ಅಹಮದಾಬಾದ್: ಮೊಟೆರಾದ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಎರಡನೇ ಟಿ 20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ನಿಧಾನಗತಿಯ ಪಿಚ್ ಇಂಗ್ಲೆಂಡ್ ತಂಡದ ಹಿನ್ನಡೆಗೆ ಕಾರಣವಾಯಿತು ಎಂದು ನಾಯಕ ಇಯೊನ್ ಮೋರ್ಗಾನ್ ಹೇಳಿದರು.
ಮೊದಲ ಟಿ-20 ಯಲ್ಲಿ ಭಾರತ ವಿರುದ್ಧ ಇಂಗ್ಲೆಂಡ್ ಸುಲಭ ಗೆಲುವು ದಾಖಲಿಸಿತ್ತು. ಕೊನೆಯ ಪಂದ್ಯದಲ್ಲಿದ್ದ ಪಿಚ್ಗಿಂತ ಇದು ಭಿನ್ನವಾಗಿದೆ ಎಂದು ಮೋರ್ಗನ್ ಅಭಿಪ್ರಾಯಪಟ್ಟರು.
ಇದನ್ನು ಓದಿ: ಚೊಚ್ಚಲ ಪಂದ್ಯದಲ್ಲೇ ಅಬ್ಬರಿಸಿದ ಕಿಶನ್: ಕೊಹ್ಲಿ ಬಗ್ಗೆ ಹೇಳಿದ್ದೇನು?
"ಭಾರತ ಉತ್ತಮವಾಗಿ ಬೌಲಿಂಗ್ ಮಾಡಿತು. ಇದು ಮೊದಲ ಪಂದ್ಯದ ಪಿಚ್ಗಿಂತ ವಿಭಿನ್ನವಾದ ಪಿಚ್ ಆಗಿತ್ತು. ಅದರಲ್ಲಿ ಕಡಿಮೆ ವೇಗವಿತ್ತು. ಆರಂಭದಿಂದಲೂ ನಮಗೆ ಹಿನ್ನಡೆಯಾಯಿತು. ಚೆಂಡಿನ ವೇಗವು ಯಾವಾಗಲೂ ಬ್ಯಾಟ್ಸ್‌ಮನ್‌ಗಳಿಗೆ ಸವಾಲಾಗಿರುತ್ತದೆ. ನಾವು ಆಡಿದ ರೀತಿಗೆ ನಾನು ಸ್ವಲ್ಪ ನಿರಾಸೆಗೊಂಡಿದ್ದೇವೆ "ಎಂದು ಮೋರ್ಗನ್ ಹೇಳಿದರು.
