SA vs IND 2nd Test: ವಾಂಡರರ್ಸ್‌ನಲ್ಲಿ ಹರಿಣಗಳ ಮೇಲೆ 'ಶಾರ್ದೂಲ' ದಾಳಿ; 7 ವಿಕೆಟ್‌ ಪಡೆದು ಮಿಂಚಿದ ಭಾರತೀಯ ವೇಗಿ

SA vs IND 2nd Test: ಶಾರ್ದೂಲ್ ಠಾಕೂರ್​ ದಾಖಲೆಯ ಏಳು ವಿಕೆಟ್ ಪಡೆದುಕೊಂಡಿರುವ ಹೊರತಾಗಿಯೂ ಕೂಡ ದಕ್ಷಿಣ ಆಫ್ರಿಕಾ ತಂಡ ಎರಡನೇ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​​ನಲ್ಲಿ 27ರನ್​​ಗಳ ಮುನ್ನಡೆ ಪಡೆದುಕೊಂಡಿದೆ.

ಜೋಹಾನ್ಸ್​ಬರ್ಗ್​​(ದಕ್ಷಿಣ ಆಫ್ರಿಕಾ): ಭಾರತ ವಿರುದ್ಧದ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಮೊದಲ ಇನ್ನಿಂಗ್ಸ್​​ನಲ್ಲಿ 229 ರನ್​ಗಳಿಗೆ ಆಲೌಟ್​ ಆಗಿದ್ದು, ಈ ಮೂಲಕ 27 ರನ್​​ಗಳ ಮುನ್ನಡೆ ಪಡೆದುಕೊಂಡಿದೆ.

ಇಲ್ಲಿನ ವಾಂಡರರ್ಸ್​​ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಭಾರತ 202 ರನ್​​ಗಳಿಕೆ ಮಾಡಿ ಮೊದಲ ದಿನವೇ ಆಲೌಟ್ ಆಯಿತು. ಭಾರತದ ಇನ್ನಿಂಗ್ಸ್​​ಗೆ ಪ್ರತಿಯಾಗಿ ಬ್ಯಾಟಿಂಗ್​ ನಡೆಸಿದ ಆಫ್ರಿಕಾ ತಂಡ ಪೀಟರ್ಸನ್​​ ಹಾಗೂ ತೆಂಬಾ ಬವುಮಾ ಅವರ ಅರ್ಧಶತಕದ ನೆರವಿನಿಂದ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 229 ರನ್​ಗಳಿಕೆ ಮಾಡಿದ್ದು, 27ರನ್​​ಗಳ ಮುನ್ನಡೆ ಸಾಧಿಸಿದೆ. ಭಾರತದ ಪರ ಶಾರ್ದೂಲ್ ಠಾಕೂರ್ 7 ವಿಕೆಟ್ ಪಡೆದರೆ, ಇವರಿಗೆ ಸಾಥ್​ ನೀಡಿರುವ ಮೊಹಮ್ಮದ್ ಶಮಿ 2 ವಿಕೆಟ್ ಹಾಗೂ ಬುಮ್ರಾ 1 ವಿಕೆಟ್ ಕಬಳಿಸಿದರು.

• Shardul Thakur finishes with a seven-wicket haul as South Africa are bowled out for 229.
  
  Watch #SAvIND live on https://t.co/CPDKNxoJ9v (in select regions) 📺#WTC23 | https://t.co/WrcdXdQlUm pic.twitter.com/hlVXrmUO63

  — ICC (@ICC) January 4, 2022 " class="align-text-top noRightClick twitterSection" data="

  Shardul Thakur finishes with a seven-wicket haul as South Africa are bowled out for 229.
  
  Watch #SAvIND live on https://t.co/CPDKNxoJ9v (in select regions) 📺#WTC23 | https://t.co/WrcdXdQlUm pic.twitter.com/hlVXrmUO63

  — ICC (@ICC) January 4, 2022

  ">

  Shardul Thakur finishes with a seven-wicket haul as South Africa are bowled out for 229.
  
  Watch #SAvIND live on https://t.co/CPDKNxoJ9v (in select regions) 📺#WTC23 | https://t.co/WrcdXdQlUm pic.twitter.com/hlVXrmUO63

  — ICC (@ICC) January 4, 2022

7 ವಿಕೆಟ್​ ಪಡೆದು ಮಿಂಚಿದ ಶಾರ್ದೂಲ್ ಠಾಕೂರ್​

ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾ ಮಧ್ಯಮ ವೇಗದ ಬೌಲರ್​ ಶಾರ್ದೂಲ್ ಠಾಕೂರ್​ 7 ವಿಕೆಟ್ ಪಡೆದು ಮಿಂಚಿದ್ದಾರೆ. ಜೊತೆಗೆ ಹರಿಣಗಳ ನಾಡಿನಲ್ಲಿ ಹರ್ಭಜನ್​ ಬಳಿಕ ಒಂದೇ ಇನ್ನಿಂಗ್ಸ್​​​ನಲ್ಲಿ ಇಷ್ಟೊಂದು ವಿಕೆಟ್ ಪಡೆದುಕೊಂಡಿರುವ ಭಾರತದ ಎರಡನೇ ಬೌಲರ್​ ಆಗಿದ್ದಾರೆ. ಈ ಹಿಂದೆ 2010/11ರಲ್ಲಿ ಹರ್ಭಜನ್ ಸಿಂಗ್ ಕೇಪ್​ಟೌನ್​​ನಲ್ಲಿ 7 ವಿಕೆಟ್ ಪಡೆದುಕೊಂಡಿದ್ದರು.

ಇದನ್ನೂ ಓದಿ: IND vs SA 2nd Test: ಠಾಕೂರ್​​​ ಬಿರುಗಾಳಿಗೆ ಹರಿಣಗಳು ತತ್ತರ, ಚೊಚ್ಚಲ 5 ವಿಕೆಟ್​ ಪಡೆದ 'ಲಾರ್ಡ್​​ ಶಾರ್ದೂಲ್​​'

ದಕ್ಷಿಣ ಆಫ್ರಿಕಾ ವಿರುದ್ಧ ನಾಗ್ಪುರ​​ದಲ್ಲಿ 2015/16ರಲ್ಲಿ ನಡೆದ ಟೆಸ್ಟ್​ ಪಂದ್ಯದಲ್ಲಿ ಆರ್​. ಅಶ್ವಿನ್​ 7 ವಿಕೆಟ್​ ಪಡೆದುಕೊಂಡಿದ್ದರು. ಇದಕ್ಕೂ ಮುಂಚೆ 2004/05(ಕೋಲ್ಕತ್ತಾ) ಹಾಗೂ 2010/11(ಕೇಪ್​ಟೌನ್​​)ರಲ್ಲಿ ಭಜ್ಜಿ 7 ವಿಕೆಟ್​ ಸಾಧನೆ ಮಾಡಿದ್ದಾರೆ.