ವಿಶ್ವಕಪ್​ ಕ್ರಿಕೆಟ್​​: ವಾರ್ನರ್ 163, ಮಾರ್ಷ್ 121 ರನ್! ಪಾಕಿಸ್ತಾನ ವಿರುದ್ಧ ಆಸ್ಟ್ರೇಲಿಯಾ ದಾಖಲೆಯ ಜತೆಯಾಟ

ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಮೈದಾನದಲ್ಲಿ ಇಂದು ಆಸ್ಟ್ರೇಲಿಯಾ ತಂಡದ ಆರಂಭಿಕ ಬ್ಯಾಟರ್​ಗಳು ರನ್​ ಮಳೆ ಹರಿಸಿದರು.

ಬೆಂಗಳೂರು: ಏಕದಿನ ಕ್ರಿಕೆಟ್ ವಿಶ್ವಕಪ್‌ ಟೂರ್ನಿಯ ಮೊದಲೆರಡು ಪಂದ್ಯಗಳಲ್ಲಿ ನೀರಸ ಬ್ಯಾಟಿಂಗ್​​ ಪ್ರದರ್ಶನದಿಂದ ಸೋಲನುಭವಿಸಿದ ಆಸ್ಟ್ರೇಲಿಯಾ ತಂಡ ಇಲ್ಲಿನ ಎಂ.ಚಿನ್ನಸ್ವಾಮಿ ಮೈದಾನದಲ್ಲಿ ಶುಕ್ರವಾರ ಪಾಕಿಸ್ತಾನದ ವಿರುದ್ಧ ದಾಖಲೆ ಆರಂಭದ ಇನ್ನಿಂಗ್ಸ್​ ಆಡಿತು. ಅನುಭವಿ ಆರಂಭಿಕ ಬ್ಯಾಟರ್​ ಡೇವಿಡ್​ ವಾರ್ನರ್​ ಹಾಗೂ ಆಸಿಸ್​ ಟಿ20 ತಂಡದ ನಾಯಕ ಮಿಚೆಲ್​ ಮಾರ್ಷ್ ಅವರು​ ಪಾಕ್ ಬೌಲರ್‌ಗಳ ಮೇಲೆ ಗದಾಪ್ರಹಾರ ಮಾಡಿದ್ದಲ್ಲದೇ ಏಕದಿನ ವಿಶ್ವಕಪ್​ನ ದಾಖಲೆಯ ಆರಂಭಿಕ ಜತೆಯಾಟವಾಡಿದರು.

• HUNDRED BY THE BIRTHDAY BOY...!!!
  
  What a thunderous century by Mitchell Marsh - one of the best knocks of the tournament. Sheer power striking. pic.twitter.com/jGLyERIQ4Z

  — Mufaddal Vohra (@mufaddal_vohra) October 20, 2023 " class="align-text-top noRightClick twitterSection" data="

  HUNDRED BY THE BIRTHDAY BOY...!!!
  
  What a thunderous century by Mitchell Marsh - one of the best knocks of the tournament. Sheer power striking. pic.twitter.com/jGLyERIQ4Z

  — Mufaddal Vohra (@mufaddal_vohra) October 20, 2023

  ">

  HUNDRED BY THE BIRTHDAY BOY...!!!
  
  What a thunderous century by Mitchell Marsh - one of the best knocks of the tournament. Sheer power striking. pic.twitter.com/jGLyERIQ4Z

  — Mufaddal Vohra (@mufaddal_vohra) October 20, 2023

ಆಸಿಸ್​ಗೆ ಬೃಹತ್​ ಆರಂಭಿಕ ಜತೆಯಾಟ: ಡೇವಿಡ್​ ವಾರ್ನರ್​ ಮತ್ತು ಮಿಚೆಲ್​ ಮಾರ್ಷ್​ ಶತಕ ಗಳಿಸುವ ಮೂಲಕ ಪಾಕಿಸ್ತಾನದ ವಿರುದ್ಧ 250ಕ್ಕೂ ಹೆಚ್ಚಿನ ಪಾಲುದಾರಿಕೆ ಮಾಡಿದರು. ಆಸ್ಟ್ರೇಲಿಯಾ ತಂಡದ ಪರ ಅತಿ ದೊಡ್ಡ ವಿಶ್ವಕಪ್​ ಆರಂಭಿಕ ಜತೆಯಾಟ ಇದಾಗಿದೆ. ಇದಕ್ಕೂ ಮೊದಲು 2011ರ ವಿಶ್ವಕಪ್​ನಲ್ಲಿ ಇದೇ ಮೈದಾನದಲ್ಲಿ ಕಾಂಗರೂ ಪಡೆಯ ಬ್ರಾಡ್ ಹಡಿನ್ ಮತ್ತು ಶೇನ್ ವ್ಯಾಟ್ಸನ್ ಅವರ 183 ರನ್‌ಗಳ ಜತೆಯಾಟವಾಡಿದ್ದರು. 121 ರನ್ ಗಳಿಸಿ ಆಡುತ್ತಿದ್ದ ಮಾರ್ಷ್​ ಅವರ ವಿಕೆಟ್​ ಪತನದೊಂದಿಗೆ 259 ರನ್​ಗಳೊಂದಿಗೆ ಈ ಜೊತೆಯಾಟ ಅಂತ್ಯವಾಯಿತು. ಆಸ್ಟ್ರೇಲಿಯಾ ಇದು ವಿಶ್ವಕಪ್​ನ ಬೃಹತ್ ಆರಂಭಿಕ ಜತೆಯಾಟವೂ ಹೌದು.

ಜನ್ಮದಿನದಂದೇ ಶತಕ ಬಾರಿಸಿದ ಮಾರ್ಷ್‌!: ವಿಶ್ವಕಪ್​ ಪಂದ್ಯಗಳನ್ನು ಆಡುವುದೇ ವಿಶೇಷ. ಅದರಲ್ಲೂ ಜನ್ಮದಿನದಂದು ಶತಕ ದಾಖಲಿಸಿದರೆ ಇದು ಇನ್ನಷ್ಟು ಸ್ಮರಣೀಯ ಆಗುವುದರಲ್ಲಿ ಅನುಮಾನವೇ ಇಲ್ಲ. ಮಿಚೆಲ್​ ಮಾರ್ಷ್​ ಶತಕ ಗಳಿಸುವ ಮೂಲಕ ವಿಶ್ವಕಪ್​ನಲ್ಲಿ ಈ ಸಾಧನೆ ಮಾಡಿದ 6ನೇ ವ್ಯಕ್ತಿಯಾದರು. 2011ರ ವಿಶ್ವಕಪ್​ ನಂತರ ಇದು ಮೊದಲ ಬಾರಿಗೆ ಜರುಗಿದೆ. 2011 ವಿಶ್ವಕಪ್​ನಲ್ಲಿ ರಾಸ್​ ಟೇಲರ್​ ತಮ್ಮ ಜನ್ಮದಿನದಂದೇ ಶತಕ ಸಿಡಿಸಿದ್ದರು.

ವಿಶ್ವಕಪ್​ನ 2ನೇ ಬೃಹತ್​ ಆರಂಭಿಕ ಜತೆಯಾಟ: 2011ರ ವಿಶ್ವಕಪ್​ನಲ್ಲಿ ಉಪುಲ್ ತರಂಗ ಮತ್ತು ತಿಲಕರತ್ನ ದಿಲ್ಶನ್ 282 ರನ್​ ಆರಂಭಿಕ ಜತೆಯಾಟ ಮಾಡಿದ್ದರು. ಇದು ವಿಶ್ವಕಪ್​ನಲ್ಲಿ ಮೊದಲ ವಿಕೆಟ್​ನ ದೊಡ್ಡ ಪಾಲುದಾರಿಕೆಯಾಗಿದೆ. ಇಂದು ವಾರ್ನರ್​ ಮತ್ತು ಮಾರ್ಷ್​ 259 ರನ್​ಗಳ ಜತೆಯಾಟವಾಡಿದ್ದು, ಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆದುಕೊಂಡರು. ಎಲ್ಲಾ ವಿಕೆಟ್​ಗೆ ಹೋಲಿಸಿದರೆ ಇದು ಆರನೇ ಬೃಹತ್​ ಜತೆಯಾಟವಾಗಿದೆ.

ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ಶತಕ: ವಾರ್ನರ್​ ವಿಶ್ವಕಪ್​ನಲ್ಲಿ ತಮ್ಮ 5ನೇ ಶತಕ ದಾಖಲಿಸಿದರು. ಈ ಶತಕ ಪಟ್ಟಿಯಲ್ಲಿ ವಿರಾಟ್​ ಕೊಹ್ಲಿ (7), ಸಚಿನ್​ ತೆಂಡೂಲ್ಕರ್​ (6), ರಿಕ್ಕಿ ಪಾಂಟಿಂಗ್​ (5), ಕುಮಾರ್​ ಸಂಗಕ್ಕಾರ (5) ನಂತರದ ಸ್ಥಾನಗಳನ್ನು ಪಡೆದುಕೊಂಡಿದ್ದಾರೆ.

• " class="align-text-top noRightClick twitterSection" data="">

ಇದನ್ನೂ ಓದಿ: ನ್ಯೂಜಿಲೆಂಡ್ ವಿರುದ್ಧ ಹಾರ್ದಿಕ್​ ಅಲಭ್ಯ: ರೇಸ್‌ನಲ್ಲಿ ಶಮಿ, ಸೂರ್ಯ, ಕಿಶನ್​; ಯಾರಿಗೆ ಸಿಗಲಿದೆ ಅವಕಾಶ?