ದಕ್ಷಿಣ ಆಫ್ರಿಕಾಗೆ 238 ರನ್​ಗಳ​ ಗುರಿ ನೀಡಿದ ಭಾರತ: ಹರಿಣಗಳಿಗೆ ಆರಂಭಿಕ ಆಘಾತ

ಎರಡನೇ ಟಿ 20ಯಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಮಾಡಿತ ಭಾರತ ತಂಡ 238 ರನ್​ ಬೃಹತ್​ ಮೊತ್ತದ ಗುರಿಯನ್ನು ನೀಡಿದೆ. ಗುರಿ ಬೆನ್ನಟ್ಟಿರುವ ದಕ್ಷಿಣ ಆಫ್ರಿಕಾ ಒಂದು ರನ್​ ಗಳಿಸುವಷ್ಟರಲ್ಲೇ 2 ವಿಕೆಟ್​ ಕಳೆದುಕೊಂಡಿದೆ.

ಗುವಾಹಟಿ: ದಕ್ಷಿಣ ಆಫ್ರಿಕಾದ ಎದುರಿನ ಎರಡನೇ ಟಿ20ಯಲ್ಲಿ ಅದ್ಭುತ ಬ್ಯಾಟಿಂಗ್​ ಪ್ರದರ್ಶಿಸಿದ ಭಾರತ ತಂಡ 3 ವಿಕೆಟ್ ನಷ್ಟಕ್ಕೆ 237 ರನ್​ಗಳ ಬೃಹತ್​ ಮೊತ್ತ​ ಪೇರಿಸಿದೆ. ಟಾಸ್​ ಸೋತು ಬ್ಯಾಟಿಂಗ್​ಗಿಳಿದ ಟೀಂ ಇಂಡಿಯಾಕ್ಕೆ ರೋಹಿತ್​ ಶರ್ಮಾ ಮತ್ತು ಕೆ.ಎಲ್​ ರಾಹುಲ್​ ಉತ್ತಮ ಆರಂಭ ನೀಡಿದರು.

ಭಾರತದ ಆರಂಭಿಕ ಬ್ಯಾಟರ್​ಗಳು 9.5 ಓವರ್​ಗಳಲ್ಲಿ​ 96 ರನ್​ ಜೊತೆಯಾಟ ನೀಡಿದರು. ರೋಹಿತ್​ ಶರ್ಮಾ ಬಿರುಸಿನ ಆಟಕ್ಕೆ ಹರಿಣಗಳ ತಂಡದ ಬೌಲರ್​ಗಳನ್ನು ಮನಬಂದಂತೆ ದಂಡಿಸಿದರು. 37 ಎಸೆತದಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್​ನೊಂದಿಗೆ 43 ರನ್​ ಬಾರಿಸಿದರು. 9.5 ಓವರ್​ನಲ್ಲಿ ಮಹರಾಜ ಎಸೆದ ಚೆಂಡನ್ನು ಲೆಗ್​ ಸೈಡ್​ನತ್ತ ಬಾರಿಸಲು ಯತ್ನಿಸಿ ಕ್ಯಾಚ್​ ನೀಡಿದರು.

ರಾಹುಲ್​ ಆಕರ್ಷಕ ಅರ್ದ ಶತಕ : ಕೆ.ಎಲ್​ ರಾಹುಲ್​ ಮೊದಲ ಪಂದ್ಯದ ಫಾರ್ಮ್​ನ್ನು ಮುಂದುವರೆಸಿದ್ದು ಆಕರ್ಷಕ ಅರ್ದಶತಕ ಬಾರಿಸಿದರು. ಕ್ರೀಸ್​ಗೆ ಬಂದಾಗಿನಿಂದಲೇ ಹೊಡಿಬಡಿ ಆಟಕ್ಕೆ ಇಳಿದ ರಾಹುಲ್​ 28 ಎಸೆತದಲ್ಲಿ 5 ಬೌಡರಿ ಮತ್ತು 4 ಸಿಕ್ಸರ್​ನಿಂದ 57 ರನ್​ ಗಳಿಸಿದರು. 11.3ನೇ ಓವರ್​ನಲ್ಲಿ ಮಹರಾಜ ಬೌಲಿಂಗಿನಲ್ಲೇ ಎಲ್​ಬಿಡಬ್ಲ್ಯೂಗೆ ಬಲಿಯಾದರು.

• 1000 runs and counting in T20Is for @surya_14kumar 💥💥
  
  He is the third fastest Indian batter to achieve this feat.#TeamIndia pic.twitter.com/aDOSNWu2zv

  — BCCI (@BCCI) October 2, 2022 " class="align-text-top noRightClick twitterSection" data="

  1000 runs and counting in T20Is for @surya_14kumar 💥💥
  
  He is the third fastest Indian batter to achieve this feat.#TeamIndia pic.twitter.com/aDOSNWu2zv

  — BCCI (@BCCI) October 2, 2022

  ">

  1000 runs and counting in T20Is for @surya_14kumar 💥💥
  
  He is the third fastest Indian batter to achieve this feat.#TeamIndia pic.twitter.com/aDOSNWu2zv

  — BCCI (@BCCI) October 2, 2022

ಸಾವಿರ ರನ್​ ಸರದಾರ ಸೂರ್ಯ : ರೋಹಿತ್​ ವಿಕೆಟ್​ ನಂತರ ಕೊಹ್ಲಿ ಕ್ರಿಸ್​ಗೆ ಬಂದರು. ಕೊಹ್ಲಿ ಜೊತೆ ರಾಹುಲ್​ ಹೆಚ್ಚಿನ ಜೊತೆಯಾಟ ನೀಡಲಿಲ್ಲ. ನಾಲ್ಕನೇ ಕ್ರಮಾಂಕದಲ್ಲಿ ಬಂದ ಸೂರ್ಯಕುಮಾರ್​ ಯಾದವ್​ ತಮ್ಮ ಅದ್ಭುತ ಫಾರ್ಮ್​​ ಮುಂದುವರೆಸಿದರು. ಮೈದಾನದ ಅಷ್ಟ ದಿಕ್ಕುಗಳನ್ನೂ ಹರಿಣಗಳ ತಂಡದ ಬೌಲರ್​ಗಳಿಗೆ ದರ್ಶಿಸಿದರು. 22 ಬಾಲ್​ನಲ್ಲಿ 5 ಸಿಕ್ಸರ್​ ಹಾಗೂ 5 ಬೌಂಡರಿಯಿಂದ 61 ರನ್ ​ಗಳಿಸಿದರು. ಟಿ20 ಮಾದರಿಯಲ್ಲಿ 1,000 ದಾಖಲಿಸಿ ಭಾರತ ಮೂರನೇ ಬ್ಯಾಟರ್​​​ ಆಗಿ ಹೊರಹೊಮ್ಮಿದರು.

ಕೊಹ್ಲಿ ಮತ್ತು ಸೂರ್ಯಕುಮಾರ್​ ಯಾದವ್​ 50 ರನ್​ ಜೊತೆಯಾಟವಾಡಿದರು. 61 ರನ್​ ಗಳಿಸಿದ್ದ ಯಾದವ್​ ರನ್​ ಔಟ್​ ಆದರು, ವಿರಾಟ್​ ಕೊಹ್ಲಿ 49, ದಿನೇಶ್​ ಕಾರ್ತಿಕ್​ 17 ರನ್​ನಿಂದ ಅಜೇಯರಾಗಿ ಉಳಿದರು.

238 ರನ್​ ಗುರಿ ಬೆನ್ನಟ್ಟಿರುವ ದಕ್ಷಿಣ ಆಫ್ರಿಕಾ ಒಂದು ರನ್​ ಗಳಿಸುವಷ್ಟರಲ್ಲೇ 2 ವಿಕೆಟ್​ ಕಳೆದುಕೊಂಡಿದೆ. ನಾಯಕ ಬೌಮಾ ಹಾಗೂ ರೀಲೆ ರುಸ್ಸೋ ಶೂನ್ಯಕ್ಕೆ ಔಟಾಗಿದ್ದಾರೆ.

ಇದನ್ನೂ ಓದಿ : IND vs SA Africa 2nd T20: ಸರಣಿ ವಶಪಡಿಸಿಕೊಳ್ಳುವ ತವಕದಲ್ಲಿ ಭಾರತ