ಮುಂಬೈ: ನಿನ್ನೆ ಬಲಾಢ್ಯ ಗುಜರಾತ್ ಟೈಟಾನ್ಸ್ ಹಾಗೂ ಕಳಪೆ ಪ್ರದರ್ಶನದಿಂದ ಈಗಾಗಲೇ ಪ್ರಶಸ್ತಿ ಪೈಪೋಟಿಯಿಂದ ಹೊರಬಿದ್ದಿರುವ ಮುಂಬೈ ಇಂಡಿಯನ್ಸ್ ಮುಖಾಮುಖಿಯಾಗಿದ್ದವು. ಟಾಸ್ ಸೋತ ರೋಹಿತ್ ಬಳಗ ಹಾರ್ದಿಕ್ ಪಾಂಡ್ಯ ಬಳಗಕ್ಕೆ 178 ರನ್ಗಳ ಗುರಿ ನೀಡಿತ್ತು. ಈ ಪಂದ್ಯ ಗೆದ್ದು ಪ್ಲೇ-ಆಫ್ಗೆ ಅಧಿಕೃತವಾಗಿ ಲಗ್ಗೆ ಹಾಕುವ ಕಾತರದಲ್ಲಿದ್ದ ಗುಜರಾತ್ ತಂಡ ಕೊನೆಯಲ್ಲಿ ಎಡವಿ ಐದು ರನ್ಗಳಿಂದ ಸೋಲು ಕಂಡಿತು. ಐಪಿಎಲ್ ಟೂರ್ನಿಯಲ್ಲಿ ಮುಂಬೈ ತಂಡ 2ನೇ ಗೆಲುವು ಸಾಧಿಸಿದೆ.
-
READ: Daniel Sams kept his calm in the final over as the @ImRo45-led @mipaltan sealed a thrilling 5⃣-run win against #GT. 👏 👏 - By @mihirlee_58
— IndianPremierLeague (@IPL) May 6, 2022 " class="align-text-top noRightClick twitterSection" data="
Here's the match report 🔽 #TATAIPL | #GTvMI https://t.co/iYwG2x0KMc
">READ: Daniel Sams kept his calm in the final over as the @ImRo45-led @mipaltan sealed a thrilling 5⃣-run win against #GT. 👏 👏 - By @mihirlee_58
— IndianPremierLeague (@IPL) May 6, 2022
Here's the match report 🔽 #TATAIPL | #GTvMI https://t.co/iYwG2x0KMcREAD: Daniel Sams kept his calm in the final over as the @ImRo45-led @mipaltan sealed a thrilling 5⃣-run win against #GT. 👏 👏 - By @mihirlee_58
— IndianPremierLeague (@IPL) May 6, 2022
Here's the match report 🔽 #TATAIPL | #GTvMI https://t.co/iYwG2x0KMc
ಮುಂಬೈ ಇಂಡಿಯನ್ಸ್ ಇನ್ನಿಂಗ್ಸ್: ಮೊದಲು ಬ್ಯಾಟಿಂಗ್ ಆರಂಭಿಸಿದ್ದ ಮುಂಬೈ ಇಂಡಿಯನ್ಸ್ ತಂಡ ಗುಜರಾತ್ ಟೈಟಾನ್ಸ್ ತಂಡದ ಬೌಲರ್ಗಳ ಬೆವರಿಳಿಸಿದರು. ನಾಯಕ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶಾನ್ ಜೋಡಿ ಭರ್ಜರಿ ಬ್ಯಾಟಿಂಗ್ ಮಾಡಿ, 7 ಓವರ್ಗಳಿಗೆ ವಿಕೆಟ್ ನಷ್ಟವಿಲ್ಲದೇ 74 ರನ್ಗಳನ್ನು ಕಲೆ ಹಾಕಿ ಮುನ್ನುಗ್ಗುತ್ತಿತ್ತು. ಆದರೆ, 7ನೇ ಓವರ್ನ ಮೂರನೇ ಎಸೆತದಲ್ಲಿ ನಾಯಕ ರೋಹಿತ್ ಶರ್ಮಾ 43 ರನ್ಗಳು ಕಲೆ ಹಾಕಿ ಪೆವಿಲಿಯನ್ ಹಾದಿ ಹಿಡಿದರು.
ಭರ್ಜರಿ ಬ್ಯಾಟಿಂಗ್ ನಡೆಸಿದ ಇಶಾನ್ ಕಿಶಾನ್ಗೆ ಸೂರ್ಯಕುಮಾರ್ ಯಾದವ್ ಜೊತೆಯಾದರು. ಆದರೆ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲದ ಸೂರ್ಯಕುಮಾರ್ ಯಾದವ್ 13 ರನ್ ಗಳಿಸಿ ಔಟಾದರು. ಬಳಿಕ ಆರಂಭಿಕ ಆಟಗಾರನಾದ ಇಶಾನ್ ಸಹಿತ 45 ರನ್ ಗಳಿಸಿ ಜೋಸೆಫ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು.
ಇಶಾನ್ ಔಟಾದ ಬಳಿಕ 4 ರನ್ಗಳಿಸಿ ಪೊಲಾರ್ಡ್ ಸಹ ಔಟಾದರು. ಬಳಿಕ ತಿಲಕ್ ವರ್ಮಾ 21 ರನ್ ಮತ್ತು ಟಿಮ್ ಡೇವಿಡ್ ಅಜೇಯರಾಗಿ 44 ರನ್ ಕಲೆ ಹಾಕುವ ಮೂಲಕ ತಂಡದ ಮೊತ್ತವನ್ನು ಹೆಚ್ಚಿಸುವಲ್ಲಿ ಶ್ರಮಿಸಿದರು. ಮುಂಬೈ ತಂಡ ನಿಗದಿತ 20 ಓವರ್ಗಳಿಗೆ ಆರು ವಿಕೆಟ್ ನಷ್ಟಕ್ಕೆ 177 ರನ್ಗಳನ್ನು ಕಲೆ ಹಾಕುವ ಮೂಲಕ ಗುಜರಾತ್ ಟೈಟಾನ್ಸ್ಗೆ 178 ರನ್ಗಳ ಗುರಿ ನೀಡಿತ್ತು. ಗುಜರಾತ್ ಟೈಟಾನ್ಸ್ ಪರ ರಶೀದ್ ಖಾನ್ ಎರಡು ವಿಕೆಟ್ ಕಬಳಿಸಿದ್ರೆ, ಅಲ್ಜಾರಿ ಜೋಸೆಫ್, ಲಾಕಿ ಫರ್ಗುಸನ್, ಪ್ರದೀಪ್ ಸಂಗ್ವಾನ್ ತಲಾ ಒಂದೊಂದು ವಿಕೆಟ್ ಪಡೆದು ತಂಡಕ್ಕೆ ಆಸರೆಯಾದರು.
ಓದಿ: ಅರ್ಧ ಶತಕದ ಹಾದಿಯಲ್ಲಿ ಎಡವಿದ ರೋಹಿತ್, ಇಶಾನ್, ಡೇವಿಡ್... ಬಲಿಷ್ಠ ಗುಜರಾತ್ಗೆ 178 ರನ್ಗಳ ಗುರಿ ನೀಡಿದ ಮುಂಬೈ!
ಗುಜರಾತ್ ಟೈಟಾನ್ಸ್ ಇನ್ನಿಂಗ್ಸ್: ಮುಂಬೈ ನೀಡಿದ ಗುರಿಯನ್ನು ಬೆನ್ನತ್ತಿದ್ದ ಗುಜರಾತ್ ತಂಡಕ್ಕೆ ಉತ್ತಮ ಆರಂಭ ದೊರೆತಿತ್ತು. ಆರಂಭಿಕರಾದ ವೃದ್ಧಿಮಾನ್ ಸಹಾ ಮತ್ತು ಶುಬ್ಮನ್ ಗಿಲ್ ಮೊದಲ ವಿಕೆಟ್ಗೆ 106 ರನ್ಗಳ ಜೊತೆಯಾಟವಾಡಿ ಮಿಂಚಿದ್ರು. ಉತ್ತಮವಾಗಿಯೇ ಬ್ಯಾಟ್ ಬೀಸುತ್ತಿದ್ದ ಶುಬ್ಮನ್ ಗಿಲ್ 52 ರನ್ ಗಳಿಸಿ 12 ಓವರ್ನ ಮೊದಲನೇ ಎಸೆತದಲ್ಲಿ ಮುರುಗನ್ ಅಶ್ವಿನ್ಗೆ ವಿಕೆಟ್ ನೀಡಿದ್ರು. ಇದರ ಬೆನ್ನಲ್ಲೇ 12 ಓವರ್ನ ಕೊನೆಯ ಎಸೆತದಲ್ಲಿ ಮುರಗನ್ ಅಶ್ವಿನ್ಗೆ 55 ರನ್ ಕಲೆ ಹಾಕಿದ್ದ ವೃದ್ಧಿಮಾನ್ ಸಹಾ ಕೂಡ ಪೆವಿಲಿಯನ್ ಹಾದಿ ಹಿಡಿದರು. ಒಂದೇ ಓವರ್ನಲ್ಲಿ ಆರಂಭಿಕರ ವಿಕೆಟ್ ಪಡೆದು ಅಶ್ವಿನ್ ಮಿಂಚಿದ್ರು.
ಒಂದೇ ಓವರ್ನಲ್ಲಿ ಆರಂಭಿಕರನ್ನು ಕಳೆದುಕೊಂಡ ತಂಡ ಸಂಕಷ್ಟಕ್ಕೆ ಸಿಲುಕಿತು. ಬಳಿಕ ಬಂದ ಸಾಯಿ ಸುದರ್ಶನ್ ಮತ್ತು ಹಾರ್ದಿಕ್ ಪಾಂಡ್ಯ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ. ಸುದರ್ಶನ್ 11 ರನ್ಗಳಿಸಿ ಔಟಾದ್ರೆ, ನಾಯಕ ಹಾರ್ದಿಕ್ ಪಾಂಡ್ಯ 24 ರನ್ ಗಳಿಸಿ ರನೌಟ್ ಆದರು. ಡೇವಿಡ್ ಮಿಲ್ಲರ್ ಮತ್ತು ರಾಹುಲ್ ತೆವಾಟಿಯಾ ತಂಡಕ್ಕೆ ಗೆಲುವು ಧಕ್ಕಿಸಿ ಕೊಡುವಲ್ಲಿ ವಿಫಲರಾದರು.
ಕೊನೆಯ ಓವರ್ನಲ್ಲಿ ಗುಜರಾತ್ ತಂಡಕ್ಕೆ ಗೆಲ್ಲಲು 6 ಎಸೆತಗಳಿಗೆ 9 ರನ್ಗಳು ಬೇಕಾಗಿದ್ದವು. ಆದ್ರೆ 19 ಓವರ್ನ ಮೂರನೇ ಎಸೆತದಲ್ಲಿ ರಾಹುಲ್ ತೆವಾಟಿಯಾ ರನ್ ಕದಿಯುವ ಭರದಲ್ಲಿ ರನೌಟ್ ಆದರು. ಮೂರು ಎಸೆತದಲ್ಲಿ ತಂಡದ ಗೆಲುವಿಗಾಗಿ 7 ರನ್ ಗಳಿಸುವ ಅವಶ್ಯಕತೆ ಗುಜರಾತ್ಗೆ ಎದುರಾಯಿತು. ಆದ್ರೆ ಡೇವಿಡ್ ಮಿಲ್ಲರ್ ಮೂರು ಎಸೆತದಲ್ಲಿ ಕೇವಲ ಒಂದು ರನ್ ಗಳಿಸಲು ಸಶಕ್ತರಾದರು.
ಒಟ್ಟಿನಲ್ಲಿ ಗುಜರಾತ್ ತಂಡ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ಗಳನ್ನು ಕಳೆದುಕೊಂಡು 172 ರನ್ಗಳನ್ನು ಕಲೆ ಹಾಕಿ ಗುರಿ ಮುಟ್ಟದೇ ಐದು ರನ್ಗಳ ಸೋಲು ಅನುಭವಿಸಿತು. ಮುಂಬೈ ಪರ ಮುರಗನ್ ಅಶ್ವಿನ್ ಎರಡು ವಿಕೆಟ್ ಪಡೆದ್ರೆ, ಕೀರಾನ್ ಪೊಲಾರ್ಡ್ ಒಂದು ವಿಕೆಟ್ ಕಬಳಿಸಿ ಮಿಂಚಿದ್ರು.
ಇಂದು ಮಧ್ಯಾಹ್ನ 3.30ಕ್ಕೆ ಪಂಜಾಬ್ ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವೆ ಪೈಪೋಟಿ ನಡೆಯಲಿದ್ದು, ಸಂಜೆ 7.30ಕ್ಕೆ ಲಖನೌ ಸೂಪರ್‌ಜೈಂಟ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವೆ ಪಂದ್ಯ ನಡೆಯಲಿದೆ.
