ಹೈದರಾಬಾದ್​: ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್​​ನಲ್ಲಿ ಸ್ಮೃತಿ ಮಂಧಾನ ವಿನೂತನ ದಾಖಲೆ ಬರೆದಿದ್ದಾರೆ. ಪುರುಷರ ಆರಂಭಿಕ ಆಟಗಾರರ ಪಟ್ಟಿಯಲ್ಲಿ ರೋಹಿತ್ ಶರ್ಮಾ ನಂತರದಲ್ಲಿ ಮಹಿಳಾ ಕ್ರಿಕೆಟ್‌ನಲ್ಲಿ ಈ ಸಾಧನೆ ಮಾಡಿರುವ ಏಕೈಕ ಪ್ಲೇಯರ್​ ಆಗಿ ಹೊರಹೊಮ್ಮಿದ್ದಾರೆ. ಟೀಂ ಇಂಡಿಯಾದ ಆರಂಭಿಕ ಬ್ಯಾಟರ್​ ಆಗಿರುವ ಮಂಧಾನ ಇಲ್ಲಿಯವರೆಗೆ 79 ಇನ್ನಿಂಗ್ಸ್​ ಆಡಿದ್ದು, 27.45ರ ಸರಾಸರಿಯಲ್ಲಿ 2,004 ರನ್​​​ಗಳಿಕೆ ಮಾಡಿದ್ದಾರೆ. ಇದರಲ್ಲಿ 14 ಅರ್ಧಶತಕಗಳು ಸೇರಿವೆ. ಅತ್ಯುತ್ತಮ ಸ್ಕೋರ್​ 86 ಆಗಿದೆ.

ಕ್ಯಾಪ್ಟನ್ ರೋಹಿತ್ ಶರ್ಮಾ ನಂತರ ಟಿ20 ಕ್ರಿಕೆಟ್​ನಲ್ಲಿ 2 ಸಾವಿರ ರನ್​ ಪೂರೈಸಿರುವ ಭಾರತದ ಎರಡನೇ ಆರಂಭಿಕ ಆಟಗಾರ್ತಿ ಎಂಬ ಶ್ರೇಯ ಸ್ಮೃತಿ ಮಂಧಾನ ಅವರದ್ದಾಗಿದೆ. ಬರ್ಮಿಂಗ್​ಹ್ಯಾಮ್​​ನಲ್ಲಿ ನಡೆಯುತ್ತಿರುವ ಟಿ20 ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಬಾರ್ಬಡೋಸ್​ ವಿರುದ್ಧದ ಪಂದ್ಯದಲ್ಲಿ ಮಂಧಾನ ಈ ಸಾಧನೆ ತೋರಿದರು.

ಇದನ್ನೂ ಓದಿ: ಇಂಗ್ಲೆಂಡ್​ U-19 ತಂಡದಲ್ಲಿ ಭಾರತೀಯ ಪ್ರತಿಭೆ: ಈತ ಟೀಂ ಇಂಡಿಯಾ ಮಾಜಿ ವೇಗಿಯ ಪುತ್ರ!

ರೋಹಿತ್ ಶರ್ಮಾ 96 ಇನ್ನಿಂಗ್ಸ್​​​ಗಳಲ್ಲಿ 33.03 ಸರಾಸರಿಯಲ್ಲಿ 2,973 ರನ್​​ಗಳಿಸಿದ್ದಾರೆ. ಇದರಲ್ಲಿ ನಾಲ್ಕು ಶತಕ ಹಾಗೂ 22 ಅರ್ಧಶತಕ ಸೇರಿವೆ. 118 ರನ್ ಇವರ ಅತ್ಯುತ್ತಮ ಸ್ಕೋರ್ ಆಗಿದೆ. ಕಾಮನ್​ವೆಲ್ತ್ ಗೇಮ್ಸ್​​ನಲ್ಲಿ ಮಂಧಾನ ಮೂರು ಇನ್ನಿಂಗ್ಸ್​​​ಗಳಿಂದ 46.00 ಸರಾಸರಿಯಲ್ಲಿ 92ರನ್​​ಗಳಿಕೆ ಮಾಡಿದ್ದಾರೆ. ಇದರಲ್ಲಿ ಪಾಕ್​ ವಿರುದ್ಧ ಅಜೇಯ 63 ರನ್​​ ಕಲೆ ಹಾಕಿದ್ದಾರೆ.