಿ ದಾಟಲು ಯಶಸ್ವಿಯಾಗಿತ್ತು. ಕೊಹ್ಲಿ 4 ಇನ್ನಿಂಗ್ಸ್ಗಳಲ್ಲಿ ಕೇವಲ 41 ರನ್ಗಳಿಸಿದ್ದರು. ಕೈಲ್ ಜೆಮೀಸನ್ , ಟಿಮ್ ಸೌತಿ ಮತ್ತು ಟ್ರೆಂಟ್ ಬೌಲ್ಟ್ ಭಾರತೀಯ ಬ್ಯಾಟ್ಸ್ಮನ್ಗಳನ್ನು ಕಾಡಿದ್ದರು. ಇದೀಗ WTC ಫೈನಲ್ ಪಂದ್ಯದಲ್ಲೂ ಅವರು ಆಡಲಿದ್ದಾರೆ.
ಇದನ್ನು ಓದಿ: ಕೊಹ್ಲಿ ಜೊತೆಗೆ WTC ಟಾಸ್ಗಾಗಿ ಹೆಜ್ಜೆ ಹಾಕುವುದು ಹರ್ಷದಾಯಕ ವಿಚಾರ: ವಿಲಿಯಮ್ಸನ್
