ಕರಾಚಿ: ಪಾಕಿಸ್ತಾನದ ಆರಂಭಿಕ ಬ್ಯಾಟರ್ ಮೊಹಮ್ಮದ್ ರಿಜ್ವಾನ್ ವೆಸ್ಟ್ ಇಂಡೀಸ್ ವಿರುದ್ಧ ಅರ್ಧಶತಕ ಸಿಡಿಸುವ ಮೂಲಕ 2021ರ ಕ್ಯಾಲೆಂಡರ್ ವರ್ಷದಲ್ಲಿ ಟಿ-20 ಕ್ರಿಕೆಟ್ನಲ್ಲಿ 2000 ರನ್ ಪೂರೈಸಿದ್ದಾರೆ. ಚುಟುಕು ಕ್ರಿಕೆಟ್ ಇತಿಹಾಸದಲ್ಲೇ ಈ ಸಾಧನೆ ಮಾಡಿದ ವಿಶ್ವದ ಏಕೈಕ ಬ್ಯಾಟರ್ ಎಂಬ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.
2021ರಲ್ಲಿ ಅದ್ವಿತೀಯ ಫಾರ್ಮ್ನಲ್ಲಿರುವ ಪಾಕಿಸ್ತಾನ ಬ್ಯಾಟರ್ 45 ಇನ್ನಿಂಗ್ಸ್ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ. ಅವರು 55.68 ಸರಾಸರಿ ಮತ್ತು 130ರ ಸ್ಟ್ರೈಕ್ ರೇಟ್ನಲ್ಲಿ 2036 ರನ್ಗಳಿಸಿರುವ ರಿಜ್ವಾನ್, 18 ಅರ್ಧಶತಕ ಮತ್ತು 1 ಶತಕ ಸಿಡಿಸಿದ್ದಾರೆ.
ಇವರ ಆರಂಭಿಕ ಜೊತೆಗಾರನಾಗಿರುವ ನಾಯಕ ಬಾಬರ್ ಅಜಮ್ ಒಂದೇ ವರ್ಷ ಗರಿಷ್ಠ ರನ್ ಸಿಡಿಸಿರುವ 2ನೇ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಅವರು 2021ರಲ್ಲಿ 43 ಇನ್ನಿಂಗ್ಸ್ಗಳಲ್ಲಿ 2 ಶತಕ ಮತ್ತು 19 ಅರ್ಧಶತಕದ ನೆರವಿನಿಂದ 1779 ರನ್ಗಳಿಸಿದ್ದಾರೆ.
ಇವರಿಗಿಂತ ಮೊದಲು ವಿಂಡೀಸ್ ದೈತ್ಯ ಕ್ರಿಸ್ ಗೇಲ್ 2015ರಲ್ಲಿ 36 ಇನ್ನಿಂಗ್ಸ್ಗಳಿಂದ 3 ಶತಕ ಮತ್ತು 10 ಅರ್ಧಶತಕ ಸಹಿತ 1665 ರನ್ಗಳಿಸಿದ್ದರು. ವಿರಾಟ್ ಕೊಹ್ಲಿ 2016ರಲ್ಲಿ 29 ಇನ್ನಿಂಗ್ಸ್ಗಳಲ್ಲಿ 4 ಶತಕ ಮತ್ತು 14 ಅರ್ಧಶತಕಗಳ ನೆರವಿನಿಂದ 1614 ರನ್ಗಳಿಸಿದ್ದರು.
ಅಂತಾರಾಷ್ಟ್ರೀಯ ಟಿ-20ಯಲ್ಲೂ ರಿಜ್ವಾನ್ ದಾಖಲೆ:
ಒಟ್ಟು ಟಿ20 ಕ್ರಿಕೆಟ್ನಲ್ಲಿ(ಲೀಗ್+ಅಂತಾರಾಷ್ಟ್ರೀಯ) 2000 ರನ್ ಸಿಡಿಸಿರುವ ವಿಶ್ವ ದಾಖಲೆ ಬರೆದಿರುವ ರಿಜ್ವಾನ್ ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್ನಲ್ಲಿ ಕ್ಯಾಲೆಂಡರ್ ವರ್ಷದಲ್ಲಿ 1000 ರನ್ಗಳಿಸಿದ ಏಕೈಕ ಕ್ರಿಕೆಟಿಗ ಎನಿಸಿಕೊಂಡಿದ್ದಾರೆ. ಅವರು 29 ಇನ್ನಿಂಗ್ಸ್ಗಳಿಂದ 1326 ರನ್ಗಳಿಸಿದ್ದಾರೆ. ಬಾಬರ್ ಅಜಮ್ 939 ರನ್ಗಳಿಸಿದ್ದಾರೆ.
ಇದನ್ನೂ ಓದಿ:ಶ್ರೇಯಸ್ ಅಯ್ಯರ್ಗೆ ದಕ್ಷಿಣ ಆಫ್ರಿಕಾದಲ್ಲಿ ನೈಜ ಸವಾಲು ಎದುರಾಗಲಿದೆ: ಗಂಗೂಲಿ
