ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಯಾರಿಂದಲೂ ಆಗದ ದಾಖಲೆ ಟೀಂ ಇಂಡಿಯಾ ಮಾಡಿತು..

ಭಾರತ ತಂಡ 7 ವರ್ಷಗಳಿಂದ ತವರಿನಲ್ಲಿ ಸತತ 11 ಸರಣಿ ಗೆಲ್ಲುವ ಮೂಲಕ ಟೆಸ್ಟ್​ ಕ್ರಿಕೆಟ್​ನಲ್ಲಿ ವಿಶ್ವದಾಖಲೆ ನಿರ್ಮಿಸಿದೆ. ಈ ಹಿಂದಿನ ದಾಖಲೆ ಆಸ್ಟ್ರೇಲಿಯಾ ಹೆಸರಿನಲ್ಲಿತ್ತು. ಆಸೀಸ್​ ಎರಡು ಬಾರಿ ಸತತ 10 ಸರಣಿ ಗೆದ್ದಿತ್ತು.

ಪುಣೆ: ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಭಾರತ ತಂಡ ದಕ್ಷಿಣಆಫ್ರಿಕಾ ವಿರುದ್ಧ ಸರಣಿ ಗೆದ್ದಿದೆ. ಆ ಮೂಲಕ ಆಸ್ಟ್ರೇಲಿಯಾ ತವರಿನಲ್ಲಿ ಅತಿ ಹೆಚ್ಚು ದ್ವಿಪಕ್ಷೀಯ ಸರಣಿ ಗೆದ್ದ ತಂಡ ಎಂಬ ದಾಖಲೆಯನ್ನೂ ಮುರಿದು ಇತಿಹಾಸ ಬರೆದಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧ ಇದೇ ಮೊದಲ ಬಾರಿಗೆ ಇನ್ನಿಂಗ್ಸ್​ ಹಾಗೂ 137 ರನ್​ಗಳ ಬೃಹತ್​ ಜಯ ಸಾಧಿಸಿದ ಭಾರತ ತಂಡ ಇನ್ನೂ ಒಂದು ಪಂದ್ಯವಿರುವಂತೆ ಸರಣಿ ಗೆದ್ದು ತವರಿನಲ್ಲಿ ಸತತ 11 ಟೆಸ್ಟ್‌ ಸರಣಿಗಳನ್ನು ಗೆದ್ದು ವಿಶ್ವ ದಾಖಲೆಯನ್ನು ಬರೆದಿದೆ.

ಇದಕ್ಕೂ ಮೊದಲು 1994-2000 ಅವಧಿಯಲ್ಲಿ ಹಾಗೂ 2004ರಿಂದ 2008ರ ಅವಧಿಯಲ್ಲಿ ಆಸ್ಟ್ರೇಲಿಯಾ ತಂಡ ತವರಿನಲ್ಲಿ ಸತತ 10 ಸರಣಿಗಳನ್ನು ಗೆದ್ದು ವಿಶ್ವದಾಖಲೆ ಬರೆದಿತ್ತು. ಇದೀಗ ಆ ದಾಖಲೆಯನ್ನು ಟೀಂ​ ಇಂಡಿಯಾ ಬ್ರೇಕ್​ ಮಾಡಿದೆ. ಭಾರತ ತಂಡ 2013-2019ರ ಅವಧಿಯಲ್ಲಿ ಈ ಸಾಧನೆ ಮಾಡಿದೆ.

ಭಾರತದ 2013 ರಿಂದ ಗೆದ್ದಿರುವ ಟೆಸ್ಟ್​ ಸರಣಿಗಳು:

1. 2012-2013 ಆಸ್ಟ್ರೇಲಿಯಾ ವಿರುದ್ಧ 4-0
2. 2013-14 ವೆಸ್ಟ್ ​ಇಂಡೀಸ್​ ವಿರುದ್ಧ 2-0
3. 2015-16 ದಕ್ಷಿಣ ಆಫ್ರಿಕಾ ವಿರುದ್ಧ 3-0
4. 2016-17 ನ್ಯೂಜಿಲ್ಯಾಂಡ್​ ವಿರುದ್ಧ 3-0
5. 2016-17 ಇಂಗ್ಲೆಂಡ್​ ವಿರುದ್ಧ 4-0
6. 2016-17 ಬಾಂಗ್ಲಾದೇಶ ವಿರುದ್ಧ 1-0
7. 2016-17 ಆಸ್ಟ್ರೇಲಿಯಾ ವಿರುದ್ಧ 2-1
8. 2017-18 ಶ್ರೀಲಂಕಾ ವಿರುದ್ಧ 2-1
9. 2018 ಆಫ್ಘಾನಿಸ್ತಾನ ವಿರುದ್ಧ 1-0
10. 2018-2019 ವೆಸ್ಟ್​ ಇಂಡೀಸ್​ ವಿರುದ್ಧ 2-0
11. 2019 ದಕ್ಷಿಣ ಆಫ್ರಿಕಾ ವಿರುದ್ಧ-2-0*