ಆಸ್ಟ್ರೇಲಿಯಾ​ ವಿರುದ್ಧ ಅಶ್ವಿನ್‌ ವಿಕೆಟ್‌ಗಳ 'ಸೆಂಚುರಿ'; ಜಡೇಜಾ 250 ವಿಕೆಟ್‌ ಪಾರಮ್ಯ!

ಟೆಸ್ಟ್ ಕ್ರಿಕೆಟ್​ನಲ್ಲಿ ಟೀಂ ಇಂಡಿಯಾದ ಸ್ಟಾರ್​ ಆಟಗಾರರಾದ ರವಿಚಂದ್ರನ್​ ಅಶ್ವಿನ್​ ಮತ್ತು ರವೀಂದ್ರ ಜಡೇಜಾ ಹೊಸ ದಾಖಲೆಗಳನ್ನು ಬರೆದಿದ್ದಾರೆ.

ನವದೆಹಲಿ: ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತದ ಸ್ಟಾರ್​ ಸ್ಪಿನ್ನರ್​ಗಳಾದ ರವಿಚಂದ್ರನ್​ ಅಶ್ವಿನ್​ ಮತ್ತು ರವೀಂದ್ರ ಜಡೇಜಾ ಹೊಸ ಮೈಲಿಗಲ್ಲು ತಲುಪಿದ್ದಾರೆ. ಆಸೀಸ್ ವಿರುದ್ಧ ಅಶ್ವಿನ್​ ನೂರು ಟೆಸ್ಟ್​ ವಿಕೆಟ್​ಗಳನ್ನು ಪಡೆದ ಸಾಧನೆ ಮಾಡಿದರೆ, ಇನ್ನೊಂದೆಡೆ, ಜಡೇಜಾ ಟೆಸ್ಟ್​ ವೃತ್ತಿ ಜೀವನದಲ್ಲಿ 250 ವಿಕೆಟ್​ಗಳನ್ನು ಕಬಳಿಸಿ ಹೊಸ ದಾಖಲೆ ಸೃಷ್ಟಿಸಿದರು.

ಅರುಣ್​ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡ ಆಸ್ಟ್ರೇಲಿಯಾ ನಾಯಕ ಪ್ಯಾಟ್ ಕಮಿನ್ಸ್‌ ಪಡೆ ಉತ್ತಮ ಆರಂಭ ಪಡೆಯಿತು. ಓಪನರ್‌ಗಳಾದ ಡೇವಿಡ್​ ವಾರ್ನರ್​ ಮತ್ತು ಉಸ್ಮಾನ್ ಖವಾಜಾ ಮೊದಲ ವಿಕೆಟ್​ಗೆ 50 ರನ್​ಗಳ ಜೊತೆಯಾಟ ನೀಡಿದರು. ಆದರೆ, 44 ಎಸೆತಗಳಲ್ಲಿ ಮೂರು ಬೌಂಡರಿಗಳೊಂದಿಗೆ 15 ರನ್​ಗಳು ಗಳಿಸಿದ್ದ ವಾರ್ನರ್​ ಅವರನ್ನು ಮೊಹಮ್ಮದ್​ ಶಮಿ ಪೆವಿಲಿಯನ್​​ಗಟ್ಟಿದರು.

ಪ್ರಮುಖ ವಿಕೆಟ್​ ಉರುಳಿಸಿದ ಆಶ್ವಿನ್​: ರವಿಚಂದ್ರನ್​ ಅಶ್ವಿನ್​ 23ನೇ ಓವರ್‌ನಲ್ಲಿ ವಿಶ್ವದ ನಂ.1 ಟೆಸ್ಟ್ ಬ್ಯಾಟರ್ ಮಾರ್ನಸ್ ಲ್ಯಾಬುಶಾನೆ ಹಾಗೂ ನಂ.2 ಬ್ಯಾಟರ್ ಸ್ಟೀವ್​ ಸ್ಮಿತ್​ ಅವರ ವಿಕೆಟ್​ ಉರುಳಿಸಿ ಆಸೀಸ್​ ತಂಡಕ್ಕೆ ಶಾಕ್​ ನೀಡಿದರು. 25 ಎಸೆತಗಳಲ್ಲಿ ನಾಲ್ಕು ಬೌಂಡರಿಗಳ ಸಮೇತ 18 ರನ್​ಗಳು ಬಾರಿಸಿದ್ದ ಲ್ಯಾಬುಶಾನೆ ಅವರನ್ನು ತಮ್ಮ ನಾಲ್ಕನೇ ಎಸೆತದಲ್ಲಿ ಅಶ್ವಿನ್​ ಎಲ್​ಬಿ ಬಲೆಗೆ ಕೆಡವಿದರು. ಅದೇ ಓವರ್‌ನ ಕೊನೆಯ ಎಸೆತದಲ್ಲಿ ಸ್ಟೀವ್​ ಸ್ಮಿತ್‌ ಅವರು ಬಂದ ದಾರಿಗೆ ಸುಂಕವಿಲ್ಲ ಎಂಬಂತೆ ಶೂನ್ಯ ಸುತ್ತಿ ಪೆವಿಲಿಯನತ್ತ ಹೆಜ್ಜೆ ಹಾಕಿದರು.

• Another day at office and another milestone for @ashwinravi99 👏👏
  
  Do you reckon Australia is his favourite opponent?#INDvAUS pic.twitter.com/Oxohqv9HQi

  — BCCI (@BCCI) February 17, 2023 " class="align-text-top noRightClick twitterSection" data="

  Another day at office and another milestone for @ashwinravi99 👏👏
  
  Do you reckon Australia is his favourite opponent?#INDvAUS pic.twitter.com/Oxohqv9HQi

  — BCCI (@BCCI) February 17, 2023

  ">

  Another day at office and another milestone for @ashwinravi99 👏👏
  
  Do you reckon Australia is his favourite opponent?#INDvAUS pic.twitter.com/Oxohqv9HQi

  — BCCI (@BCCI) February 17, 2023

47ನೇ ಓವರ್​ನ ಕೊನೆಯ ಎಸೆತದಲ್ಲಿ ಅಲೆಕ್ಸ್ ಕ್ಯಾರಿ ಅವರನ್ನೂ ಅಶ್ವಿನ್​ ಶೂನ್ಯಕ್ಕೆ ಔಟ್​ ಮಾಡಿದರು. ಈ ಮೂಲಕ ಟೆಸ್ಟ್​ ಕ್ರಿಕೆಟ್​ನಲ್ಲಿ ಆಸ್ಟ್ರೇಲಿಯಾ ತಂಡದ ವಿರುದ್ಧ ಮಾತ್ರವೇ ಶತಕ ವಿಕೆಟ್​ಗಳ ದಾಖಲೆಯನ್ನು ಟೀಂ ಇಂಡಿಯಾದ ಆಫ್​ ಸ್ಪಿನ್ನರ್​ ಬರೆದರು. ಜೊತೆಗೆ ಭಾರತದ ಸ್ಪಿನ್ ದಂತಕಥೆ ಅನಿಲ್ ಕುಂಬ್ಳೆ ಅವರ ನಂತರ 100 ವಿಕೆಟ್‌ ಪಡೆದ ಎರಡನೇ ಭಾರತೀಯ ಬೌಲರ್ ಎಂಬ ಶ್ರೇಯಕ್ಕೂ ಪಾತ್ರರಾಗಿದ್ದಾರೆ.

ಆಶ್ವಿನ್​ ತಮ್ಮ 89ನೇ ಅಂತಾರಾಷ್ಟ್ರೀಯ ಟೆಸ್ಟ್​ ಪಂದ್ಯ ಆಡುತ್ತಿದ್ದು, ಇದುವರೆಗೆ 457 ವಿಕೆಟ್​ಗಳನ್ನು ಪಡೆದಿದ್ದಾರೆ. ನಾಗ್ಪುರದಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 450 ವಿಕೆಟ್​ಗಳನ್ನು ಪಡೆದ ಸಾಧನೆ ಮಾಡಿದ್ದರು. ಆ ಪಂದ್ಯದಲ್ಲಿ ಅಶ್ವಿನ್​ 8 ವಿಕೆಟ್​ಗಳನ್ನು ಕಬಳಿಸಿ ಪಂದ್ಯದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಒಟ್ಟಾರೆ 31 ಬಾರಿ ಇವರು 5 ವಿಕೆಟ್​ಗಳ ಗೊಂಚಲು ಪಡೆದಿದ್ದಾರೆ.

• Milestone 🚨 - @imjadeja becomes the fastest Indian and second fastest in world cricket to 250 Test wickets and 2500 Test runs 🫡🫡#INDvAUS pic.twitter.com/FjpuOuFbOK

  — BCCI (@BCCI) February 17, 2023 " class="align-text-top noRightClick twitterSection" data="

  Milestone 🚨 - @imjadeja becomes the fastest Indian and second fastest in world cricket to 250 Test wickets and 2500 Test runs 🫡🫡#INDvAUS pic.twitter.com/FjpuOuFbOK

  — BCCI (@BCCI) February 17, 2023

  ">

  Milestone 🚨 - @imjadeja becomes the fastest Indian and second fastest in world cricket to 250 Test wickets and 2500 Test runs 🫡🫡#INDvAUS pic.twitter.com/FjpuOuFbOK

  — BCCI (@BCCI) February 17, 2023

ಜಡೇಜಾ 250 ವಿಕೆಟ್​, 2,500 ರನ್ ಸಾಧನೆ​: ಇದೇ ಟೆಸ್ಟ್​ ಪಂದ್ಯದಲ್ಲಿ ಸ್ಟಾರ್​ ಆಲ್​ರೌಂಡರ್​ ರವೀಂದ್ರ ಜಡೇಜಾ ಹೊಸ ದಾಖಲೆ ಬರೆದಿದ್ದಾರೆ. ಟೆಸ್ಟ್​ ಮಾದರಿಯಲ್ಲಿ 2500 ರನ್​ಗಳನ್ನು ಬಾರಿಸುವುದೊಂದಿಗೆ 250 ವಿಕೆಟ್​ಗಳು ಪಡೆದ ಸಾಧನೆಯನ್ನು ಜಡ್ಡು ಮಾಡಿದ್ದಾರೆ. ಆಸೀಸ್​ ಆಟಗಾರರ ವಿಕೆಟ್​ ಉರುಳುತ್ತಿದ್ದರೂ, ಗಟ್ಟಿ ನೆಲೆ ನಿಂತು ಆಡುತ್ತಿದ್ದ ಉಸ್ಮಾನ್ ಖವಾಜಾ (81) ಅವರನ್ನು ಪೆವಿಲಿಯನ್​ಗೆ ಕಳುಹಿಸುವ ಮೂಲಕ ಜಡ್ಡು 250 ವಿಕೆಟ್ ಗಡಿ ತಲುಪಿದರು.

ಇದರೊಂದಿಗೆ ಟೆಸ್ಟ್​ನಲ್ಲಿ 2500 ರನ್​ಗಳು ಬಾರಿಸಿ ಮತ್ತು 250 ವಿಕೆಟ್​ಗಳನ್ನು ಪಡೆದ ಭಾರತದ ಅತಿವೇಗದ ಆಟಗಾರ ಎಂಬ ಹೆಗ್ಗಳಿಕೆಗೂ ಜಡೇಜಾ ಪಾತ್ರರಾಗಿದ್ದಾರೆ. ಈ ಸಾಧನೆ ಮಾಡಿದ ಮೊದಲ ಸ್ಥಾನದಲ್ಲಿ ರವಿಚಂದ್ರನ್ ಅಶ್ವಿನ್ ಇದ್ದು, ಜಡೇಜಾ ಎರಡನೇ ಸ್ಥಾನ ಪಡೆದಿದ್ದಾರೆ. ಜೊತೆಗೆ ದಿಗ್ಗಜ ಆಟಗಾರರಾದ ಕಪಿಲ್ ದೇವ್, ಅನಿಲ್ ಕುಂಬ್ಳೆ, ಹರ್ಭಜನ್ ಸಿಂಗ್ ನಂತರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಈ ಅಪರೂಪದ ಸಾಧನೆ ಮಾಡಿದ ಐದನೇ ಭಾರತೀಯನೂ ಹೌದು.

ಇದನ್ನೂ ಓದಿ: ರಹಸ್ಯ ಕಾರ್ಯಾಚರಣೆ: ಬಿಸಿಸಿಐ ಮುಖ್ಯ ಆಯ್ಕೆಗಾರ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಚೇತನ್​ ಶರ್ಮಾ