ನವದೆಹಲಿ: 2022 ರ ವಿಶ್ವಕಪ್ ಸೆಮಿಫೈನಲ್ ಸೋಲು ಭಾರತ ಕ್ರಿಕೆಟ್ಗೆ ದೊಡ್ಡ ಹಿನ್ನಡೆಯಾಗಿದೆ. ವಿಶ್ವಕಪ್ ಗೆಲ್ಲುವ ಬಲಿಷ್ಠ ತಂಡವಾಗಿ ಕಣಕ್ಕಿಳಿದ ಭಾರತ ಉತ್ತಮ ಪ್ರದರ್ಶನ ನೀಡಿತ್ತು. ಆದರೆ, ನಾಕೌಟ್ನಲ್ಲಿ ಕಿಕೌಟ್ ಆಗಿ ಅಭಿಮಾನಿಗಳಿಗೆ ಭಾರೀ ನಿರಾಸೆ ಮೂಡಿಸಿದೆ. ಇದರಿಂದ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ತಂಡದಲ್ಲಿ ಬದಲಾವಣೆ ತರಲು ಮುಂದಾಗಿದೆ.
ಧೋನಿಗೆ ಮಹತ್ತರ ಜವಾಬ್ದಾರಿ: ತಂಡದಲ್ಲಿ ಬದಲಾವಣೆಯ ಭಾಗವಾಗಿ ಟಿ20 ತಜ್ಞ, ಭಾರತ ಕಂಡ ಯಶಸ್ವಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರನ್ನು ಮತ್ತೆ ಭಾರತ ಕ್ರಿಕೆಟ್ನಲ್ಲಿ ಬಳಸಿಕೊಳ್ಳಲು ಬಿಸಿಸಿಐ ಚಿಂತನೆ ನಡೆಸಿದೆ ಎಂದು ವರದಿಯಾಗಿದೆ. 2023 ರ ಬಳಿಕ ಧೋನಿ ಐಪಿಎಲ್ಗೆ ನಿವೃತ್ತಿ ಹೇಳಲಿದ್ದು, ಬಳಿಕ ಅವರನ್ನು ಟಿ20 ತಂಡದ ನಿರ್ದೇಶಕರನ್ನಾಗಿ ಮಾಡುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.
ಕೋಚ್ ರಾಹುಲ್ಗೆ ಹೆಚ್ಚಿದ ಹೊಣೆ: ಪ್ರಸ್ತುತ ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗಿರುವ ರಾಹುಲ್ ದ್ರಾವಿಡ್ ಅವರಿಗೆ ಮೂರು ಪ್ರಕಾರದ ಹೊಣೆಗಾರಿಕೆಯಿಂದ ಒತ್ತಡ ಹೆಚ್ಚಿದೆ. ಏಕದಿನ, ಟಿ20 ಮತ್ತು ಟೆಸ್ಟ್ ತಂಡಗಳನ್ನು ಸಜ್ಜು ಮಾಡುವುದು ಸವಾಲಾಗಿದೆ. ಇದರಿಂದ ಚುಟುಕು ಮಾದರಿಯ ತಂಡವನ್ನು ಧೋನಿ ಹೆಗಲಿಗೆ ಹಾಕಲು ಬಿಸಿಸಿಐ ಚಿಂತಿಸಿದೆ. ಇದರಿಂದ ಕೋಚ್ ದ್ರಾವಿಡ್ ಮೇಲಿರುವ ಜವಾಬ್ದಾರಿ ಕಡಿಮೆಯಾಗಲಿದೆ ಎಂಬುದು ಇದರ ಉದ್ದೇಶವಾಗಿದೆ.
ಮಾಂತ್ರಿಕನ ತಂತ್ರ ಬಳಕೆ: 2024 ರ ಟಿ 20 ವಿಶ್ವಕಪ್‌ಗೆ ತಯಾರಿ ನಡೆಸುತ್ತಿರುವ ಬಿಸಿಸಿಐ ಟಿ 20 ತಜ್ಞ ಎಂಎಸ್ ಧೋನಿಗೆ ನಿರ್ದೇಶಕರ ಪಾತ್ರವನ್ನು ನೀಡುವ ಬಗ್ಗೆ ಚಿಂತನೆ ನಡೆಸಿದೆ. ಈ ಬಗ್ಗೆ ಬಿಸಿಸಿಐನಿಂದ ಯಾವುದೇ ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ಅಂದಾಜಿನ ಪ್ರಕಾರ ಈ ತಿಂಗಳ ಅಂತ್ಯದ ವೇಳೆಗೆ ನಡೆಯಲಿರುವ ಬಿಸಿಸಿಐ ಸಭೆಯಲ್ಲಿ ಧೋನಿ ಪಾತ್ರದ ಬಗ್ಗೆ ಚರ್ಚಿಸಲಾಗುವುದು ಎಂದು ಹೇಳಲಾಗಿದೆ. 2021 ರ ಟಿ 20 ವಿಶ್ವಕಪ್ ವೇಳೆ ಕೋಚ್ ರವಿಶಾಸ್ತ್ರಿ ಜೊತೆಗೆ ಎಂಎಸ್ ಧೋನಿಗೆ ಮೆಂಟರ್ ಜವಾಬ್ದಾರಿ ನೀಡಲಾಗಿತ್ತು.
ಓದಿ: ಮುಂಬೈ ತಂಡದ ಆಲ್ರೌಂಡರ್ ಕಿರಾನ್ ಪೊಲ್ಲಾರ್ಡ್ ಐಪಿಎಲ್ಗೆ ಗುಡ್ಬೈ
