ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ವೆಸ್ಟ್ ಇಂಡೀಸ್ ವಿರುದ್ಧ ನಿನ್ನೆ ನಡೆದ ಪಂದ್ಯದಲ್ಲಿ ಗಾಯಗೊಂಡು ಆಟದ ಮಧ್ಯೆಯೇ ನಿವೃತ್ತಿ ಪಡೆದರು. ಇದು ತಂಡ ಮತ್ತು ಭಾರತೀಯ ಕ್ರಿಕೆಟಿಗರಲ್ಲಿ ಆತಂಕ ಉಂಟು ಮಾಡಿದೆ. ವಿಂಡೀಸ್ ವಿರುದ್ಧ ಇನ್ನೂ 2 ಪಂದ್ಯಗಳು ಬಾಕಿ ಇವೆ. 2-1 ರಲ್ಲಿ ಮುನ್ನಡೆಯಲ್ಲಿರುವ ಭಾರತ ಇನ್ನೊಂದು ಪಂದ್ಯ ಗೆದ್ದಲ್ಲಿ ಸರಣಿ ಗೆಲ್ಲಲಿದೆ.
ಪಂದ್ಯದಲ್ಲಿ 11 ರನ್ ಗಳಿಸಿ ಆಟವಾಡುತ್ತಿದ್ದ ರೋಹಿತ್ ಶರ್ಮಾ ಸ್ನಾಯು ಸೆಳೆತಕ್ಕೆ ಒಳಗಾದರು. ಈ ವೇಳೆ, ತಂಡದ ಫಿಜಿಯೋ ತಪಾಸಣೆ ನಡೆಸಿದರು. ನೋವು ಹೆಚ್ಚಾದ ಕಾರಣ ಫಿಸಿಯೋ ಸಲಹೆಯ ಮೇರೆಗೆ ಮೈದಾನ ತೊರೆದರು.
-
🚨 UPDATE: #TeamIndia captain Rohit Sharma has a back spasm.
— BCCI (@BCCI) August 2, 2022 " class="align-text-top noRightClick twitterSection" data="
The BCCI medical team is monitoring his progress.#WIvIND
">🚨 UPDATE: #TeamIndia captain Rohit Sharma has a back spasm.
— BCCI (@BCCI) August 2, 2022
The BCCI medical team is monitoring his progress.#WIvIND🚨 UPDATE: #TeamIndia captain Rohit Sharma has a back spasm.
— BCCI (@BCCI) August 2, 2022
The BCCI medical team is monitoring his progress.#WIvIND
ಬಳಿಕ ಬಿಸಿಸಿಐ ರೋಹಿತ್ ಗಾಯದ ಬಗ್ಗೆ ಅಪ್ಡೇಟ್ ನೀಡಿತು. ರೋಹಿತ್ ವಾಸ್ತವವಾಗಿ ಬೆನ್ನು ಸೆಳೆತಕ್ಕೆ ಒಳಗಾಗಿದ್ದಾರೆ. ವೈದ್ಯಕೀಯ ತಂಡ ನಿಗಾ ವಹಿಸುತ್ತಿದೆ ಎಂದು ಟ್ವೀಟ್ ಮಾಡಿದೆ.
ಸೂರ್ಯಕುಮಾರ್ ಯಾದವ್ರ ಹೋರಾಟದ ಫಲವಾಗಿ ಭಾರತ 3ನೇ ಟಿ - 20 ಪಂದ್ಯದಲ್ಲಿ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು. ಪಂದ್ಯದ ಮುಕ್ತಾಯದ ಬಳಿಕ ಆಟಗಾರರೊಂದಿಗೆ ರೋಹಿತ್ ಕಾಣಿಸಿಕೊಂಡರು. ಮುಂದಿನ ಪಂದ್ಯಗಳಿಗೆ ಕೆಲ ದಿನಗಳ ಬಿಡುವು ನೀಡಲಾಗಿದೆ. ಅಷ್ಟೊತ್ತಿಗಾಗಲೇ ರೋಹಿತ್ ನೋವಿನಿಂದ ಚೇತರಿಸಿಕೊಳ್ಳುವ ಸಾಧ್ಯತೆ ಇದೆ.
ಓದಿ: WI vs Ind: ವಾರ್ನರ್ ಪಾರ್ಕ್ನಲ್ಲಿ ಮೆರೆದಾಡಿದ ಭಾರತ.. ವಿಂಡೀಸ್ ವಿರುದ್ಧ 7 ವಿಕೆಟ್ ಜಯ
