ಲೀಡ್ಸ್: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯಲ್ಲಿ ಭಾರತ ತಂಡದ ಜರ್ಸಿ ತೊಟ್ಟು ಪದೇ ಪದೇ ಮೈದಾನಕ್ಕೆ ಪ್ರವೇಶಿಸಿ ಕ್ರಿಕೆಟಿಗರಿಗೆ ಮುಜುಗರ ಉಂಟು ಮಾಡುತ್ತಿದ್ದ ಇಂಗ್ಲೆಂಡ್ ಯೂಟ್ಯೂಬರ್ ಡೇನಿಯಲ್ ಜಾರ್ವಿಸ್ ಅಲಿಯಾಸ್ ಜಾರ್ವೋ69 ಅವರನ್ನು ಭದ್ರತಾ ನಿಯಮವನ್ನು ಉಲ್ಲಂಘಿಸಿದ ಆರೋಪದ ಮೇಲೆ ಕ್ರೀಡಾಂಗಣದಿಂದ ಜೀವನ ಪರ್ಯಂತ ನಿಷೇಧವೇರಲಾಗಿದೆ ಎಂದು ಶನಿವಾರ ಇಂಗ್ಲೀಷ್ ಕೌಂಟಿ ಕ್ಲಬ್ ಯಾರ್ಕ್ಷೈರ್ ಖಚಿತಪಡಿಸಿದೆ.
69 ನಂಬರ್ ಭಾರತೀಯ ಜರ್ಸಿಯನ್ನು ತೊಟ್ಟು ಲಾರ್ಡ್ಸ್ ಟೆಸ್ಟ್ ವೇಳೆ ಮೈದಾನಕ್ಕೆ ಆಗಮಿಸಿದ್ದ ಜರ್ವೋ ಎಲ್ಲರ ಹುಬ್ಬೇರುವಂತೆ ಮಾಡಿದ್ದ. ನಂತರ 3ನೇ ಟೆಸ್ಟ್ ವೇಳೆ ಬ್ಯಾಟ್ ಹಿಡಿದು ಮೈದಾನಕ್ಕೆ ಆಗಮಿಸಿದ್ದರಿಂದ ಯಾರ್ಕ್ಷೈರ್ ಕ್ರಿಕೆಟ್ ಕ್ಲಬ್ ಭದ್ರತಾ ಉಲ್ಲಂಘನೆಯ ಪ್ರಕರಣ ದಾಖಲಿಸಿದ್ದು, ಆತನಗೆ ಲೀಡ್ಸ್ ಕ್ರೀಡಾಂಗಣದಿಂದ ಅಜೀವ ನಿಷೇಧ ಏರಿದೆ ಮತ್ತು ದೊಡ್ಡ ಪ್ರಮಾಣದ ದಂಡವನ್ನು ವಿಧಿಸಿದೆ.
"ಹೌದು, ಜರ್ವೋ ಹೆಡಿಂಗ್ಲೆ ಪ್ರವೇಶಿಸುವುದನ್ನು ಜೀವನಪರ್ಯಂತೆ ನಿಷೇಧಿಸಲಾಗಿದೆ. ಅಲ್ಲದೆ ಅವರ ವಿರುದ್ಧ ನಾವು ದಂಡವನ್ನೂ ವಿಧಿಸುತ್ತೇವೆ" ಎಂದು ಯಾರ್ಕ್ಷೈರ್ ಸಿಸಿಸಿ ವಕ್ತಾರ ಪಿಟಿಐಗೆ ಮಾಹಿತಿ ನೀಡಿದ್ದಾರೆ
ಎರಡು ಬಾರಿ ಸಂಭವಿಸಿದ ಇಂತಹ ಮುಜುಗರವನ್ನು ತಪ್ಪಿಸಲು ಯಾವ ರೀತಿಯ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ ಎಂದು ಕೇಳಿದಕ್ಕೆ ಉತ್ತರಿಸಿದ ಕ್ಲಬ್ ವಕ್ತಾರರು, " ಹಿಂದಿನ ದಿನಗಳಂತೆ, ಮೈದಾನಕ್ಕೆ ಹೋಗಲು ಪ್ರಯತ್ನಿಸುವವರನ್ನು ತಡೆಯಲು ಸುತ್ತಮುತ್ತಲಿನ ಹೆಚ್ಚಿನ ಭದ್ರತೆಯನ್ನು ನಿಯೋಜಿಸಲಾಗುತ್ತದೆ "ಎಂದು ಹೇಳಿದ್ದಾರೆ.
ಇದನ್ನು ಓದಿ: ರೋಹಿತ್ ಶರ್ಮಾ ವಿಕೆಟ್ ಪತನವಾಗ್ತಿದ್ದಂತೆ ಬ್ಯಾಟ್ ಮಾಡಲು ಮೈದಾನಕ್ಕಿಳಿದ ಜಾರ್ವೋ.. ಮುಂದೇನಾಯ್ತು ನೋಡಿ!
ಇದನ್ನು ಓದಿ:ಭಾರತೀಯ ಜರ್ಸಿ ತೊಟ್ಟು ಮೈದಾನಕ್ಕಿಳಿದು ಅವಾಂತರ ಸೃಷ್ಟಿಸಿದ ಇಂಗ್ಲೀಷ್ ಅಭಿಮಾನಿ
