ರಾಹುಲ್​-ರೋಹಿತ್​ಗೆ ಹೊಸ ಅಗ್ನಿಪರೀಕ್ಷೆ: ನ್ಯೂಜಿಲ್ಯಾಂಡ್​-ಭಾರತ ಟಿ20 ಫೈಟ್​ಗೆ ಕ್ಷಣಗಣನೆ​

ಟಿ20 ವಿಶ್ವಕಪ್​ ಟೂರ್ನಮೆಂಟ್​ ನಂತರ ನ್ಯೂಜಿಲ್ಯಾಂಡ್ ಹಾಗೂ ಟೀಂ ಇಂಡಿಯಾ (India vs New Zealand) ನಾಳೆಯಿಂದ ಟಿ20 ಸರಣಿಯಲ್ಲಿ ಭಾಗಿಯಾಗುತ್ತಿವೆ. ಉಭಯ ತಂಡಗಳು ಗೆಲುವು ಸಾಧಿಸುವ ಗುರಿಯೊಂದಿಗೆ ಕಣಕ್ಕಿಳಿಯುತ್ತಿವೆ.

ಜೈಪುರ್​(ರಾಜಸ್ಥಾನ): ಟೀಂ ಇಂಡಿಯಾ ಟಿ20 ತಂಡದ ನೂತನ ಕ್ಯಾಪ್ಟನ್​ ಆಗಿ ಆಯ್ಕೆಯಾಗಿರುವ ಹಿಟ್​ಮ್ಯಾನ್​ ರೋಹಿತ್ ಶರ್ಮಾ ಹಾಗೂ ಕೋಚ್​ ರಾಹುಲ್​ ದ್ರಾವಿಡ್​ಗೆ ನಾಳೆಯಿಂದ ಹೊಸ ಅಗ್ನಿಪರೀಕ್ಷೆ ಎದುರಾಗಲಿದೆ. ಜೈಪುರದ ಸವಾಯಿ ಮಾನ್ಸಿಂಗ್​​​ ಮೈದಾನದಲ್ಲಿ (Sawai Mansingh Stadium) ಮೊದಲ ಪಂದ್ಯ ನಡೆಯಲಿದೆ.

ಕೋಚ್​ ರಾಹುಲ್​ ಜೊತೆ ಉಪನಾಯಕ ರಾಹುಲ್​​

ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಯ ಲೀಗ್​ ಹಂತದಲ್ಲೇ ಟೀಂ ಇಂಡಿಯಾ ಹೊರಬಿದ್ದು, ನಿರಾಸೆ ಅನುಭವಿಸಿತ್ತು. ಮುಂದಿನ ವರ್ಷ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್​ಗೆ ಸಿದ್ಧಗೊಳ್ಳಬೇಕಾಗಿದೆ. ಹೀಗಾಗಿ ನ್ಯೂಜಿಲ್ಯಾಂಡ್ (​New Zealand tour of India) ವಿರುದ್ಧದ ಸರಣಿ ಕೆಲ ಯುವ ಪ್ರತಿಭೆಗಳಿಗೆ ಮೊದಲ ವೇದಿಕೆಯಾಗಲಿದೆ.

• #TeamIndia get into the groove for the #INDvNZ T20I series. 👌 👌
  
  How excited are you to see them in action? 👏 👏 pic.twitter.com/Q3sNrdjnYA

  — BCCI (@BCCI) November 16, 2021 " class="align-text-top noRightClick twitterSection" data="

  #TeamIndia get into the groove for the #INDvNZ T20I series. 👌 👌
  
  How excited are you to see them in action? 👏 👏 pic.twitter.com/Q3sNrdjnYA

  — BCCI (@BCCI) November 16, 2021

  ">

  #TeamIndia get into the groove for the #INDvNZ T20I series. 👌 👌
  
  How excited are you to see them in action? 👏 👏 pic.twitter.com/Q3sNrdjnYA

  — BCCI (@BCCI) November 16, 2021

ಐಪಿಎಲ್​ನಲ್ಲಿ ಮಿಂಚು ಹರಿಸಿರುವ ವೆಂಕಟೇಶ್ ಅಯ್ಯರ್​, ಋತುರಾಜ್ ಗಾಯಕ್‌ವಾಡ್, ಹರ್ಷಲ್ ಪಟೇಲ್​, ಆವೇಶ್ ಖಾನ್​ ಇದೀಗ ಟೀಂ ಇಂಡಿಯಾಗೆ ಆಯ್ಕೆಯಾಗಿದ್ದು, ಈ ಪ್ಲೇಯರ್ಸ್​ ನಾಳೆಯಿಂದ ಪಂದ್ಯದಲ್ಲಿ ಪದಾರ್ಪಣೆ ಮಾಡುವ ಸಾಧ್ಯತೆ ಇದೆ.

ಈ ಪಂದ್ಯದೊಂದಿಗೆ ಹಿಟ್​ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಕ್ಯಾಪ್ಟನ್​(Captain Rohit) ಆಗಿ ಹೊಸ ಇನಿಂಗ್ಸ್ ಆರಂಭಿಸಲಿದ್ದು, ರಾಹುಲ್ ದ್ರಾವಿಡ್ ಟೀಂ ಇಂಡಿಯಾ ಕೋಚ್(Team India Coach Rahul Dravid) ಆಗಿ ಮೊದಲ ಪಂದ್ಯದಲ್ಲೇ ಜಯ ದಾಖಲಿಸುವ ನಿರೀಕ್ಷೆ ಹೊಂದಿದ್ದಾರೆ.

ದೀರ್ಘ ಸಮಾಲೋಚನೆಯಲ್ಲಿ ಟೀಂ ಇಂಡಿಯಾ ಪ್ಲೇಯರ್ಸ್​

ಟಿ20 ವಿಶ್ವಕಪ್​ನಲ್ಲಿ ಆಡಿರುವ ಬಹುತೇಕ ಆಟಗಾರರು ಟೀಂ ಇಂಡಿಯಾ ಬಳಗದಲ್ಲಿದ್ದು, ಅದೇ ತಂಡ ಇದೀಗ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಆರಂಭಿಕರಾಗಿ ರೋಹಿತ್ ಜೊತೆ ರಾಹುಲ್​​ ಇನ್ನಿಂಗ್ಸ್​ ಶುರು ಮಾಡಲಿದ್ದಾರೆ. ಉಳಿದಂತೆ ಇಶಾನ್ ಕಿಶನ್, ಸೂರ್ಯಕುಮಾರ್ ಯಾದವ್, ರಿಷಭ್ ಪಂತ್​ ಮತ್ತು ಶ್ರೇಯಸ್ ಅಯ್ಯರ್ ಮಧ್ಯಮ ಕ್ರಮಾಂಕದ ಬ್ಯಾಟ್​ ಬೀಸಲಿದ್ದಾರೆ. ಸ್ಪಿನ್ನರ್​ಗಳಾಗಿ ಅಶ್ವಿನ್​ ಹಾಗೂ ಚಹಲ್​​ ಇರಲಿದ್ದು, ವೇಗಿ ಭುವನೇಶ್ವರ್, ಹರ್ಷಲ್ ಪಟೇಲ್ ಹಾಗೂ ಮೊಹಮ್ಮದ್ ಸಿರಾಜ್​​ ಚಾನ್ಸ್​ ಪಡೆದುಕೊಳ್ಳಬಹುದು.

ಟೀಂ ಇಂಡಿಯಾ ಪ್ಲೇಯರ್ಸ್​​​

ಇನ್ನು ನ್ಯೂಜಿಲ್ಯಾಂಡ್ ಬಳಗ ಕೂಡ ಬಲಿಷ್ಠವಾಗಿದೆ. ಮಾರ್ಟಿನ್​ ಗಫ್ಟಿಲ್​, ಮಿಚೆಲ್, ಸೌಥಿಯಂತಹ ಆಟಗಾರರಿದ್ದಾರೆ. ವಿಶ್ವಕಪ್​ನಲ್ಲಿ ಗಮನಾರ್ಹ ಪ್ರದರ್ಶನ ನೀಡಿದ್ದು, ಇದೀಗ ಅದೇ ಆಟವನ್ನು ಟೀಂ ಇಂಡಿಯಾ ವಿರುದ್ಧ ಮುಂದುವರೆಸುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಮುಂಬರುವ ICC ಟೂರ್ನಾಮೆಂಟ್​ಗಾಗಿ ರಣತಂತ್ರ.. ಹೊಸ ಕೋಚ್​, ಹೊಸ ನಾಯಕ ಹೇಳಿದ್ದೇನು!?

ಆರ್. ಅಶ್ವಿನ್ ಜೊತೆ ಕ್ಯಾಪ್ಟನ್ ರೋಹಿತ್​

ನ್ಯೂಜಿಲ್ಯಾಂಡ್ T20 ತಂಡ: ಟಾಡ್ ಆಸ್ಟಲ್, ಟ್ರೆಂಟ್ ಬೌಲ್ಟ್, ಮಾರ್ಕ್ ಚಾಪ್ಮನ್, ಲೂಕಿ ಫರ್ಗ್ಯೂಸನ್, ಮಾರ್ಟಿನ್ ಗಪ್ಟಿಲ್, ಕೈಲ್ ಜೇಮಿಸನ್, ಆಡಮ್ ಮಿಲ್ನೆ, ಡೇರಿಲ್ ಮಿಚೆಲ್, ಜಿಮ್ಮಿ ನೀಶಮ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೀಫರ್ಟ್, ಇಶ್‌ ಸೋಧಿ, ಟಿಮ್ ಸೌಥಿ(ಕ್ಯಾಪ್ಟನ್​)

ಭಾರತ T20 ತಂಡ: ರೋಹಿತ್​ ಶರ್ಮಾ (ಕ್ಯಾಪ್ಟನ್), ಕೆ.ಎಲ್.ರಾಹುಲ್ (ಉ.ನಾ), ಋತುರಾಜ್​ ಗಾಯಕ್ವಾಡ್, ಶ್ರೇಯಸ್ ಅಯ್ಯರ್, ಸೂರ್ಯಕುಮಾರ್ ಯಾದವ್, ರಿಷಬ್​ ಪಂತ್ (ವಿ.ಕೀ), ಇಶಾನ್ ಕಿಶನ್ (ವಿ.ಕೀ), ವೆಂಕಟೇಶ್ ಅಯ್ಯರ್, ಯಜುವೇಂದ್ರ ಚಹಾಲ್, ಆರ್.ಅಶ್ವಿನ್, ಅಕ್ಸರ್ ಪಟೇಲ್, ಅವೇಶ್ ಖಾನ್, ಭುವನೇಶ್ವರ್ ಕುಮಾರ್, ದೀಪಕ್​​ ಚಾಹರ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್