ಭಾರತ ದೇಶವಲ್ಲದೇ ಇಡೀ ವಿಶ್ವದ ಕ್ರಿಕೆಟ್ ಲೋಕದ ಪ್ರೇಮಿಗಳ ಹೃದಯವನ್ನು ಆಳಿದ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ನಾಳೆ ಜುಲೈ 7 ಶುಕ್ರವಾರ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಈ ವಿಶೇಷ ದಿನದಂದು ಧೋನಿಗೆ 42 ವರ್ಷ ತುಂಬಲಿದೆ. ಈಗಾಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಗುಡ್ ಬೈ ಹೇಳಿರುವ ಮಹಿ ಐಪಿಎಲ್ ನಲ್ಲಿ ಮಾತ್ರ ತಮ್ಮ ಆಟವನ್ನು ಮುಂದುವರೆಸಿದ್ದಾರೆ.
-
52 feet cut-out of MS Dhoni in Hyderabad for his birthday celebration.
— Johns. (@CricCrazyJohns) July 6, 2023 " class="align-text-top noRightClick twitterSection" data="
The craze for MS Dhoni. pic.twitter.com/i8pVCXHc2H
">52 feet cut-out of MS Dhoni in Hyderabad for his birthday celebration.
— Johns. (@CricCrazyJohns) July 6, 2023
The craze for MS Dhoni. pic.twitter.com/i8pVCXHc2H52 feet cut-out of MS Dhoni in Hyderabad for his birthday celebration.
— Johns. (@CricCrazyJohns) July 6, 2023
The craze for MS Dhoni. pic.twitter.com/i8pVCXHc2H
ಹೀಗಿದ್ದರೂ ಧೋನಿ ಮೇಲಿನ ಕ್ರೇಜ್ ಅಭಿಮಾನಿಗಳಲ್ಲಿ ಇಂದಿಗೂ ಕಡಿಮೆಯಾಗಿಲ್ಲ. ಈ ಭಾರಿ ಧೋನಿ ಹುಟ್ಟುಹಬ್ಬದ ಬಗ್ಗೆ ಅಭಿಮಾನಿಗಳಲ್ಲಿ ಸಾಕಷ್ಟು ಉತ್ಸಾಹವಿದ್ದು, ಅಭಿಮಾನಿಗಳು ತಮ್ಮ ನೆಚ್ಚಿನ ಕ್ರಿಕೆಟಿಗನ ಹುಟ್ಟುಹಬ್ಬವನ್ನು ಆಚರಿಸಲು ಎಲ್ಲ ತಯಾರಿ ಆರಂಭಿಸಿದ್ದಾರೆ. ಈ ಮಧ್ಯೆ, ಹೈದರಾಬಾದ್‌ನಲ್ಲಿರುವ ಧೋನಿ ಅಭಿಮಾನಿಗಳು ಹುಟ್ಟುಹಬ್ಬಕ್ಕೂ ಮೊದಲು ಮುಂಗಡವಾಗಿ ವಿಶೇಷ ಉಡುಗೊರೆ ನೀಡಿ ಗೌರವಸಲ್ಲಿಸಿದ್ದಾರೆ.
ಹೌದು, ಧೋನಿ ಬ್ಲೂ ಜಿರ್ಸಿಯಲ್ಲಿ ಬ್ಯಾಟ್ ಹಿಡಿದು ಬರುತ್ತಿರುವ ಬರೋಬ್ಬರಿ 52 ಅಡಿ ಎತ್ತರದ ಕಟೌಟ್ ನಿರ್ಮಿಸಿದ್ದಾರೆ. ಇದೀಗ ಈ ಕಟೌಟ್ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಟ್ರೆಂಡ್ ಆಗಿದೆ. ಇದುವರೆಗೆ 12 ಲಕ್ಷಕ್ಕೂ ಹೆಚ್ಚು ಮಂದಿ ಧೋನಿಯ ಈ ಕಟೌಟ್ ಫೋಟೋವನ್ನು ಅಂತರ್ಜಾಲದಲ್ಲಿ ನೋಡಿದ್ದು, 8 ಸಾವಿರಕ್ಕೂ ಹೆಚ್ಚು ಅಭಿಮಾನಿಗಳು ಲೈಕ್ ಮಾಡಿದ್ದಾರೆ. ಹಾಗು ನಿರಂತರವಾಗಿ ಈ ಫೋಟೋಗೆ ಕಾಮೆಂಟ್ ಮಾಡುವ ಮೂಲಕ ಅಭಿಮಾನಿಗಳು ಧೋನಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಕೋರುತ್ತಿದ್ದಾರೆ.
ಕಳೆದ ಬಾರಿ ಕೂಡ ಆಂಧ್ರಪ್ರದೇಶದ ವಿಜಯವಾಡ ಜಿಲ್ಲೆಯ ಅಭಿಮಾನಿಗಳು ಧೋನಿಯ 41ನೇ ಜನ್ಮದಿನದ ಗೌರವಾರ್ಥವಾಗಿ 41 ಅಡಿ ಎತ್ತರದ ಕಟೌಟ್ ನಿರ್ಮಿಸಿದ್ದರು. ಈ ಕಟೌಟ್ ನಲ್ಲಿ ಧೋನಿ 2011ರ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಐತಿಹಾಸಿಕ ಸಿಕ್ಸರ್ ಬಾರಿಸುವ ಮೂಲಕ ವಿಶ್ವಕಪ್ ಗೆಲ್ಲಿಸಿಕೊಟ್ಟ ಚಿತ್ರ ಹಾಕಲಾಗಿತ್ತು. ಧೋನಿಯ ಈ 41 ಅಡಿ ಕಟೌಟ್ ಎಲ್ಲರ ಗಮನ ಸೆಳೆದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿತ್ತು. ಕೇರಳದಲ್ಲಿ 2018 ರಲ್ಲಿ 35 ಅಡಿ ಎತ್ತರದ ಕಟೌಟ್ ನಿರ್ಮಿಸಿದ್ದರೆ, ಚೆನ್ನೈನಲ್ಲಿ 30 ಅಡಿ ಎತ್ತರದ ಕಟೌಟ್ ರೂಪಿಸಿದ್ದರು.
ಇಂಡಿಯನ್ ಪ್ರೀಮಿಯರ್ ಲೀಗ್ 2023 ರ 16 ನೇ ಆವೃತ್ತಿಯ ಪ್ರಶಸ್ತಿಯನ್ನು ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಗೆದ್ದಿದೆ. ಇದು ಸಿಎಸ್‌ಕೆ ತಂಡದ 5ನೇ ಟ್ರೋಫಿಯಾಗಿತ್ತು. ಈ ಆವೃತ್ತಿಯಲ್ಲಿ ಧೋನಿ ಯಾವ ಮೈದಾನಕ್ಕೆ ಹೋಗುತ್ತಾರೆ ಅಲ್ಲೆಲ್ಲ ಅಭಿಮಾನಿ ಹೋಗಿ ಬೆಂಬಲ ಕೊಡುತ್ತಿದ್ದರು. ಈ ಕ್ರೇಜ್ ಎಂದೆಂದಿಗೂ ಶಾಶ್ವತ ಎಂಬುದನ್ನು ಸಾರಿ ಸಾರಿ ಹೇಳುತ್ತಿತ್ತು. ಧೋನಿ ಟೀಂ ಇಂಡಿಯಾ ಪರ ಕ್ರಿಕೆಟ್ ಆಡುತ್ತಿರುವಾಗಲೂ ಸಹಾ ಅಭಿಮಾನಿಗಳಿಗೆ ಧೋನಿ ಎಂಬ ಕ್ರಿಕೆಟ್ ಹುಚ್ಚು ಹಿಡಿದಿತ್ತು ಎಂದರೇ ತಪ್ಪಲ್ಲ.
ಇದನ್ನೂ ಓದಿ : MS Dhoni: ಧೋನಿಗೆ ಚಾಕಲೇಟ್ ನೀಡಿ ಸರ್ಪ್ರೈಸ್ ಕೊಟ್ಟ ಗಗನಸಖಿ.. ನಿಜಕ್ಕೂ ಸರ್ಪ್ರೈಸ್ ಆದದ್ದು ಮಾತ್ರ ಕ್ಯಾಂಡಿ ಕ್ರಶ್ ಗೇಮ್..
