ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನ ನಿನ್ನೆಯ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಹಾಗೂ ಪಂಜಾಬ್ ತಂಡ ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಆರ್ಸಿಬಿ ಬ್ಯಾಟರ್ ರಜತ್ ಪಾಟಿದಾರ್ ಬಾರಿಸಿರುವ ಸಿಕ್ಸರ್ವೊಂದು ಸ್ಟ್ಯಾಂಡ್ನಲ್ಲಿ ಕುಳಿತುಕೊಂಡಿದ್ದ ವೃದ್ಧ ಕ್ರೀಡಾಭಿಮಾನಿ ತಲೆಗೆ ಅಪ್ಪಳಿಸಿದ್ದು, ಇದರ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
- — Varma Fan (@VarmaFan1) May 13, 2022 " class="align-text-top noRightClick twitterSection" data="
— Varma Fan (@VarmaFan1) May 13, 2022
">— Varma Fan (@VarmaFan1) May 13, 2022
ಬ್ರೆಬೋರ್ನ್‌ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಬ್ಯಾಟರ್ ರಜತ್ ಪಾಟೀದಾರ್ ಬಾರಿಸಿದ ಸಿಕ್ಸರ್, ಮೈದಾನದಲ್ಲಿದ್ದ ವೃದ್ದ ಅಭಿಮಾನಿ ತಲೆಗೆ ಅಪ್ಪಳಿಸಿದ್ದು ವಿಡಿಯೋ ವೈರಲ್ ಆಗಿದೆ. ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ್ದ ಪಂಜಾಬ್ ತಂಡ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ನಷ್ಟಕ್ಕೆ 209ರನ್ಗಳಿಕೆ ಮಾಡಿತ್ತು. ಇದರ ಬೆನ್ನತ್ತಿದ ಅರ್ಸಿಬಿ ಕೇವಲ 155ರನ್ಗಳಿಕೆ ಮಾಡಲು ಶಕ್ತವಾಗಿದ್ದು, 54ರನ್ಗಳ ಅಂತರದಿಂದ ಸೋಲು ಕಂಡಿತು.
ಇದನ್ನೂ ಓದಿ: IPLಗೆ ಗುಡ್ಬೈ ಹೇಳಿ, ಕ್ಷಣಾರ್ಧದಲ್ಲೇ ಮನಸ್ಸು ಬದಲಾಯಿಸಿದ ರಾಯುಡು!
ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು ಕಣಕ್ಕಿಳಿದ ರಜತ್ ಪಾಟಿದಾರ್ ಹರ್ಪ್ರೀತ್ ಬ್ರಾರ್ ಎಸೆದ ಓವರ್ನಲ್ಲಿ ದಾಖಲೆ 102 ಮೀಟರ್ ಉದ್ದದ ಸಿಕ್ಸರ್ ಬಾರಿಸಿದರು. ಅದು ನೇರವಾಗಿ ಸ್ಟ್ಯಾಂಡ್ನಲ್ಲಿ ಕುಳಿತುಕೊಂಡಿದ್ದ ವೃದ್ಧ ಅಭಿಮಾನಿಯ ತಲೆಗೆ ಬಿದ್ದಿದೆ. ರಭಸವಾಗಿ ಚೆಂಡು ಬಿದ್ದಿರುವ ಕಾರಣ ಆತ ನೋವಿನಿಂದ ಕೂಗಿಕೊಂಡಿದ್ದಾನೆ.
ಈ ಹಿಂದಿನ ಅನೇಕ ಕ್ರಿಕೆಟ್ ಪಂದ್ಯಗಳ ಸಂದರ್ಭದಲ್ಲಿ ಇಂತಹ ಘಟನೆ ನಡೆದಿದ್ದು, ಕ್ರಿಸ್ ಗೇಲ್ ಬಾರಿಸಿದ್ದ ಚೆಂಡವೊಂದು ನೇರವಾಗಿ ಕ್ರೀಡಾಭಿಮಾನಿಗೆ ಬಿದ್ದು, ಗಾಯಗೊಂಡಿದ್ದನು. ಪಂದ್ಯ ಮುಕ್ತಾಯದ ಬಳಿಕ ಗೇಲ್ ನೇರವಾಗಿ ಆತನ ಬಳಿ ಹೋಗಿ, ಆರೋಗ್ಯ ವಿಚಾರಣೆ ಮಾಡಿರುವ ಘಟನೆ ಸಹ ನಡೆದಿತ್ತು.
