LSG vs MI: ಲಕ್ನೋಗೆ ಆಸರೆಯಾದ ಮಾರ್ಕಸ್ ಸ್ಟೋನಿಸ್, ಮುಂಬೈ ಗೆಲುವಿಗೆ 178 ರನ್​ನ ಗುರಿ

ಲಕ್ನೋದ ಏಕಾನಾ ಸ್ಟೇಡಿಯಂ ನಡೆಯುತ್ತಿರುವ ಇಂಡಿಯನ್ ಪ್ರೀಮಿಯರ್ ಲೀಗ್​ನ ಇಂದಿನ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ (ಎಂಐ) ಮತ್ತು ಲಕ್ನೋ ಸೂಪರ್ ಜೈಂಟ್ಸ್ (ಎಲ್​ಎಸ್​ಜಿ) ಮುಖಾಮುಖಿಯಾಗುತ್ತಿವೆ.

ಲಕ್ನೋ (ಉತ್ತರ ಪ್ರದೇಶ): ಮುಂಬೈ ಇಂಡಿಯನ್ಸ್​ನ ಬ್ಯಾಟಿಂಗ್​ ಫಾರ್ಮ್​ಗೆ ಬಂದಿದೆ, ಬೌಲಿಂಗ್​ನಲ್ಲಿ ಸುಧಾರಿಸಿಕೊಳ್ಳ ಬೇಕು ಎಂದು ವಿಮರ್ಶಿಸಲಾಗುತ್ತಿತ್ತು. ಇಂದು ಲಕ್ನೋ ವಿರುದ್ಧ ವಿಕೆಟ್​ ಉರುಳಿಸದಿದ್ದರೂ ಕೃನಾಲ್​ ಪಡೆಯನ್ನು ಅವರ ತವರು ನೆಲದಲ್ಲೇ ಮುಂಬೈ ಕಟ್ಟಿಹಾಕಿದೆ. ಎಂಐನ ಬಿಗಿಯಾದ ಬೌಲಿಂಗ್​ ನಡುವೆ ನಾಯಕ ಕೃನಾಲ್​ ಪಾಂಡ್ಯ ಹಾಗೂ ಮಾರ್ಕಸ್ ಸ್ಟೋನಿಸ್ ಬ್ಯಾಟಿಂಗ್​ ನೆರವಿನಿಂದ ಲಕ್ನೋ ನಿಗದಿತ ಓವರ್​ ಅಂತ್ಯಕ್ಕೆ 3 ವಿಕೆಟ್​ ನಷ್ಟಕ್ಕೆ 177 ರನ್ ಗಳಿಸಿದರು. ಮುಂಬೈ ಗೆಲುವಿಗೆ 178 ರನ್​ನ ಅಗತ್ಯವಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಬಂದ ಲಕ್ನೂ ಸೂಪರ್​ ಜೈಂಟ್ಸ್​ ಆರಂಭಿಕ ಜೊತೆಯಾಟದ ಕೊರತೆ ಅನುಭವಿಸಿತು. ತಂಡ ಮೊತ್ತ 12 ಆಗಿದ್ದಾಗ 2.1 ಓವರ್​ನಲ್ಲಿ ದೀಪಕ್ ಹೂಡಾ 6 ರನ್​ಗೆ ವಿಕೆಟ್​ ಕೊಟ್ಟರೆ, ಪ್ರೇರಕ್ ಮಂಕಡ್ ಶೂನ್ಯಕ್ಕೆ ವಿಕೆಟ್​ ಕೊಟ್ಟಿದ್ದಾರೆ. ನಂತರ ನಾಯಕ ಕೃನಾಲ್​ ಪಾಂಡ್ಯ ಮತ್ತು ಡಿ ಕಾಕ್​ ಅವರನ್ನು ಸೇರಿಕೊಂಡರು. ಆದರೆ ಡಿ ಕಾಕ್ 16 ರನ್​ ಗಳಿಸಿ ಔಟ್ ಆದರು.

• Innings break!
  
  An exceptional knock from @MStoinis inspires @LucknowIPL to a 177/3 in the first innings 🔥🔥
  
  A huge chase coming up for @mipaltan. Can they do it?
  
  Scorecard ▶️ https://t.co/yxOTeCROIh #TATAIPL | #LSGvMI pic.twitter.com/IuqLDqCyWy

  — IndianPremierLeague (@IPL) May 16, 2023 " class="align-text-top noRightClick twitterSection" data="

  Innings break!
  
  An exceptional knock from @MStoinis inspires @LucknowIPL to a 177/3 in the first innings 🔥🔥
  
  A huge chase coming up for @mipaltan. Can they do it?
  
  Scorecard ▶️ https://t.co/yxOTeCROIh #TATAIPL | #LSGvMI pic.twitter.com/IuqLDqCyWy

  — IndianPremierLeague (@IPL) May 16, 2023

  ">

  Innings break!
  
  An exceptional knock from @MStoinis inspires @LucknowIPL to a 177/3 in the first innings 🔥🔥
  
  A huge chase coming up for @mipaltan. Can they do it?
  
  Scorecard ▶️ https://t.co/yxOTeCROIh #TATAIPL | #LSGvMI pic.twitter.com/IuqLDqCyWy

  — IndianPremierLeague (@IPL) May 16, 2023

ಡಿ ಕಾಕ್​ ನಂತರ ಬಂದ ಮಾರ್ಕಸ್ ಸ್ಟೋನಿಸ್ ನಾಯಕ ಕೃನಾಲ್​ಗೆ ಸಾಥ್​ ನೀಡಿದರು. ತಂಡ ಸಂಕಷ್ಟದಲ್ಲಿದ್ದಾಗ ಜೋಡಿ 89 ರನ್​ನ ಜೊತೆಯಾಟ ಮಾಡಿತು. ಇದು ಲಕ್ನೋ ತಂಡ ದಾಖಲೆಯ ಜೊತೆಯಾಟವಾಗಿದೆ. ಲಕ್ನೋ ತಂಡದಲ್ಲಿ ಈ ಆವೃತ್ತಿಯಲ್ಲಿ ಯಾವುದೇ ವಿಕೆಟ್​ಗೆ 89 ರನ್ ಜೊತೆಯಾಟ ಬಂದಿರಲಿಲ್ಲ. 42 ಬಾಲ್​ ಎದುರಿಸಿ 49 ರನ್ ಗಳಿಸಿ ಆಡುತ್ತಿದ್ದ ಕೃನಾಲ್​ ಪಾಂಡ್ಯ ಗಾಯಕ್ಕೆ ತುತ್ತಾದರು. ಇದರಿಂದ 1 ರನ್​ನಿಂದ ಅರ್ಧಶತಕದಿಂದ ವಂಚಿತರಾದರು. ಕೃನಾಲ್​ ಗಾಯದ ಕಾರಣ ರಿಟೈರ್ಡ್​ ಹರ್ಟ್​ ಎಂದು ಘೋಷಿಸಿ ಪೆವಿಲಿಯನ್​ಗೆ ಮರಳಿದರು.

ಪೂರನ್ ಕೃನಾಲ್​ ಜಾಗಕ್ಕೆ ಮರಳಿದರು. ವಿಕೆಟ್​ ಮೇಲೆ ಮೊದಲು ನಿಯಂತ್ರಣ ಸಾಧಿಸಿದ್ದ ಮುಂಬೈ ಬೌಲರ್​ಗಳು ಕೊನೆಯ ಓವರ್​ಗಳಲ್ಲಿ ದುಬಾರಿಯಾದರು. ಕೊನೆಯ ಮೂರು ಓವರ್​ನಲ್ಲಿ 54 ರನ್ ಲಕ್ನೋ ತಂಡಕ್ಕೆ ಹರಿದು ಬಂತು. 18 ನೇ ಓವರ್​ ಮಾಡಿದ ಕ್ರಿಸ್ ಜೋರ್ಡಾನ್ ಬರೋಬ್ಬರಿ 24 ರನ್​ ಬಿಟ್ಟುಕೊಟ್ಟರು. ಈ ವೇಳೆ ಮಾರ್ಕಸ್ ಸ್ಟೋನಿಸ್ ಭರ್ಜರಿ ಅರ್ಧಶತಕ ಗಳಿಸಿದರು.

47 ಬಾಲ್​ ಎದುರಿಸಿದ ಮಾರ್ಕಸ್ ಸ್ಟೋನಿಸ್ 8 ಸಿಕ್ಸ್​ ಮತ್ತು 4 ಬೌಂಡರಿ ಸಹಾಯದಿಂದ 89 ರನ್​ ಗಳಿಸಿ ಅಜೇಯರಾಗಿ ಉಳಿದರು. ಇವರ ಇನ್ನಿಂಗ್ಸ್​ ಸಹಾಯದಿಂದ 177 ರನ್​ಗೆ ಲಕ್ನೋ ತಲುಪಿತು. ಮುಂಬೈನ ಜೇಸನ್ ಬೆಹ್ರೆನ್‌ಡಾರ್ಫ್ 2 ವಿಕೆಟ್​ ಮತ್ತು ಪಿಯೂಷ್ ಚಾವ್ಲಾ 1 ವಿಕೆಟ್​ ಪಡೆದರು.

ತಂಡಗಳು ಇಂತಿವೆ..: ಮುಂಬೈ ಇಂಡಿಯನ್ಸ್​​: ರೋಹಿತ್ ಶರ್ಮಾ(ನಾಯಕ), ಇಶಾನ್ ಕಿಶನ್(ವಿಕೆಟ್​ ಕೀಪರ್), ಕ್ಯಾಮೆರಾನ್ ಗ್ರೀನ್, ಸೂರ್ಯಕುಮಾರ್ ಯಾದವ್, ನೆಹಾಲ್ ವಧೇರಾ, ಟಿಮ್ ಡೇವಿಡ್, ಹೃತಿಕ್ ಶೋಕೀನ್, ಕ್ರಿಸ್ ಜೋರ್ಡಾನ್, ಪಿಯೂಷ್ ಚಾವ್ಲಾ, ಜೇಸನ್ ಬೆಹ್ರೆನ್‌ಡಾರ್ಫ್, ಆಕಾಶ್ ಮಧ್ವಲ್

ಲಕ್ನೋ ಸೂಪರ್​ ಜೈಂಟ್ಸ್​​: ಕ್ವಿಂಟನ್ ಡಿ ಕಾಕ್(ವಿಕೆಟ್​ ಕೀಪರ್​), ದೀಪಕ್ ಹೂಡಾ, ಪ್ರೇರಕ್ ಮಂಕಡ್, ಕೃನಾಲ್ ಪಾಂಡ್ಯ(ನಾಯಕ), ಮಾರ್ಕಸ್ ಸ್ಟೋನಿಸ್, ನಿಕೋಲಸ್ ಪೂರನ್, ಆಯುಷ್ ಬಡೋನಿ, ನವೀನ್-ಉಲ್-ಹಕ್, ರವಿ ಬಿಷ್ಣೋಯ್, ಸ್ವಪ್ನಿಲ್ ಸಿಂಗ್, ಮೊಹ್ಸಿನ್ ಖಾನ್

ಇದನ್ನೂ ಓದಿ: ವರ್ಷದಲ್ಲಿ ಆಡಿದ ಎಲ್ಲಾ ಮಾದರಿಯಲ್ಲೂ ಶತಕ: ಗಿಲ್​ ವಿಶಿಷ್ಟ ಸಾಧನೆ