ನವದೆಹಲಿ : ಹೊಸದಾಗಿ ಭಾರತ ತಂಡದ ಮುಖ್ಯ ಕೋಚ್(head coach of the Indian team ) ಆಗಿ ನೇಮಕಗೊಂಡಿರುವ ರಾಹುಲ್ ದ್ರಾವಿಡ್(Rahul Dravid) ತಮ್ಮ ಸುರಕ್ಷಿತ ಮತ್ತು ಸದೃಢ ಬ್ಯಾಟಿಂಗ್ನಂತೆಯೇ ತಮ್ಮ ಕೋಚ್ ಜವಾಬ್ದಾರಿಯನ್ನು ನಿರ್ವಹಿಸಲಿದ್ದಾರೆ ಎಂದು ಕ್ರಿಕೆಟ್ ದಂತಕತೆ ಸುನಿಲ್ ಗವಾಸ್ಕರ್(Sunil Gavaskar) ಅಭಿಪ್ರಾಯಪಟ್ಟಿದ್ದಾರೆ.
ಟಿ20 ವಿಶ್ವಕಪ್ ಮುಗಿಯುತ್ತಿದ್ದಂತೆ ರವಿ ಶಾಸ್ತ್ರಿ(Ravi Shastri) ಅವರ ಕೋಚಿಂಗ್ ಅವಧಿ ಮುಕ್ತಾಯವಾಗಿದೆ. ಆ ಸ್ಥಾನಕ್ಕೆ ಕಳೆದ ತಿಂಗಳು ಕನ್ನಡಿಗ ರಾಹುಲ್ ದ್ರಾವಿಡ್ ಆಯ್ಕೆಯಾಗಿದ್ದರು.
ರಾಹುಲ್ ದ್ರಾವಿಡ್ ಆಡುತ್ತಿದ್ದಾಗ, ನಾವೆಲ್ಲಾ ಆತ ಕ್ರೀಸ್ನಲ್ಲಿ ಇರುವವರೆಗೂ ಭಾರತದ ಬ್ಯಾಟಿಂಗ್ ಸುರಕ್ಷಿತ ಮತ್ತು ಬಲಿಷ್ಠವಾಗಿರಲಿದೆ ಎಂದು ಚಿಂತಿಸುತ್ತಿದ್ದೆವು.
ಇದೇ ಕಾರಣದಿಂದ ನಾನು ಅವರು ತಮ್ಮ ಹೊಸ ಮುಖ್ಯ ಕೋಚ್ ಜವಾಬ್ದಾರಿಯನ್ನು ತಮ್ಮ ಬ್ಯಾಟಿಂಗ್ ಮಾದರಿಯಲ್ಲೇ ನಿರ್ವಹಿಸಿಕೊಂಡು ಹೋಗಲಿದ್ದಾರೆ ಎಂದು ನಂಬಿದ್ದೇನೆ ಎಂದು ಟೆಸ್ಟ್ ಕ್ರಿಕೆಟ್ನಲ್ಲಿ ಮೊದಲ ಬಾರಿಗೆ 10 ಸಾವಿರ ರನ್ಗಳಿಸಿದ ಬ್ಯಾಟರ್ ಗವಾಸ್ಕರ್ ಸ್ಟಾರ್ ಸ್ಪೋರ್ಟ್ಸ್ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ.
ರೋಹಿತ್ ಶರ್ಮಾ(Rohit Sharma) ಮತ್ತು ದ್ರಾವಿಡ್ ಇಬ್ಬರ ನಡುವೆ ಸಾಮ್ಯತೆಯಿದೆ ಎನ್ನುವುದನ್ನು ಹೈಲೈಟ್ ಮಾಡಿದ ಲೆಜೆಂಡರಿ ಬ್ಯಾಟರ್, ಇಬ್ಬರು ಒಂದು ಗೂಡಿ ತುಂಬಾ ಸುಲಭವಾಗಿ ಕೆಲಸ ಮಾಡಲಿದ್ದಾರೆ. ರೋಹಿತ್ ಅವರಲ್ಲೂ ದ್ರಾವಿಡ್ ಅವರಲ್ಲಿದ್ದ ಕೆಲವು ಲಕ್ಷಣಗಳಿವೆ.
ಹಾಗಾಗಿ, ಅವರಿಬ್ಬರ ನಡುವೆ ಒಳ್ಳೆಯ ಬಾಂಧವ್ಯ ಬೆಳೆಯಲಿದೆ ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ, ಅವರಿಬ್ಬರು ಒಬ್ಬರನ್ನೊಬ್ಬರು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದಾರೆ ಎಂದು ಗವಾಸ್ಕರ್ ಹೇಳಿದ್ದಾರೆ.
ಭಾರತ ಮತ್ತು ನ್ಯೂಜಿಲ್ಯಾಂಡ್( India vs New Zealand) ತಂಡಗಳ ನಡುವೆ ನವೆಂಬರ್ 17,19 ಮತ್ತು 21ರಂದು ಟಿ20 ಮತ್ತು ನವೆಂಬರ್ 25ರಿಂದ 29 ಹಾಗೂ ಡಿಸೆಂಬರ್ 3ರಿಂದ 7ರವರೆಗೆ ಕಾನ್ಪುರ ಮತ್ತು ಮುಂಬೈನಲ್ಲಿ ಎರಡು ಟೆಸ್ಟ್ ಪಂದ್ಯಗಳು ನಡೆಯಲಿವೆ.
ಇದನ್ನು ಓದಿ:ಮುಂಬರುವ ICC ಟೂರ್ನಮೆಂಟ್ಗಾಗಿ ರಣತಂತ್ರ.. ಹೊಸ ಕೋಚ್, ಹೊಸ ನಾಯಕ ಹೇಳಿದ್ದೇನು!?
