ಹೈದರಾಬಾದ್: ಇಂದಿನ ಸೂಪರ್ ಸಂಡೆ ಪಂದ್ಯದಲ್ಲಿ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್ ನಡುವೆ ಸೆಣಸಾಟ ನಡೆಯಲಿದೆ.
ಐಪಿಎಲ್ ದ್ವಿತೀಯಾರ್ಧದಲ್ಲಿ ಆರ್ಸಿಬಿ ಅತ್ಯುತ್ತಮ ಫಾರ್ಮ್ ಮುಂದುವರಿಸಿದೆ. ಈಗಾಗಲೇ ಪ್ಲೇ ಆಫ್ ಸನಿಹದಲ್ಲಿರುವ ಕೊಹ್ಲಿ ಟೀಂ ಇಂದಿನ ಪಂದ್ಯ ಗೆದ್ದು, ಪ್ಲೇ ಆಫ್ಗೆ ಎಂಟ್ರಿ ಪಡೆಯಲು ಉತ್ಸುಕವಾಗಿದೆ.
ಇನ್ನೊಂದೆಡೆ, ಪಂಜಾಬ್ ಕಿಂಗ್ಸ್ ಕೂಡಾ ಪ್ಲೇ ಆಫ್ ಕನಸು ಜೀವಂತ ಇರಿಸಿಕೊಂಡಿದ್ದು, ಹಿಂದಿನ ಕೆಕೆಆರ್ ಪಂದ್ಯದಲ್ಲಿ ಗೆಲುವು ಸಾಧಿಸಿ ಲಯಕ್ಕೆ ಮರಳಿದೆ. ಆರಂಭಿಕ ಕೆ.ಎಲ್.ರಾಹುಲ್ ಹಾಗೂ ಮಯಾಂಕ್ ಅಗರ್ವಾಲ್ ಫಾರ್ಮ್ಗೆ ಮರಳಿರುವುದು ಕಿಂಗ್ಸ್‌ಗೆ ಭರವಸೆ ತಂದಿದೆ.
ಪಾಯಿಂಟ್ ಟೇಬಲ್ನಲ್ಲಿ ಆರ್ಸಿಬಿ ಆಡಿದ 11 ಪಂದ್ಯದಲ್ಲಿ 7ರಲ್ಲಿ ಜಯ ದಾಖಲಿಸಿದ್ದು, 4 ರಲ್ಲಿ ಸೋತು 3ನೇ ಸ್ಥಾನದಲ್ಲಿದೆ. ಪಂಜಾಬ್ 5 ಪಂದ್ಯ ಗೆದ್ದು 7ರಲ್ಲಿ ಸೋಲನುಭವಿಸಿ 5ನೇ ಸ್ಥಾನದಲ್ಲಿದೆ.
ಆರ್ಸಿಬಿಯಲ್ಲಿ ಆರಂಭಿಕರಾಗಿ ನಾಯಕ ವಿರಾಟ್ ಕೊಹ್ಲಿ ಹಾಗೂ ದೇವ್ದತ್ ಪಡಿಕಲ್ ಉತ್ತಮ ಆರಂಭ ನೀಡುತ್ತಿದ್ದಾರೆ. ಜೊತೆಗೆ ಬೌಲಿಂಗ್ ವಿಭಾಗದಲ್ಲಿ ಹರ್ಷಲ್ ಪಟೇಲ್ ಹಾಗೂ ಚಾಹಲ್ ಮಾರಕ ದಾಳಿ ನಡೆಸುತ್ತಿದ್ದಾರೆ. ಹರ್ಷಲ್ ಅತೀ ಹೆಚ್ಚು ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ಮುಡಿಗೇರಿಸಿಕೊಂಡಿದ್ದಾರೆ.
ಸಂಭಾವ್ಯ ಆಟಗಾರರ ಪಟ್ಟಿ ಹೀಗಿದೆ..
RCB: ವಿರಾಟ್ ಕೊಹ್ಲಿ (ಕ್ಯಾ), ಕೆ.ಎಸ್.ಭರತ್ (ವಿ/ಕೀ), ಗ್ಲೆನ್ ಮ್ಯಾಕ್ಸ್ವೆಲ್, ಎಬಿ ಡಿ ವಿಲಿಯರ್ಸ್, ಶಹಬಾಜ್ ಅಹ್ಮದ್, ಡೇನಿಯಲ್‌ ಕ್ರಿಶ್ಚಿಯನ್, ಹಸರಂಗ/ಜಾರ್ಜ್ ಗಾರ್ಟನ್, ಹರ್ಷಲ್ ಪಟೇಲ್, ಮೊಹಮದ್ ಸಿರಾಜ್ ಹಾಗು ಯಜುವೇಂದ್ರ ಚಾಹಲ್.
PBKS: ಕೆ.ಎಲ್.ರಾಹುಲ್ (ಕ್ಯಾ,ವಿ/ಕೀ), ಮಯಾಂಕ್ ಅಗರ್ವಾಲ್, ನಿಕೋಲಸ್ ಪೂರನ್, ಏಡನ್ ಮಾರ್ಕ್ರಮ್, ಶಾರುಖ್ ಖಾನ್, ಹಪ್ರೀತ್ ಬ್ರಾರ್, ಫೇಬಿಯನ್ ಆಲೆನ್/ ಆದಿಲ್ ರಶೀದ್, ಕ್ರಿಸ್ ಜೋರ್ಡನ್/ನಾರ್ಥನ್ ಎಲ್ಲಿಸ್, ಮೊಹಮ್ಮದ್ ಶಮಿ, ರವಿ ಬಿಶ್ಣೋಯ್ ಹಾಗು ಅರ್ಷದೀಪ್ ಸಿಂಗ್
ಸ್ಥಳ:
ಶಾರ್ಜಾ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನ
ಸಮಯ: ಮಧ್ಯಾಹ್ನ 3.30 ಗಂಟೆಗೆ
