ಲಂಡನ್ : ಇಂಗ್ಲೆಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡದ ವೇಗಿ ಮೊಹಮ್ಮದ್ ಸಿರಾಜ್ 8 ವಿಕೆಟ್ ಪಡೆಯುವ ಮೂಲಕ, ಲಾರ್ಡ್ಸ್ ಮೈದಾನದಲ್ಲಿ ಶ್ರೇಷ್ಠ ಬೌಲಿಂಗ್ ಪ್ರದರ್ಶನ ತೋರಿದ ಭಾರತೀಯ ಬೌಲರ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.
ಭಾರತ ತಂಡದಲ್ಲಿ ಉದಯೋನ್ಮುಖ ಬೌಲರ್ ಆಗಿರುವ ಮೊಹಮ್ಮದ್ ಸಿರಾಜ್, ದಿನದಿಂದ ದಿನಕ್ಕೆ ತಮ್ಮ ಬೌಲಿಂಗ್ ಪ್ರದರ್ಶನವನ್ನು ಉತ್ತಮಗೊಳಿಸಿಕೊಳ್ಳುತ್ತಿದ್ದಾರೆ. ಕ್ರಿಕೆಟ್ ಕಾಶಿ ಲಾರ್ಡ್ಸ್ನಲ್ಲಿ ನಡೆದ 2ನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ 94 ರನ್ಗಳಿಗೆ 4 ವಿಕೆಟ್ ಪಡೆದಿದ್ದ ಸಿರಾಜ್, 2ನೇ ಇನ್ನಿಂಗ್ಸ್ನಲ್ಲಿ ನಿರ್ಣಾಯಕ ಪರಿಸ್ಥಿತಿಯಲ್ಲಿ 4 ವಿಕೆಟ್ ಪಡೆದು ಭಾರತದ ಐತಿಹಾಸಿ ಜಯದಲ್ಲಿ ಪ್ರಮುಖ ಪಾತ್ರವಹಿಸಿದರು.
ಒಟ್ಟು ಈ ಪಂದ್ಯದಲ್ಲಿ ಸಿರಾಜ್ 126 ರನ್ ನೀಡಿ 8 ವಿಕೆಟ್ ಪಡೆಯುವ ಮೂಲಕ 1982ರಲ್ಲಿ ಮಾಜಿ ನಾಯಕ ಕಪಿಲ್ ದೇವ್ ಹೆಸರಿನಲ್ಲಿದ್ದ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡರು. ಕಪಿಲ್ ದೇವ್ 168 ರನ್ ನೀಡಿ 8 ವಿಕೆಟ್ ಪಡೆದಿದ್ದು, ಲಾರ್ಡ್ಸ್ನಲ್ಲಿ ಭಾರತೀಯ ಬೌಲರ್ನ ಈವರೆಗಿನ ದಾಖಲೆಯಾಗಿತ್ತು.
ಲಾರ್ಡ್ಸ್ನಲ್ಲಿ ಟಾಪ್ 5 ಬೆಸ್ಟ್ ಬೌಲಿಂಗ್
- ಮೊಹಮ್ಮದ್ ಸಿರಾಜ್-8/126 (2021)
- ಕಪಿಲ್ ದೇವ್-8/168 (1982)
- ಆರ್‌ಪಿ ಸಿಂಗ್-7/117 (2007)
- ವೆಂಕಟೇಶ್ ಪ್ರಸಾದ್-7/130 (1996)
- ಇಶಾಂತ್ ಶರ್ಮಾ-7/135(2014)
- ಅಮರ್ ಸಿಂಗ್-6/71 (1936)
