ನವದೆಹಲಿ: ಟೀಂ ಇಂಡಿಯಾ ಕ್ರಿಕೆಟ್ನ ಆರಂಭಿಕ ಆಟಗಾರ ಆಯೇಷಾ ಮುಖರ್ಜಿ ತಮ್ಮ ಪತಿ ಶಿಖರ್ ಧವನ್ಗೆ ವಿಚ್ಛೇದನ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಆಯೇಷಾ ಈ ಬಗ್ಗೆ ಸುದೀರ್ಘವಾಗಿ ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ವಿಚ್ಛೇದನಕ್ಕೆ ಸಂಬಂಧಿಸಿದಂತೆ ಆಯೇಷಾ ಮುಖರ್ಜಿ ಇನ್ಸ್ಟಾಗ್ರಾಂನಲ್ಲಿ ಭಾವನಾತ್ಮಕವಾಗಿ ಬರೆದುಕೊಂಡಿದ್ದಾರೆ. ಆದರೆ ಶಿಖರ್ ಧವನ್ ಇಲ್ಲಿಯವರೆಗೆ ಯಾವುದೇ ರೀತಿಯ ಪ್ರತಿಕ್ರಿಯೆ ನೀಡಿಲ್ಲ. ಕಳೆದ 9 ವರ್ಷಗಳಿಂದ ಶಿಖರ್ ಧವನ್ ಹಾಗೂ ಆಯೇಷಾ ದಾಂಪತ್ಯ ಜೀವನ ನಡೆಸುತ್ತಿದ್ದು, ಇವರಿಗೆ ಒಂದು ಹೆಣ್ಣು ಮಗುವಿದೆ.
ಆಯೇಷಾ ಶಿಖರ್ ಧವನ್ ಅವರಿಗಿಂತ 10 ವರ್ಷ ದೊಡ್ಡವರು. ಧವನ್ಗೂ ಮುನ್ನ ಆಸ್ಟ್ರೇಲಿಯಾದ ಉದ್ಯಮಿಯೊಬ್ಬನನ್ನು ವಿವಾಹವಾಗಿದ್ದ ಆಯೇಷಾ ಅವರಿಂದಲೂ ವಿಚ್ಛೇದನ ಪಡೆದುಕೊಂಡಿದ್ದರು. ಟೀಂ ಇಂಡಿಯಾ ಏಕದಿನ ಕ್ರಿಕೆಟ್ನ ಖಾಯಂ ಸದಸ್ಯರಾಗಿರುವ ಶಿಖರ್ ಧವನ್, ಸದ್ಯ ಮುಂಬರುವ ಐಪಿಎಲ್ ಹಾಗೂ ಟಿ - 20 ವಿಶ್ವಕಪ್ನಲ್ಲಿ ಭಾಗಿಯಾಗಲು ತಯಾರಿ ನಡೆಸಿದ್ದು, ಇದರ ಮಧ್ಯೆ ಈ ಸುದ್ದಿ ಹೊರಬಿದ್ದಿದೆ.
ವಿರೋಧದ ನಡುವೆ ಮದುವೆ:
ಶಿಖರ್-ಆಯೇಷಾ ಇಬ್ಬರು ಪರಸ್ಪರ ಪ್ರೀತಿಸಿ ಮನೆಯವರ ವಿರೋಧದ ನಡುವೆಯೂ ವಿವಾಹವಾಗಿದ್ದರು. ಆಯೇಷಾಗೆ ಈ ಮೊದಲೇ ಇಬ್ಬರು ಹೆಣ್ಣು ಮಕ್ಕಳಿದ್ದರು. ಹಾಗೆ 10 ವರ್ಷ ಶಿಖರ್ಗಿಂತ ದೊಡ್ಡವರಾಗಿದ್ದರಿಂದ ಧವನ್ ಮನೆಯವರಿಗೆ ಈ ಇಬ್ಬರ ಮದುವೆ ಇಷ್ಟ ಇರಲಿಲ್ಲ. ಇಷ್ಟೆಲ್ಲ ಅಡೆ ತಡೆಗಳ ನಡುವೆಯೂ 2012ರಲ್ಲಿ ಶಿಖರ್ ಮದುವೆಯಾಗಿದ್ದರು.
ಪತ್ನಿಯ ಇಬ್ಬರು ಹೆಣ್ಣುಮಕ್ಕಳನ್ನು ತಮ್ಮ ಮಕ್ಕಳಂತೆ ನೋಡಿಕೊಳ್ಳುತ್ತಿದ್ದ ಶಿಖರ್ಗೆ 2014ರಲ್ಲಿ ಗಂಡು ಮಗು ಹುಟ್ಟಿತ್ತು. ಆ ಮಗುವಿಗೆ ಝೋರೋವರ್ ಧವನ್ ಅಂತ ಹೆಸರಿಟ್ಟಿದ್ದರು. ಇವರಿಬ್ಬರ ಪ್ರೀತಿ ಫೇಸ್ಬುಕ್ನಿಂದ ಆರಂಭವಾಗಿತ್ತಂತೆ. ಅಂಗ್ಲೋ ಇಂಡಿಯನ್ ಆಗಿರುವ ಅಯೇಷಾ ಆಸ್ಟ್ರೇಲಿಯಾದಲ್ಲಿ ಕಿಕ್ ಬಾಕ್ಸಿಂಗ್ ಕ್ರೀಡಾಪಟುವಾಗಿದ್ದರು.
