IND vs WI 3rd ODI: ಲಾರಾ ಪಿಚ್​ನಲ್ಲಿ ಮೊದಲ ಅಂತಾರಾಷ್ಟ್ರೀಯ ಏಕದಿನ.. ಭಾರತ ತಂಡಕ್ಕೆ ದ್ರಾವಿಡ್​ ಪ್ರಯೋಗ ಏನು?

IND vs WI 3rd ODI: ಎರಡನೇ ಏಕದಿನ ಪಂದ್ಯದ ಸೋಲಿನ ಬಳಿಕ ಭಾರತ ತಂಡದಲ್ಲಿ ಸರಣಿ ಸೋಲಿನ ಭೀತಿಯೂ ಕಾಡಲಾರಂಭಿಸಿದೆ. ಇಂತಹ ಪರಿಸ್ಥಿತಿಯಲ್ಲಿ, ಇಂದು ಭಾರತ ಯಾವೆಲ್ಲಾ ಪ್ರಯೋಗದೊಂದಿಗೆ ಮೈದಾನಕ್ಕಿಳಿಯುತ್ತದೆ ಎಂದು ಹೆಚ್ಚಿನವರು ಕಾದು ನೋಡುತ್ತಿದ್ದಾರೆ.

ಟ್ರಿನಿಡಾಡ್ (ವೆಸ್ಟ್​​ ಇಂಡೀಸ್​): ಎರಡನೇ ಏಕದಿನ ಪಂದ್ಯದಲ್ಲಿ ಭಾರತದ ಸೋಲಿನ ನಂತರ, ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅವರು ತಂಡದ ಪ್ರಯೋಗಗಳನ್ನು ಸಮರ್ಥಿಸಿಕೊಂಡಿದ್ದಾರೆ. ಏಷ್ಯಾ ಕಪ್ ಮತ್ತು ವಿಶ್ವಕಪ್ ಸಿದ್ಧತೆಗಳ ಪ್ರಯೋಗ ಅಗತ್ಯ ಎಂದಿದ್ದಾರೆ. ಆದರೆ ಇಂದಿನ ಪಂದ್ಯದಲ್ಲಿ ಟೀಮ್​ ಮ್ಯಾನೇಜ್​ ಮೆಂಟ್​ ಮಾಡುವ ಪ್ರಯೋಗ ಸರಣಿ ನಷ್ಟಕ್ಕೆ ಕಾರಣ ಆಗಬಹುದು. ಈ ಹಿನ್ನೆಲೆಯಲ್ಲಿ ತಂಡದ ಆಯ್ಕೆಯ ಬಗ್ಗೆ ಹೆಚ್ಚಿನ ಗಮನ ನೆಟ್ಟಿದೆ.

• The deciding ODI is tomorrow in Trinidad!🇹🇹
  
  Get Tickets⬇️https://t.co/21A070Xq1G pic.twitter.com/D6MTMKFW9e

  — Windies Cricket (@windiescricket) July 31, 2023 " class="align-text-top noRightClick twitterSection" data="

  The deciding ODI is tomorrow in Trinidad!🇹🇹
  
  Get Tickets⬇️https://t.co/21A070Xq1G pic.twitter.com/D6MTMKFW9e

  — Windies Cricket (@windiescricket) July 31, 2023

  ">

  The deciding ODI is tomorrow in Trinidad!🇹🇹
  
  Get Tickets⬇️https://t.co/21A070Xq1G pic.twitter.com/D6MTMKFW9e

  — Windies Cricket (@windiescricket) July 31, 2023

ಕಿಶನ್​ ಸ್ಥಾನ ಯಾವುದು?: ಮಂಗಳವಾರದ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಗೆ ವಿಶ್ರಾಂತಿ ನೀಡುವ ಬಗ್ಗೆ ಭಾರತ ತಂಡದ ಆಡಳಿತವು ಯೋಚಿಸುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಇಶಾನ್ ಕಿಶನ್ ಅವರ ಬ್ಯಾಟಿಂಗ್ ಕ್ರಮಾಂಕವನ್ನು ಕೂಡ ಕಾದು ನೋಡಬೇಕಿದೆ. ಆರಂಭಿಕರಾಗಿ ಗಿಲ್​ ಕಾಣಿಸಿಕೊಳ್ಳುತ್ತಾರ ಇಲ್ಲಾ, ಮೊದಲ ಪಂದ್ಯದಂತೆ ರೋಹಿತ್​ ಸ್ಥಾನ ಬಿಟ್ಟುಕೊಡುತ್ತಾರ ಎಂಬುದನ್ನು ತಿಳಿಯಬೇಕಿದೆ.

ಮಧ್ಯಮ ಕ್ರಮಾಂಕವೂ ಗೊಂದಲ: ಮಧ್ಯಮ ಕ್ರಮಾಂಕದ ಸೂರ್ಯ ಕುಮಾರ್ ಯಾದವ್ ಮತ್ತು ಸಂಜು ಸ್ಯಾಮ್ಸನ್ ನಡುವೆ ಸ್ಪರ್ಧೆ ಇದೆ. ಒಂದು ಅವಕಾಶದಲ್ಲಿ ವಿಫಲವಾಗಿರುವ ಸ್ಯಾಮ್ಸನ್​ಗೆ ಮತ್ತೆ ಸ್ಥಾನ ಸಿಗುತ್ತಾ ಇಲ್ಲಾ ಸೂರ್ಯ ಅವರಿಗೆ ಮೂರನೇ ಅವಕಾಶ ಸಿಗುತ್ತಾ ಎಂಬುದು ಪ್ರಶ್ನೆಯಾಗಿದೆ. ಸೂರ್ಯಕುಮಾರ್ ಅವರು ಎರಡೂ ಪಂದ್ಯಗಳಲ್ಲಿ ಉತ್ತಮ ಆರಂಭವನ್ನು ಪಡೆದರು. ಆದರೆ ಅವುಗಳನ್ನು ದೊಡ್ಡ ಸ್ಕೋರ್‌ಗಳಾಗಿ ಪರಿವರ್ತಿಸಲು ಸಾಧ್ಯವಾಗಲಿಲ್ಲ. ಸ್ಯಾಮ್ಸನ್ ಎರಡನೇ ಪಂದ್ಯವನ್ನಷ್ಟೇ ಆಡಿ 9 ರನ್ ಗಳಿಸಿ ಸ್ಲಿಪ್‌ನಲ್ಲಿ ಕ್ಯಾಚ್‌ಗೆ ಸಿಲುಕಿದರು. ಮಂಗಳವಾರ ಸಂಜುಗೆ ಮತ್ತೊಂದು ಅವಕಾಶ ಸಿಕ್ಕರೆ ಅದನ್ನೇ ಸದುಪಯೋಗ ಪಡಿಸಿಕೊಳ್ಳಬೇಕಾಗುತ್ತದೆ.

• When in Trinidad 🇹🇹... 🤝#TeamIndia | #WIvIND | @DJBravo47 pic.twitter.com/dBublUKGGz

  — BCCI (@BCCI) August 1, 2023 " class="align-text-top noRightClick twitterSection" data="

  When in Trinidad 🇹🇹... 🤝#TeamIndia | #WIvIND | @DJBravo47 pic.twitter.com/dBublUKGGz

  — BCCI (@BCCI) August 1, 2023

  ">

  When in Trinidad 🇹🇹... 🤝#TeamIndia | #WIvIND | @DJBravo47 pic.twitter.com/dBublUKGGz

  — BCCI (@BCCI) August 1, 2023

ಈ ವರ್ಷ ಭಾರತದಲ್ಲಿ ನಡೆಯಲಿರುವ 2023ರ ವಿಶ್ವಕಪ್​ನಲ್ಲಿ ಆಡುವ ಅವಕಾಶದಿಂದ ವೆಸ್ಟ್​ ಇಂಡೀಸ್​ ವಂಚಿತವಾಗಿದೆ. ಅರ್ಹತಾ ಸುತ್ತಿನ ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ನೀಡಿ ತಂಡ 10 ತಂಡಗಳ ಪಟ್ಟಿಯನ್ನು ಸೇರುವುದರಲ್ಲಿ ವಿಫಲವಾಗಿದೆ. 2006 ರಿಂದ ಎರಡೂ ತಂಡಗಳು ಪರಸ್ಪರರ ವಿರುದ್ಧ 12 ದ್ವಿಪಕ್ಷೀಯ ಏಕದಿನ ಸರಣಿಗಳನ್ನು ಆಡಿವೆ ಮತ್ತು ಪ್ರತಿ ಬಾರಿ ಭಾರತ ಗೆದ್ದಿದೆ. ಈ ಬಾರಿಯ ಸರಣಿ ಗೆದ್ದಲ್ಲಿ 13ನೇ ಪ್ರಶಸ್ತಿ ಗೆದ್ದ ದಾಖಲೆಯನ್ನು ಭಾರತ ಬರೆಯಲಿದೆ.

ಲಾರಾ ಮೈದಾನದಲ್ಲಿ ಮೊದಲ ಏಕದಿನ: ಬ್ರಿಯಾನ್ ಲಾರಾ ಸ್ಟೇಡಿಯಂನಲ್ಲಿ ಇದು ಮೊದಲ ಏಕದಿನ ಪಂದ್ಯವಾಗಿದೆ. ಈ ಮೈದಾನದಲ್ಲಿ ಇಲ್ಲಿಯವರೆಗೆ ಕೇವಲ ಒಂದು ಪುರುಷರ ಅಂತರಾಷ್ಟ್ರೀಯ ಪಂದ್ಯವನ್ನು ಮಾತ್ರ ಆಡಲಾಗಿದೆ. ಕಳೆದ ವರ್ಷ ವೆಸ್ಟ್ ಇಂಡೀಸ್ ಮತ್ತು ಭಾರತ ನಡುವಿನ ಟಿ20 ಪಂದ್ಯವನ್ನು ಭಾರತ ಗೆದ್ದಿತ್ತು. ಅದೇ ಸಮಯದಲ್ಲಿ, 23 ಲಿಸ್ಟ್ ಎ ಪಂದ್ಯಗಳಲ್ಲಿ, ಮೊದಲು ಬ್ಯಾಟಿಂಗ್ ಮಾಡಿದ ತಂಡಗಳು ಕೇವಲ ಏಳು ಬಾರಿ 250 ರ ಗಡಿ ದಾಟಿವೆ.

ಹವಾಮಾನ: ಮಂಗಳವಾರದಂದು ಬ್ರಿಯಾನ್ ಲಾರಾ ಕ್ರೀಡಾಂಗಣದ ಸುತ್ತಮುತ್ತಲಿನ ವಾತಾವರಣ ಸಾಮಾನ್ಯವಾಗಿರುತ್ತದೆ. ಈ ಪ್ರದೇಶದಲ್ಲಿ ಮೋಡ ಕವಿದ ವಾತಾವರಣ ಇರಲಿದ್ದು, ಮಳೆಯಾಗುವ ಸಾಧ್ಯತೆ ಕಡಿಮೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಅಂಕಿ ಅಂಶಗಳು ಹೀಗಿವೆ:

• ವೆಸ್ಟ್ ಇಂಡೀಸ್ ಟೀಮ್ ನಾಯಕ ಶಾಯ್​ ಹೋಪ್ ಏಕದಿನ ಕ್ರಿಕೆಟ್​ನಲ್ಲಿ 5000 ರನ್​ ಪೂರೈಸಲು ಕೇವಲ 65 ರನ್‌ಗಳ ಅಂತರದಲ್ಲಿದ್ದಾರೆ. ಮಂಗಳವಾರ 113ನೇ ಇನ್ನಿಂಗ್ಸ್‌ ಆಡುತ್ತಿರುವ ಹೋಪ್​ 65 ರನ್​ ಗಡಿ ದಾಟಿದರೆ ಬಾಬರ್ ಅಜಮ್ ಮತ್ತು ಹಾಶಿಮ್ ಆಮ್ಲಾ 6000 ರನ್​ ಪೂರೈಸಿದ ಮೂರನೇ ವೇಗದ ಬ್ಯಾಟರ್​ ಎಂಬ ದಾಖಲೆ ಮಾಡಲಿದ್ದಾರೆ.
• ಇಂದಿನ ಪಂದ್ಯದಲ್ಲಿ ಕೊಹ್ಲಿ 102 ರನ್ ಗಳಿಸಿದರೆ, ಏಕದಿನದಲ್ಲಿ 13,000 ಗಡಿ ಮುಟ್ಟಿದ ಐದನೇ ಬ್ಯಾಟರ್​ ಎಂಬ ರೆಕಾರ್ಡ್​ ಮಾಡಲಿದ್ದಾರೆ.
• ಆಲ್​ರೌಂಡರ್​ ರವೀಂದ್ರ ಜಡೇಜ 6 ವಿಕೆಟ್​ಗಳನ್ನು ಈ ಪಂದ್ಯದಲ್ಲಿ ಕಿತ್ತಲ್ಲಿ ಏಕದಿನದಲ್ಲಿ 200 ವಿಕೆಟ್​ ಪಡೆದ ಸಾಧನೆ ಮಾಡಲಿದ್ದಾರೆ. ಜಡೇಜ 200 ವಿಕೆಟ್​ ಪಡೆದಲ್ಲಿ ಕಪಿಲ್ ದೇವ್ (3783 ರನ್ ಮತ್ತು 253 ವಿಕೆಟ್) ನಂತರ 2000 ರನ್ ಮತ್ತು 200 ವಿಕೆಟ್‌ ಪಡೆದ ಎರಡನೇ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲಿದ್ದಾರೆ.

ಸಂಭಾವ್ಯ ತಂಡಗಳು ಇಂತಿದೆ.. ವೆಸ್ಟ್ ಇಂಡೀಸ್ : ಬ್ರ್ಯಾಂಡನ್ ಕಿಂಗ್, ಕೈಲ್ ಮೇಯರ್ಸ್, ಅಲಿಕ್ ಅಥಾನಾಜ್, ಶಾಯ್ ಹೋಪ್ (ನಾಯಕ & ವಿಕೆಟ್​ ಕೀಪರ್​), ಶಿಮ್ರಾನ್ ಹೆಟ್ಮೆಯರ್, ಕೇಸಿ ಕಾರ್ಟಿ, ರೊಮಾರಿಯೋ ಶೆಫರ್ಡ್, ಯಾನಿಕ್ ಕರಿಯಾ, ಅಲ್ಜಾರಿ ಜೋಸೆಫ್, ಗುಡಕೆಶ್ ಮೊಟ್ಟಿ, ಜೇಡನ್ ಸೀಲ್ಸ್

ಭಾರತ: ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್ (ವಿಕೆಟ್ ಕೀಪರ್) ಅಥವಾ ಸಂಜು ಸ್ಯಾಮ್ಸನ್, ವಿರಾಟ್ ಕೊಹ್ಲಿ, ಹಾರ್ದಿಕ್ ಪಾಂಡ್ಯ , ಸೂರ್ಯಕುಮಾರ್ ಯಾದವ್, ಶುಭಮನ್ ಗಿಲ್, ರವೀಂದ್ರ ಜಡೇಜಾ, ಶಾರ್ದೂಲ್ ಠಾಕೂರ್, ಕುಲದೀಪ್ ಯಾದವ್, ಉಮ್ರಾನ್​ ಮಲಿಕ್, ಮುಖೇಶ್ ಕುಮಾರ್.

ಇದನ್ನೂ ಓದಿ: Stuart Broad:146 ವರ್ಷದ ಟೆಸ್ಟ್​ ಇತಿಹಾಸದಲ್ಲಿ ಯಾರೂ ಮಾಡದ ದಾಖಲೆ ಬರೆದ ಸ್ಟುವರ್ಟ್ ಬ್ರಾಡ್!