ಲಾರ್ಡ್ಸ್‌ ಟೆಸ್ಟ್ : ಕಿವೀಸ್​ ವಿರುದ್ಧ ಇಂಗ್ಲೆಂಡ್​ಗೆ ಭರ್ಜರಿ ಜಯ.. ಮೈದಾನದಲ್ಲಿ ಮರುಕಳಿಸಿದ 2019ರ ವಿಶ್ವಕಪ್​ ಘಟನೆ

ಲಾರ್ಡ್ಸ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಕಿವೀಸ್​ ವಿರುದ್ಧ ಇಂಗ್ಲೆಂಡ್​​ 5 ವಿಕೆಟ್​ಗಳ ಜಯ ಗಳಿಸಿದೆ. ಮೂರು ಪಂದ್ಯಗಳ ಸರಣಿಯಲ್ಲಿ ಆಂಗ್ಲರು 1-0 ಮುನ್ನಡೆ ಸಾಧಿಸಿದ್ದಾರೆ..

ಲಾರ್ಡ್ಸ್, ಲಂಡನ್ : ಮಾಜಿ ನಾಯಕ ಜೋ ರೂಟ್ ಅಜೇಯ ಶತಕ ಹಾಗೂ ನಾಯಕ ಬೆನ್ ಸ್ಟೋಕ್ಸ್‌(54) ಅರ್ಧಶತಕಗಳ ನೆರವಿನಿಂದ ನ್ಯೂಜಿಲ್ಯಾಂಡ್​ ವಿರುದ್ಧ ಲಾರ್ಡ್ಸ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್​​ 5 ವಿಕೆಟ್​ಗಳ ಜಯ ದಾಖಲಿಸಿದೆ. ಮೂರು ಪಂದ್ಯಗಳ ಸರಣಿಯಲ್ಲಿ ಶುಭಾರಂಭ ಮಾಡಿರುವ ಆಂಗ್ಲರು 1-0 ಮುನ್ನಡೆ ಸಾಧಿಸಿದ್ದು, ಮೂರು ದಿನಗಳಲ್ಲೇ ಪಂದ್ಯ ಅಂತ್ಯಗೊಂಡಿದೆ.

ಎರಡನೇ ಇನ್ನಿಂಗ್ಸ್​ನಲ್ಲಿ 277 ರನ್​​ಗಳ ಗೆಲುವಿನ ಗುರಿ ಹೊಂದಿದ್ದ ಇಂಗ್ಲೆಂಡ್​​ ಆರಂಭದಲ್ಲೇ ಆಘಾತ ಅನುಭವಿಸಿತು. 69 ರನ್​ ಗಳಿಸುವಷ್ಟರಲ್ಲಿ ಪ್ರಮುಖ 4 ವಿಕೆಟ್​ ಕಳೆದುಕೊಂಡಿತ್ತು. ಅಲೆಕ್ಸ್ ಲೀಸ್ (20), ಝಾಕ್ ಕ್ರಾಲಿ (9), ಒಲ್ಲಿ ಪೋಪ್ (10) ಹಾಗೂ ಜಾನಿ ಬೈರ್​ಸ್ಟೋ (16) ಪೆವಿಲಿಯನ್​ ಸೇರಿದ್ದರು. ಈ ವೇಳೆ ಒಂದಾದ ರೂಟ್ ಹಾಗೂ ಸ್ಟೋಕ್ಸ್‌ 90 ರನ್​ ಸೇರಿಸಿ ತಂಡದ ಮೊತ್ತಕ್ಕೆ ಚೇತರಿಕೆ ನೀಡಿದರು.

54 ರನ್​ ಗಳಿಸಿದ್ದ ಸ್ಟೋಕ್ಸ್‌ ಔಟಾದ ಬಳಿಕ ಜವಾಬ್ದಾರಿಯುತ ಬ್ಯಾಟಿಂಗ್​ ಮುಂದುವರೆಸಿದ ರೂಟ್​ (115) 26ನೇ ಶತಕ ದಾಖಲಿಸಿದರಲ್ಲದೆ, ತಂಡವನ್ನು ಗೆಲುವಿನ ದಡ ಸೇರಿಸಿದರು. ಬೆನ್​ ಫೋಕ್ಸ್​ ಅಜೇಯ 32 ಬಾರಿಸಿ ಗೆಲುವಿನಲ್ಲಿ ರೂಟ್​ಗೆ ಸಾಥ್​ ನೀಡಿದರು. ಕಿವೀಸ್​ ಪರ ವೇಗಿ ಕೈಲ್​ ಜೆಮಿಷನ್​ 4 ವಿಕೆಟ್​ ಕಬಳಿಸಿ ಮಿಂಚಿದರು.

ಇದಕ್ಕೂ ಮುನ್ನ ಪಂದ್ಯದ ಮೊದಲ ಇನ್ನಿಂಗ್ಸ್​ಗಳಲ್ಲಿ ನ್ಯೂಜಿಲ್ಯಾಂಡ್​ 132 ಹಾಗೂ ಇಂಗ್ಲೆಂಡ್​ 141 ರನ್​ಗಳಿಗೆ ಆಲೌಟ್​ ಆಗಿದ್ದವು. ಬಳಿಕ ನ್ಯೂಜಿಲೆಂಡ್​ ಎರಡನೇ ಇನ್ನಿಂಗ್ಸ್​ನಲ್ಲೂ ಕುಸಿತದ ಹಾದಿ(56ಕ್ಕೆ 4 ವಿಕೆಟ್​) ಹಿಡಿದರೂ ಕೂಡ, ಡೆರ್ಲ್​ ಮಿಚೆಲ್​ ಶತಕ (108) ಹಾಗೂ ಟಾಮ್​ ಬ್ಲಂಡಲ್​ (96) ಅರ್ಧಶಕದಿಂದ 285 ರನ್​ ಪೇರಿಸಿತ್ತು.

ರೂಟ್ ದಾಖಲೆ : ಕಳೆದ ಏಪ್ರಿಲ್‌ನಲ್ಲಿ ಇಂಗ್ಲೆಂಡ್ ನಾಯಕ ಸ್ಥಾನದಿಂದ ಕೆಳಗಿಳಿದಿರುವ ಜೋ ರೂಟ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ 10,000 ರನ್‌ ಗಳಿಸಿದ ಎರಡನೇ ಇಂಗ್ಲಿಷ್‌ ಆಟಗಾರ ಎಂಬ ಶ್ರೇಯಕ್ಕೆ ಪಾತ್ರರಾದರು. ಮಾಜಿ ನಾಯಕ ಅಲೆಸ್ಟರ್ ಕುಕ್ (12,472) ಇವರಿಗಿಂತ ಮೊದಲು ಈ ಮೈಲುಗಲ್ಲು ತಲುಪಿದ ಮೊದಲ ಇಂಗ್ಲೆಂಡ್​ ಆಟಗಾರನಾಗಿದ್ದಾರೆ.

ವಿಶ್ವ ಕ್ರಿಕೆಟ್​ನಲ್ಲಿ ಈ ಸಾಧನೆ ಮಾಡಿದವರ ಪಟ್ಟಿಯಲ್ಲಿ ಸಚಿನ್ ತೆಂಡೂಲ್ಕರ್ (15,921), ರಿಕಿ ಪಾಂಟಿಂಗ್ (13,378), ಜಾಕ್​ ಕಾಲಿಸ್ (13,289), ರಾಹುಲ್ ದ್ರಾವಿಡ್ (13,288) ಮತ್ತು ಅಲೆಸ್ಟೈರ್ ಕುಕ್ (12,472) ಇದ್ದಾರೆ.

• If you know, you know 😅
  
  🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/ZyIcvwkk8B

  — England Cricket (@englandcricket) June 4, 2022 " class="align-text-top noRightClick twitterSection" data="

  If you know, you know 😅
  
  🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/ZyIcvwkk8B

  — England Cricket (@englandcricket) June 4, 2022

  ">

  If you know, you know 😅
  
  🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/ZyIcvwkk8B

  — England Cricket (@englandcricket) June 4, 2022

ಮರುಕಳಿಸಿದ ಘಟನೆ : ಈ ಪಂದ್ಯದಲ್ಲಿ ಮೂರನೇ ದಿನದಾಟದಲ್ಲಿ 2019ರ ಐಸಿಸಿ ಕ್ರಿಕೆಟ್ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಉಭಯ ತಂಡಗಳ ನಡುವೆ ನಡೆದ ಘಟನೆ ಪುನರಾವರ್ತನೆ ಆದಂತಿತ್ತು. ಆಗ ಕ್ಷೇತ್ರರಕ್ಷಕ ಎಸೆದ ಬಾಲ್​​ ರನ್​ಗಾಗಿ ಓಡುತ್ತಿದ್ದ ಬೆನ್ ಸ್ಟೋಕ್ಸ್ ಬ್ಯಾಟ್​ಗೆ ​ತಗುಲಿ ಬೌಂಡರಿ ಗೆರೆ ದಾಟಿತ್ತು. ಇದು ನ್ಯೂಜಿಲೆಂಡ್‌ ತಂಡಕ್ಕೆ ನಷ್ಟ ಉಂಟು ಮಾಡಿತ್ತಲ್ಲದೆ, ವಿಶ್ವಕಪ್ ಟ್ರೋಫಿಯನ್ನೂ ಕಿತ್ತುಕೊಂಡಿತ್ತು.

ಈ ಟೆಸ್ಟ್​ ಪಂದ್ಯದಲ್ಲಿ ಕೂಡ ಇಂಗ್ಲೆಂಡ್‌ನ ಎರಡನೇ ಇನ್ನಿಂಗ್ಸ್‌ನ 42ನೇ ಓವರ್‌ನಲ್ಲಿ ಜೋ ರೂಟ್ ಮಿಡ್-ವಿಕೆಟ್​​ನತ್ತ ಪುಲ್ ಆಡಿದರು ಮತ್ತು ಇನ್ನೊಂದು ತುದಿಯಲ್ಲಿ ಸ್ಟೋಕ್ಸ್​​ ತ್ವರಿತ ಸಿಂಗಲ್ ಪಡೆಯಲು ಪ್ರಯತ್ನಿಸಿದರು. ಓಡುತ್ತಿರುವಾಗ, ಚೆಂಡು ಸ್ಟೋಕ್ಸ್‌ ಬ್ಯಾಟ್​ಗೆ ತಾಕಿತ್ತಲ್ಲದೆ, ಬೇರೆಡೆಗೆ ಮುಖ ಮಾಡಿತ್ತು. ಆದರೆ, ಬ್ಯಾಟರ್‌ಗಳು ಸಿಂಗಲ್‌ ರನ್​ಗಾಗಿ ಓಡಲಿಲ್ಲ.

ಈ ಘಟನೆ ನಂತರ, ಬೌಲಿಂಗ್ ಮಾಡುತ್ತಿದ್ದ ವೇಗಿ ಟ್ರೆಂಟ್ ಬೌಲ್ಟ್ ಹಾಗೂ ಬ್ಯಾಟರ್​​​ ಸ್ಟೋಕ್ಸ್ ಸೌಹಾರ್ದಯುತ ಮಾತಿನ ವಿನಿಮಯ ಮಾಡಿಕೊಂಡರು. ಮೂರು ವರ್ಷಗಳ ಹಿಂದೆ ನಡೆದ ಘಟನೆ ನೆನಪಿಸಿಕೊಂಡು ಮೈದಾನದಲ್ಲಿದ್ದ ಇತರ ಆಟಗಾರರೆಲ್ಲರ ಮುಖದಲ್ಲಿ ನಗು ಮೂಡಿತು.

ಇದನ್ನೂ ಓದಿ: 8 ಕಿಮೀ ಮ್ಯಾರಥಾನ್​ನಲ್ಲಿ 7ವರ್ಷದ ಪೋರನಿಗೆ ಚಿನ್ನದ ಪದಕ: ನೇಪಾಳದಲ್ಲಿ ತಿರಂಗ ಧ್ವಜ ಹಾರಿಸಿದ ಹಾವೇರಿ ಬಾಲಕ