ಭಾರತ ಕ್ರಿಕೆಟ್ ತಂಡದ ತಾರಾ ಆಲ್ರೌಂಡರ್ ರವೀಂದ್ರ ಜಡೇಜಾ ಕತ್ತಿವರಸೆ ಮಾದರಿಯಲ್ಲಿ ಬ್ಯಾಟ್ ಝಳಪಿಸಿ ಸಂಭ್ರಮಾಚರಣೆ ಮಾಡುವುದು ಎಲ್ಲರಿಗೂ ಗೊತ್ತೇ ಇದೆ. ಜಡೇಜಾ ಬ್ಯಾಟ್ನಿಂದ ಅರ್ಧಶತಕ, ಶತಕ ಸಿಡಿದಲ್ಲಿ ಬ್ಯಾಟ್ ಅನ್ನು ಕತ್ತಿಯಂತೆ ತಿರುವು ಪ್ರಸಿದ್ಧವಾಗಿದೆ. ಅದನ್ನು ಹಲವು ಆಟಗಾರರು ನಕಲು ಕೂಡ ಮಾಡಿದ್ದಾರೆ. ಅದರಂತೆ ನಿನ್ನೆ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯದಲ್ಲಿ ಡೆಲ್ಲಿ ನಾಯಕ ಡೇವಿಡ್ ವಾರ್ನರ್ ಜಡೇಜಾರ ಕತ್ತಿವರಸೆಯನ್ನು ಮಾಡಿ ಗಮನ ಸೆಳೆದರು.
ಸಿಎಸ್ಕೆ ಬೌಲರ್ಗಳನ್ನು ಕಾಡಿದ ವಾರ್ನರ್ ಪಂದ್ಯದಲ್ಲಿ ಅದ್ಭುತವಾಗಿ ಬ್ಯಾಟ್ ಬೀಸಿದರು. ಡೆಲ್ಲಿ ನಾಯಕ 58 ಎಸೆತಗಳಲ್ಲಿ 86 ರನ್ ಗಳಿಸಿದಾಗ್ಯೂ ಪಂದ್ಯದಲ್ಲಿ ಸೋಲುಂಟಾಯಿತು. ಪಂದ್ಯದ ನಡುವೆ ಜಡೇಜಾ ಮತ್ತು ವಾರ್ನರ್ ನಡುವಿನ ತಮಾಷೆ ಗಮನ ಸೆಳೆಯಿತು.
-
The mind-games have hit a new high here in Delhi 😃#TATAIPL | #DCvCSK | @imjadeja | @davidwarner31
— IndianPremierLeague (@IPL) May 20, 2023 " class="align-text-top noRightClick twitterSection" data="
Watch the Warner 🆚 Jadeja battle here 🎥🔽 pic.twitter.com/o5UF6U2sAY
">The mind-games have hit a new high here in Delhi 😃#TATAIPL | #DCvCSK | @imjadeja | @davidwarner31
— IndianPremierLeague (@IPL) May 20, 2023
Watch the Warner 🆚 Jadeja battle here 🎥🔽 pic.twitter.com/o5UF6U2sAYThe mind-games have hit a new high here in Delhi 😃#TATAIPL | #DCvCSK | @imjadeja | @davidwarner31
— IndianPremierLeague (@IPL) May 20, 2023
Watch the Warner 🆚 Jadeja battle here 🎥🔽 pic.twitter.com/o5UF6U2sAY
ಐದನೇ ಓವರ್ನ ಮೂರನೇ ಎಸೆತದಲ್ಲಿ ವಾರ್ನರ್ ದೀಪಕ್ ಚಹರ್ ಎಸೆತವನ್ನು ಕವರ್ ಡ್ರೈವ್ ಮಾಡಿ ರನ್ಗಾಗಿ ಓಡಿದರು. ಅಲ್ಲಿಯೇ ಕ್ಷೇತ್ರ ರಕ್ಷಣೆ ಮಾಡುತ್ತಿದ್ದ ಮೊಯಿನ್ ಅಲಿ ನಾನ್ ಸ್ಟ್ರೈಕರ್ನತ್ತ ಚೆಂಡನ್ನು ವಿಕೆಟ್ಗೆ ಗುರಿಯಾಗಿಸಿ ಎಸೆದರು. ಆದರೆ, ದೂರದಲ್ಲಿ ಸಾಗಿತು. ರನೌಟ್ ಆಗುವುದನ್ನು ತಪ್ಪಿಸಲು ವಾರ್ನರ್ ಡೈವ್ ಹೊಡೆದರು. ಬಳಿಕ ಮತ್ತೊಂದು ರನ್ಗಾಗಿ ಓಡಲು ಮುಂದಾದರು. ಅತ್ತ ಅಜಿಂಕ್ಯಾ ರಹಾನೆ ಚೆಂಡನ್ನು ಕೈಯಲ್ಲಿ ಹಿಡಿದು ಎಸೆಯುವಂತೆ ಮಾಡಿದರು.
ಈ ವೇಳೆ ವಾರ್ನರ್ ಅಜಿಂಕ್ಯಾರನ್ನು ಕೆಣಕುವಂತೆ ಪಿಚ್ ಕ್ರೀಸ್ ದಾಟಿ ಮುಂದೆ ಸಾಗಿದರು. ಎದುರುಗಡೆ ಇದ್ದ ರವೀಂದ್ರ ಜಡೇಜಾ ಚೆಂಡನ್ನು ಎಸೆಯುವಂತೆ ಅಜಿಂಕ್ಯಾಗೆ ಸೂಚಿಸಿದರು. ತಕ್ಷಣ ರಹಾನೆ ಚೆಂಡನ್ನು ವಿಕೆಟ್ಗಿಂತಲೂ ದೂರವೇ ಎಸೆದರು. ಇದರಿಂದ ಮತ್ತೆ ಓಡಲು ವಾರ್ನರ್ ಮುಂದೆ ಸಾಗಿದಾಗ ಚೆಂಡನ್ನು ಪಡೆದ ಜಡೇಜಾ ರನೌಟ್ ಮಾಡುವ ಎಚ್ಚರಿಕೆ ನೀಡಿದರು. ಆಗ ವಾರ್ನರ್ ತಮಾಷೆಯಾಗಿ ಜಡೇಜಾರ ಕತ್ತಿವರಸೆಯನ್ನು ಮಾಡುವ ಮೂಲಕ ಸವಾಲು ಹಾಕಿದರು. ವಾರ್ನರ್ರ ಈ ತಮಾಷೆಯ ನಡೆ ಅಲ್ಲಿದ್ದವರಲ್ಲಿ ನಗು ತರಿಸಿತು. ಸ್ವತಃ ಜಡೇಜಾ ಕೂಡ ನಗುತ್ತಲೇ ಅಲ್ಲಿಂದ ಸಾಗಿದರು.
ಡಬ್ಬಿಂಗ್ ಡೇವಿಡ್ ವಾರ್ನರ್: ಆಸ್ಟ್ರೇಲಿಯಾ ಎಡಗೈ ದಾಂಡಿಗ ಡೇವಿಡ್ ವಾರ್ನರ್ ನಕಲು ಮಾಡುವುದರಲ್ಲಿ ನಿಸ್ಸೀಮರು. ಹಲವಾರು ಸಿನಿಮಾ ಹಾಡುಗಳಿಗೆ ಟಿಕ್ಟಾಕ್ ಮಾಡುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಾರೆ. ಡೈಲಾಗ್ಗಳನ್ನು ಹೇಳಿದ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ. ಮೈದಾನದಲ್ಲೂ ಲವಲವಿಕೆಯಿಂದ ಇರುವ ವಾರ್ನರ್ ತಮಾಷೆಯಾಗಿ ಎದುರಾಳಿಗಳನ್ನು ಕೆಣಕುತ್ತಲೇ ಇರುತ್ತಾರೆ. ಜಡೇಜಾರ ಕತ್ತಿವರಸೆ ನಕಲಿಗೆ ಅಭಿಮಾನಿಗಳು ಸಹಿತ ನಗೆಬುಗ್ಗೆ ಹರಿಸಿದ್ದಾರೆ.
ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 77 ರನ್ಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಸೋಲಿಸಿತು. ಈ ಮೂಲಕ ಸಿಎಸ್ಕೆ 14 ಪಂದ್ಯಗಳ ಲೀಗ್ ಅಭಿಯಾನವನ್ನು 17 ಅಂಕಗಳೊಂದಿಗೆ ಕೊನೆಗೊಳಿಸಿ, ನಾಕೌಟ್ಗೆ ಕ್ವಾಲಿಫೈ ಆಯಿತು. ಮೊದಲು ಬ್ಯಾಟಿಂಗ್ ಮಾಡಿದ ಸಿಎಸ್ಕೆ ಆರಂಭಿಕರಾದ ಡೆವೋನ್ ಕಾನ್ವೆ ಮತ್ತು ಋತುರಾಜ್ ಗಾಯಕ್ವಾಡ್ ಅವರ ಭರ್ಜರಿ ಅರ್ಧಶತಕದ ಬಲದಿಂದ 223 ರನ್ಗಳ ಬೃಹತ್ ಮೊತ್ತ ದಾಖಲಿಸಿತು.
ಡೆವೋನ್ ಕಾನ್ವೆ 51 ಎಸೆತಗಳಲ್ಲಿ 87 ರನ್ ಮಾಡಿದರೆ, ಋತುರಾಜ್ ಗಾಯಕ್ವಾಡ್ 50 ಬಾಲ್ಗಳಲ್ಲಿ 79 ರನ್ ಗಳಿಸಿದರು. ಇಬ್ಬರೂ ಸೇರಿ ಮೊದಲ ವಿಕೆಟ್ಗೆ 141 ರನ್ ಜೊತೆಯಾಟ ನೀಡಿದರು. ಈಗಾಗಲೇ ಟೂರ್ನಿಯಿಂದ ಹೊರಬಿದ್ದಿರುವ ಡೆಲ್ಲಿ ತನ್ನ ಕೊನೆಯ ಔಪಚಾರಿಕ ಪಂದ್ಯದಲ್ಲೂ ನಿರಾಶಾದಾಯಕ ಪ್ರದರ್ಶನ ನೀಡಿ 146 ರನ್ ಗಳಿಸಲಷ್ಟೇ ಶಕ್ತವಾಯಿತು. ನಾಯಕ ಡೇವಿಡ್ ವಾರ್ನರ್ 58 ಎಸೆತಗಳಲ್ಲಿ 86 ರನ್ ಗಳಿಸಿದ್ದು, ತಂಡದ ಬ್ಯಾಟರ್ಗಳ ಅತ್ಯಧಿಕ ಮೊತ್ತವಾಗಿತ್ತು.
ಇದನ್ನೂ ಓದಿ: ಆರ್ಸಿಬಿ, ಮುಂಬೈ, ರಾಯಲ್ಸ್: ಮೂವರಲ್ಲಿ 4ನೇ ಪ್ಲೇಆಫ್ ಸ್ಥಾನ ಯಾರಿಗೆ?